大坂之旅趣事
上一篇 / 下一篇 2008-01-13 10:33:36 / 天氣: 陰雨 / 心情: 高興 / 精華(2) / 置頂(1)
去大坂的話我首選嘅觀光點係‘大坂城’因為係我心目中呢個地方就係全大坂嘅地標、代表著大坂嘅重要歷史、所以無論如何我都係緊密嘅行程裡頭、抽出一個鐘去遊覽、結果第一眼由遠處方向望到呢座古城、嘩！！！好宏偉、保存得好好呢…雖然步行到呢座古城嘅路程只不過係十五分鐘左右、但沿途嘅路彎彎曲曲、又有兩條斜坡非常之斜啊、加上個日天氣真係好熱、太陽又猛、係咁樣*兜頭曬*嘅情況下行呢條路、都咪話唔攞命啊、不過上到去見到呢座宏偉建築後,頭先嘅辛苦都已經忘記晒、因為眼前嘅景物實在太吸引人啦......逗留咗十零分鐘、影完相留念後、我地就要走啦、時間緊迫冇辦法可以慢慢欣賞城外嘅其他地方、因為下一個地點、係需要用上我地一整日嘅時間.先能夠睇晒,玩晒呢個地方架……我地下一站...就係玩到根本唔括捨得走、好玩到不得了嘅^^^^環球電影城啊^^^^
TAG:
