又夢見你喇……今次o係個夢入面，你將我俾左人。我覺得個夢好似叫我面對現實。我唔甘心呀，咁多年黎我都好唔甘心！我知感情呢樣野係冇點解o既。但我個心真係好唔舒服。

我又要開始我o既新生活喇，好似曾經都有咁諗過。其實有好多近況想同你講，又好想聽下你o既消息，但我諗你會唔鐘意呢？

好想知點解你會做文職，好想知你會唔會由兩萬幾蚊轉做而家得幾千蚊o既生活會唔會唔習慣，有冇唔開心。

我o既任性話我聽，我好想去擁有你；但我o既理性話我聽唔可以咁做、唔應該咁做。而飲完酒後會將我o既任性放大幾萬倍，所以先咁討你厭。唔負責任咁講句，呢一切都係你造成。

1 May係你生日，唔知你會點慶祝呢？諗返起，原來咁多年都未同你慶祝過生日。我記得有一年你生日，本來陪你出去玩o既，但基於自信心，同埋你對我太差o既關係，想激你，想你著緊我，所以我放左飛機。

其實我都知道，我同你根本就冇緣份，因為我並唔適合你。我愛你，但冇信心。因為同你一齊就好似不停打緊仗咁，要捍衛我係你心裡面o既位置。

祝你生日快樂，生活愉快。

我不想忘記你

作曲：黃忠平
填詞：嚴云農
編曲：呂紹淳

我在向前走　卻像在退後
我在用想念　狂歡寂寞
越快樂就越失落　愛將我們高高舉起以後
再讓心　學會墜落
懷念著　寬闊的天空
雖然那裡　空氣很稀薄

我努力　想起你　笑著哭泣
讓自己　深愛你　再學會放棄
我不想忘記你　就算可以　我寧可記得所有傷心

我努力　想起你　哭也沒關係
用祝福　和感激　勇敢失去你
愛你這個決定　雖然艱辛　我不說對不起

一個人不懂　什麼是擁有
兩個人不懂　怎麼把握
越在乎就越脆弱　愛將我們高高舉起以後
再讓心　學會墜落
懷念著　寬闊的天空
雖然那裡　空氣很稀薄

今朝9點幾，意外地收到你o既電話，竟然你問我食唔食早餐。我又開心、但又唔開心。因為你話你岩岩送完兩個客返屋企。你話你如果唔係因為佢地俾左1000蚊tips你，你睬佢都有味。我聽到好心痛。你話你搵兩萬幾一個月，但唔去還錢。我聽到好心酸。但開心o既係，你經過我住o既地方會記得搵我。

其實今日同你傾電話，你俾左種感覺我，就係我係你"返屋企o既選擇"。雖然我恨左好耐，但我知呢樣對我黎講係個陷阱，我根本唔應該"再"跌落去。

我同佢終於散左喇....

有時我諗，唔通真係我自己有問題？定抑或你俾左太多陰影我。當我掙紮緊同佢分開o既時候，我就諗，如果我要搵個對我唔好o既，我寧願搵返你，我洗乜忍佢？可能我覺得除你之外，我好有信心覺得個個都會對我好好。點知我錯喇，佢竟然冇我想象中好。算吧，或者呢D就係命。

但唔知點解，同佢分開後，突然自信心上漲。可能我聽得太多好說話吧！

咩係愛？我覺得感情係可以培養o既，所以同你分開後，我就冇乜幾可拒絕過任何人，因為我覺得我需要人對我好，只要佢對我好，我就會盡我責任去報答佢，可能我係希望搵一支止痛除疤藥膏，令我以前受過o既傷，逐一清除。我係傻定on dog？但我都唔能夠忍得住唔搵你，曾經下定決心過數次，但愈想唔搵，就愈想搵。你除左帶走左我o既愛，仲帶走左我o既信心。可能我只係想搵返我o既信心，而唔係我o既愛，你明唔明？

尋晚收到你message，雖然我今朝先睇到，但當鬧鐘響果一刻我見到你message，即時彈起左，唔再眼訓。好唔習慣你咁溫柔，咁關心我。作為獅子座o既我，希望有一段戲劇性、轟轟烈烈o既愛情故事。可能我太投入喇，幻想左你係男主角，其實只係我o既一廂情願。

諗起以前o既我地，我實在變左太多喇，唔再單純，唔再任性，亦有可能唔再愛你。我欣賞你瀟灑有性格，風趣幽默，外型更加唔洗講。但我成日都想你變成另一個人，令你覺得好辛苦呢？

而家o既我，已經有個對我好好，覺得我好可愛，認為我好重要o既人，呢幾樣野係我一直都逼你有，但你冇o既。其實我好簡單，外表唔太重要，只要俾我覺得原來我自己係咁重要，原來我係真實地存在o既已經好夠。

同你一齊o既感覺實在太恐怖，令我毫無自信心，令我失去左自我，但為何我偏偏喜歡你？

甜蜜往事，段段回憶，只能在夢中去回味。

每當我睇電影，見到男主角往往都會因失去而後悔，都會改過，都會補救。我就幻想，憧憬住果個係你。我諗我真係有病。我冇心去等你，亦冇心再愛你。無奈原來咁多年，你都唔明白我，唔知我最接受唔到o既係咩。點解你而家都仲可以有能力令我開心或唔開心？你幾時先識諗？幾時先認真？幾時先唔再去撤哈拉沙漠？

如果可以恨你，全力痛恨你，連遇上亦要躲避。無非要放下你，還是掛念你，誰又會及我傷悲？前事最怕有人提起，就算怎麼伸盡手臂，我們亦有一些距離。我情願我恨心憎你。我還在記憶中找你。

