金牌運動員訪港,,,是政治騷?

北京奧運完滿結束後,51位金牌得主隨即訪港,令香港呈現一片歡欣印象(响電視機螢幕上)整天不停的播,但我在街上又覺得啲人好歡樂,我直覺上係一場政治騷,目的係沖淡9月嘅立法會選舉之選情及同保皇黨助選,只要睇吓啲門票預留萬多張去咗就知啦,唔通分咗畀民主派咩,呢啲都唔係問題,早知亞爺會呾做,四年前都派兩個太空人嚟啦,其實我同情嗰班運動員,面露疲態重要表演畀你哋班所謂愛國班子睇,真係睇嘅開心,做嘅唔開心(因為被迫)全無自由活動空間,連講句話都唔敢講,又驚講錯嘢,總之係對人歡笑背人愁,呢班年輕嘅運動員為咗攞金牌,離鄉別井幾年接受訓練,有個運動員連亞媽死咗都唔知,(連知情權都無埋,話畀佢知會影響進度廢話)終於願望達成攞到金牌,應該即刻意錦還鄉,等親人朋友大家慶祝開心才是,被迫做埋啲無謂應酬,如果你哋話佢哋好開心我就打楎問楎都唔信,你睇外國啲金牌得主個個都意錦還鄉,自由活動中意去邊度都得,唔使向任何人交代,唉真係同人唔同命,唯有認命,及國家經過呢次辦奧運後政治開放給與人民更多政治權利,咁就真係中國人,香港人之福,

再次希望呢班運動員四年後揚威倫敦世運會啦哈哈,