-
兩年前嘅夢
2008-07-05 06:43:54
喺兩年前嘅整整一年裡面、差不多每個星期都總會有兩至三晚、我會喺夢境入面見到佢..而係夢境裡面嘅佢、都仲係細個讀書陣嘅樣貌黎、夢入面佢個角色係我嘅男朋友、由於每次嘅夢境都唔一樣、所以大概嘅內容我真係唔多記得喇..0係個陣我時、我諗過好多次、點解會成日都會夢見一個已經冇見十幾年嘅人呢？講真我自已真係唔知道點解
…有人話我知可能係日有所思夜有所夢！哈哈…講笑咩'我就係連諗都冇諗過呢個人、但係佢竟然持續不斷咁一再出現喺我個夢入面'喺個一年裡面呢個人從未間斷咁好準時每星期都會同我夢中相見'個陣我有諗過‘其實呢個人係咪已經唔存在喺呢個世界上面嘅呢???佢之所以會成日黎搵我、莫非係佢死後腦海入面因為仲存在住我同佢之間細個嘅回憶、所以佢先憑呢個記憶黎搵我???我講真架…當時我真係有咁諗過！但事隔兩年之後嘅一晚呢個人竟然活生生企喺我面前'而且呢個人依家幾乎每晚都會同我傾計計心事、'當我同佢重遇個晚''我諗咗好耐應唔應該話俾佢知'我同佢喺夢中相會過呢?"結果我選擇咗講俾佢知、佢嘅反應係:{‘吓！你講真架？咁奇怪…咁我同你喺個d夢入面發生過咩事吖？}我嘅答案係:{吓！兩年囉…我邊記得架、次次都唔同嘅、我記性差啊、唔記得LU}'''呢個傻佬聽到之後、應該明白夢境入面大概會發生過D乜咁、然後嘻嘻哈哈笑咗幾句就冇再追問落去啦..或者你地唔會明白、喺我同佢重遇當晚、我嘅感覺係有幾奇怪!!一個冇見十幾年嘅人曾經喺自已夢境入面相會過一年、今日竟然再一次活生生真實存在喺你面前''個一刻'我真係想大聲咁去笑出黎、然後話俾在座嘅朋友知‘原來佢未死架''真係好微妙、終究我都未解釋得到、點解我會咁樣去發一整年嘅夢、一整年都同佢在夢中相遇…依家我唔再深究落去喇…因為眼前嘅佢先係最真實架、跟住會發生咩事、真係冇人知…將來嘅事將來先算喇 -
大坂之旅嘅奇趣事1
2008-01-14 18:25:09
十月三號就係我地出發嘅日子、乘坐四個鐘頭到嘅飛機到達日本關西空港、第一眼望見呢個機場、立刻諗到、WOW**點解個機場咁古老架**日本係個科技發達城市、個個日本人都好懂得打扮自已、何解冇人替呢個古舊機場翻新或修飾下呢??...當辦理好所有入境事項後、立刻到機場專賣乘車証嘅櫃台到買咗三日乘車証、係機場坐差不多45分鐘路程嘅巴士去難波站、再由難波步行差不多十五分鐘去我地入住嘅酒店、一入到酒店房、二話不說、擺好行李、整理衣衫後、即刻攞起手袋、相機、出發觀光…由於當時經已係日本時間七點幾鐘、所以街上鋪頭嘅招牌已經紅紅綠綠搶眼地發亮、吸引非常、見到好多章魚燒、大坂燒餅、拉麵店、波子機鋪等等嘅店鋪、樣樣都想試、究竟食咩好先呢？呢個問題真困擾我地、最終第一日去咗一間居酒屋食晚飯、串燒、明太子滑豆腐、日式沙律、鐵板和牛燒........噢!!!!!諗起都好懷念個度嘅美食,當我一邊享受咁美味嘅食物時、我發現一間一棟樓高四層嘅高級男妓會所二樓正中位置放咗一張超巨型嘅海報、海報裡頭全部都係打扮到明星一樣嘅男妓們、人數起碼超過三十人、但海報最底下位置度、有句大大嘅字句‘NOW ON SALE’嘩！望見字句嘅我立刻叫我個FRIEND一齊睇多次、哈哈！原來呢間會所嘅男妓係可以出售架…哈哈哈、唔係啦掛！