我記得我識你之後o既第一個生日，係我過得最快樂o既一個生日。尋晚係我o既20歲大壽，送你返屋企o既又係我。你又再一次叫我跟你返屋企。每次都係咁。跟左你走又點？之後又會點？我俾左最後一次機會你，叫你今日6點前打俾我，我話過過左6點以後我唔會再聽你電話，你亦唔會再搵到我。你6點半打黎，我冇聽，你有誠意o既話，點解唔打多次？我今日終於明白，你根本唔愛我。

呢個網誌，每篇都係紀錄左我為你有幾唔開心，由你講一句"始終都係你最好"開始寫，現在係"始終都係我最蠢"。我唔希望再寫落去喇，唔想再蠢落去。我話過要bye bye十幾歲o既生活。係我十幾歲o既年代，你出現過。我廿幾歲之後，我希望我寫o既日記會係一段開心、快樂o既感情生活。但男主角一定唔係你。

我又夢見你喇...唔知點解每次夢到你，個夢都會好清晰，好真實。今次o係個夢裡面我不停地喊。每次當我以為你已經離開左我o既世界時，我都會夢到你，就好似提醒我，曾經與你相愛過。

今時今日o既我已經改頭換面，過住D返工放工返屋企o既生活，已經再冇負擔你o既能力。

近排好鐘意睇返以前細個睇過o既卡通片。自睇完《美少女戰士》後，又睇完左《婚紗小天使》。

發現左我一直以黎o既夢，真係要o係卡通片先會出現。o係我心目中，你個樣永遠都係漫畫化，唔通就係因為咁，我先會覺得你一定會好似卡通片裡面o既男主角咁？我真係天真，我渴望有卡通片裡面純真o既愛情，就逼你走入去做男主角。就只有你先配做我o既男主角？點解現實裡面，永遠最想o既都唔俾你想？永遠唔想o既就逼你去接受？

命運真係奇妙，好似硬係有D野不停地重覆地發生。同一樣o既戰爭，重覆又重覆咁發生o係我身上。我好倦啦，唔想再戰鬥落去。我唔想好似隻蟹咁，豎起兩隻強而有力o既手臂，準備去對付每個要接近你o既女人。我青春真係有限，我唔知我仲可以做幾耐呢隻蟹。

係你令到我對任何野都失去信心，我覺得真係好恐怖，每次打俾你，即使你o係屋企都好啦，就算你有聽，我都硬係形住有個女人o係你身邊，真係好恐怖。

如果可以o既話，試下掉轉角色啦，但最好就換左個男主角。

今日回想起，原來關心妍係見證住我和你愛情故事的人。《負擔不起》是片頭，漸漸地變成了你的《手下敗將》，《怎麼會愛上這個人》？每日都唱著《仍想念你》，但你偏偏喜歡《拈花惹草》，唯有《接受現實》，求你《放生》我吧，你便《無罪釋放》。
然後是容祖兒。由和你《拍拖》開始，每天都希望你會《抱抱》我，但可惜事實是每天都在《啜泣》，和你一起我已《習慣失戀》，懷疑你是《早有預謀》地玩弄我，每一日我的心情都《囉囉攣》，你得到《最後勝利》了，《我也不想這樣》，你知道嗎？我對你已《心淡》了。

失散左一段時間，佢依然係散發著光茫，依舊明艷照人。MSN名字隔離的一句「幾時先搵到我另一半？」只有呢句先唔係佢一貫作風。我曾經肯定過我就係佢一半，佢亦係我一半。只有我同佢先係天作之合。

佢留低左一個電話號碼，我應唔應該打俾佢？打俾佢，又可以同佢講咩？感覺上我同佢已經係好熟、好了解。但點解我咁驚面對佢？只有佢，先有能力去擾亂我平常�鴷肮﹛F只有佢，先有能力令我茶飯不思、輾轉難眠。

天意點解要我重遇佢？仲要係咁巧合�黿〞p？

一個電話、兩秒響聲，就令我們分手了......

o係我15歲o既時候，我認識左"你"。果時o既你，係個好有姓格、好有吸引力、好貪玩而又好懶惰o既人。初時認識你，係因為你有吸引力，同你行出街我點都會有面子過人。而且，我認為一生人裡面，若果冇同過一個好似你呢種質素o既人一齊過，係一種遺憾。o係我認識你咁長時間以來，你大部分時間都係冇工作，日日無所事事，所以我地以前過得好開心。我一放學，就即刻返屋企換衫，然後就去到我樓下遊戲機中心打機；有時又會約埋D蠢人去打牌.....等等。以前細個o既我地真係過得好快樂、好輕鬆。直到兩年前，你對我講：分手吧！我記得，當時o既你係一個酒吧侍應。我當時諗，原來一直以黎我都係唔了解你。所以我選擇左同你同樣o既職業。時隔兩年，當我以為我o既世界裡，已經冇你o既存在。點解？點解你仲要黎騷擾我？點解你仲要黎折磨我？係你講，始終都係我最好。係你話，你想要段穩定o既感情。係你唱，"三生有幸我似是初生  謝謝你永不放低這個人....."。我寧願你冇返過黎。

今次分手，我知道已經係最後一次，唔會再有下次。但令我最意外o既，係我竟然喊唔出。其實當初同返佢一齊，我有種報復心態，但最終我都做唔出任何報復o既事。其實我之前已經想靜一靜，想自己一個人，而家少左個人令我牽掛，咁唔係仲好咩？