-
侏羅紀公園
2008-01-13 10:37:23
而另外、侏羅紀公園嘅所有場景、都同電影嘅一模一樣、好似身處套戲現場咁樣、不過玩呢個遊戲時都唔知會有水周圍射架、係排隊嘅時候見到好多人都自備雨褸、當時都驚到最後會唔會被水噴到濕晒哩！事關個度一到夜晚、天氣就會好涼、成身濕晒的話、唔病就假啦、可惜玩到最後由高處滑落去個下、全架船所有人都冇一幸免、個個都由頭濕到落隻腳！哈哈、雖然係咁、但個個到玩到好開心、完全冇抱怨自已被攪到全身濕晒、相反、每人都仲想排隊玩多幾次添呀！如果有機會去個度玩嘅朋友、記得自備雨褸先好去玩啊、倘若去玩嘅時候咪穿著白色衫、褲啊！！！如果唔係玩完就變成透視裝架啦…哈哈！記謹留意啊
-
大坂嘅環球電影城、真係太好玩
2008-01-13 10:35:48
係環球電影城玩咗唔係太多遊戲…唉：冇計啦、鬼叫個日咁多遊客咩、玩乜都要排長龍先至玩到、大佬吖！最弊我地冇咁多時間去排去等呢！所以最後我地只選擇一D自已最想玩嘅去玩.例如：我地玩咗必玩嘅：侏羅紀公園、大白鯊等等…呢兩個GAME係我認為係自已玩得最開心難忘嘅！個條大白鯊好迫真啊、嚇得我差D以為自已真係被大白鯊襲擊吖！因為我自細就怕水、從來唔敢去沙灘游水、見到D好清好靚嘅海、我每次都只會想象呢個海裡頭、一定有好多鯊魚架....、總之就非常怕大海啦！有咁嘅恐懼、全因為細個嘅時候睇大白鯊嘅一、二、三之後、我就認定逢係沙灘、大海、都有兇猛嘅鯊魚係度架...所以當係環球電影城玩呢個GAME個陣、我真驚到震啊、仲要坐埋落隻船度.睇住隻迫真到死嘅鯊魚追住自已坐緊嘅船喎..個心驚到就快頓落黎停啦！ -
大坂之旅趣事
2008-01-13 10:33:36
去大坂的話我首選嘅觀光點係‘大坂城’因為係我心目中呢個地方就係全大坂嘅地標、代表著大坂嘅重要歷史、所以無論如何我都係緊密嘅行程裡頭、抽出一個鐘去遊覽、結果第一眼由遠處方向望到呢座古城、嘩！！！好宏偉、保存得好好呢…雖然步行到呢座古城嘅路程只不過係十五分鐘左右、但沿途嘅路彎彎曲曲、又有兩條斜坡非常之斜啊、加上個日天氣真係好熱、太陽又猛、係咁樣*兜頭曬*嘅情況下行呢條路、都咪話唔攞命啊、不過上到去見到呢座宏偉建築後,頭先嘅辛苦都已經忘記晒、因為眼前嘅景物實在太吸引人啦......逗留咗十零分鐘、影完相留念後、我地就要走啦、時間緊迫冇辦法可以慢慢欣賞城外嘅其他地方、因為下一個地點、係需要用上我地一整日嘅時間.先能夠睇晒,玩晒呢個地方架……我地下一站...就係玩到根本唔括捨得走、好玩到不得了嘅^^^^環球電影城啊^^^^
-
50 FIRST DATES
2008-01-13 10:29:44
頭先睇完套西片〔50 FIRST DATES〕香港好似譯做〔每天愛妳多一些〕雖然呢套戲唔係一套近期嘅電影.但係因為之前買落未有時間去睇、今晚得閒就開咗黎睇、套戲嘅男主角（亞當桑迪拿）係近年拍嘅電影開始唔再一味玩垃圾笑料、近年佢拍嘅戲有點兒似周星馳近呢幾年嘅電影一樣；每套戲總係有訊息想表達出來、但又不乏味、笑料亦唔再好似之前嘅純笑片咁樣、去吱妳笑.宜家佢嘅戲係開始令人回心微笑、一切嘅成功都歸功於佢自已開始有選擇性咁去.挑選劇本黎拍、唔知大家有冇曾經欣賞過佢之前嘅另一部電影（命運自選台）
呢？個部電影就係佢開始轉型嘅第一部戲、套戲係最後尾個幾幕真係拍得好感人、好觸摸到觀眾嘅心理、因為佢之前嘅戲.實在太過爛啦、所以經已有好幾年唔想再睇佢演嘅每一套電影...而就係因為有同事同我講（命運自選台）套戲拍得不都、我先好奇去買黎睇下、我諗睇過呢套戲嘅朋友都會認同套戲確實真係拍得唔錯、提材亦好新鮮、所以今晚睇完呢套[50 FIRST DATES]之後、、對佢電影我又再次有番信心起黎、希望佢之後嘅電影唔會再令我失望啦...未睇過呢兩部戲嘅朋友、有機會的話試下去欣賞一下
-
HAPPY BIRTHDAY TO ME
2008-08-15 03:24:42
今日係八月嘅十五號、亦即係我生日嘅大喜日子’首先要多謝我嘅每位好朋友未到正日就開始SEND祝賀詞去FACEBOOK個度同我講恭喜~當踏正十二點嘅時刻…喺FACEBOOK度不斷收到各樣唔同嘅小禮物又或者係卡之類嘅野'一邊睇一邊回心微笑哩~~~好多謝你地每位都咁有心啊…我好感動啊.....
-
我們這一班之愉快的一夜
2008-08-05 10:49:23
-
我們這一班又聚會喇
2008-07-19 06:56:34
今次聚會我有份負責統籌整個活動’由決定係邊日搞活動、都要一改再改過先成功遷就到大部份同學..當中遇到嘅困難真係好多…因為淨係要搵到一個適合嘅日子、而佢地又能夠出席到嘅話、真係唔係咁易架,講真呀！你點可能就到十九個人喺同一日都得閒出席架..而且你冇理由為咗一兩個人出席唔到又再去改個第二日架嘛…浪費時間咩..結果經過咁多次嘅改動之後’我地鐵定喺七月三十號呢個閒日度聚會..今次嘅人數有幾多暫時未可以確定得到、希望能夠突破上次十二個人嘅出席人數啦'哈哈！當然我唔會放過係呢個機會影底大家嘅珍貴時刻啦…
-
世界有無限嘅可能
2008-07-14 10:25:48
今日突然之間諗通咗好多野…以前成日會覺得結婚係一件好無謂嘅事、點解人要選擇去結婚呢？每次同朋友討論呢個話題嘅時候、我都會第一個表明‘我係一個唔會結婚嘅人’但係呢排唔知係人大咗啊、定係真係唔同階段嘅想法都會唔同呢..我發覺有好多野、你根本冇可能否定又或者講得咁肯定架..當經歷某些事情過後、其實自已就好似剛啱又上完一堂寶貴嘅課咁…有得有失一定係架喇…問題係你由邊個角度去睇番成件事情…轉咗牛角尖的話’諗嘅野就會唔夠理性架喇、當然有幾多人會係錯誤之中…能夠反省改正過黎呢？呢個就要睇下你由邊個角度去諗喇..呢個世界有無限嘅可能…今日嘅肯定、將來會唔會發生呢、呢D全部都係未知知數…未來嘅事你同我都唔會知道架…何必要否定佢呢?
-
我HURT到你啊
2008-07-09 22:00:34
講真啊…你頭先咁樣發悔氣OFFLINE、我都知你有D唔對路架喇、但係你又冇問過你自已你究竟有咩權利去發我悔氣呢???如果你自已都唔肯去坦白承認自已嘅感受、我諗冇人知你係想點架！你唔鍾意我同佢去食晏、唔鍾意我同佢成日聯絡、唔鍾意我話佢個人性格確實不錯、唔鍾意我圍護佢幫佢講說話…唔鍾意我今日約佢唔約你、請問你仲有幾多樣係你唔鍾意架???‘聰聰同寶寶’唔係真係一對戀人黎架…佢地只係你平時用黎氹我開心嘅故事人物黎架咋…今日你知道人地俾你更加著緊我愛錫我果陣…你同我:{‘關佢鬼事咩！'寶寶係聰聰架ma’}雖然我個刻同你講:{妖…你彈開喇..幾廿歲人講埋D咁嘅野、你嘔唔嘔架}..但係你又知唔知道你講呢句說話果陣我有幾開心啊、我話佢唔識欣賞我對瘦到青筋同血管都凸晒出黎嘅手掌嘅時候、你話:{聰聰識}…天啊！我俾你"反''死咁滯喇…可能睇我個blog嘅人以為呢依位聰聰係個好細路仔嘅人黎…但我想澄清、佢唔係…只係呢個死人頭、好難去鍾意一個人…鍾意咗咩、又要慢慢先採取行動...阿聰聰你再咁''反''落去…我終有一日會忍唔咁去親手毀滅你同我創造嘅故事人物架..你今晚再講'聰聰寶寶'呢個故事嘅話、你就知死
-
順路
2008-07-02 12:07:10
-
八號風球現正懸掛當中
2008-06-25 05:44:44
今日下晝見到天台話今晚改掛八號風號嘅機會唔大架嘛！點知臨收工個陣.天文台又話會喺十一點前可能改掛八號風號喎.人地今日又冇帶到遮返工、結果頭先返屋企果陣就被場大雨整到濕晒LA..真係激死呀！依家出面D風吹到"鳴嗚聲"、聽見都幾得人驚、我都希望今次場風會打得成啊…我唔想聽日朝早突然落咗個"波"然後又要搞到趕頭趕尾去返工啊…好無謂架嘛!不過我知對住喺新界地方嘅人黎講、打風對佢地影響會好大嘅…但係颱風呢家野唔係話你唔想就唔發生架嘛..依家一邊飲住LEMON LIGHT一路聽住出面吹到"鳴鳴聲"嘅風.再一路打字…又諗起尋晚被人話我、點解咁懶唔更新個BLOG寫下野喎？唉！我都知呢排少咗寫野架啦…咁我唯有努力做好少少答謝想睇我寫野嘅人啦!ok...今晚就講住咁多先啦..
-
我們這一班
2008-06-08 05:48:27
尋晚同小學同學聚舊、真係好開心、好玩到幾乎唔捨得走咁滯、一講起以前讀書嘅回憶、每一件事我地都咁難忘同深刻、勾返起好多片段、笑聲幾乎未曾停過落黎~我地都好珍惜今次嘅聚會、影相影到瘋狂狀態、大家雙眼都就黎被閃光燈閃盲啦！睇番細個同佢地嘅相、先發現大家真係長大同變化咗好多.臨別嘅時候、經已計劃下一次再去邊度搞過、因為今晚大家都認為係未玩夠、以急不及待、再去計劃下一個玩樂........返到屋企、各人都非常快速咁、將D相放上去FACEBOOK度、等大家即刻睇番晒今晚嘅相…每一張我地都係笑得好燦爛…見到呢D相嘅時候、我真係好掛住佢地每一個人啊… -
仲有幾日就到啦
2008-06-03 09:56:24
-
好討厭你啊……小強
2008-05-31 01:19:54
一到夏天就會成日遇到你、無論係邊度、都會發現你嘅蹤影、真係好討厭啊…尋晚入廚房諗住攞野飲果陣、我又見到你啦…點解你呢種害蟲、仲要生存喺呢個世上喎.喺廚房你出現嘅位置個度、我噴咗好多下對人畜無害嘅殺蟲水、然係將對透明廚房門拉埋、靜靜咁等你典黎典去反肚嘅樣、但係企咗十幾分鐘、裡面一D反應都冇.....~~唉~~~~`我就最怕呢種情況發生架啦…一日搵唔到你條屍、我就會坐立不安瞓唔著、好驚你失驚無神唔知喺邊度突然飛出黎嚇我啊~~今晚收工返屋企、仍然收唔到關於發現你條屍嘅下落…所以依家個心都仲係好鬼驚啊！總之凡係昆蟲我都咁討厭、包括蝴蝶.蜻蜓等等…點解？？？因為佢地識飛囉、唔飛都冇乜問題、嘩！！！佢地一飛我就嚇到雞飛咁走架…、唔該你呀！你死咗唔緊要架、但如果你未死的話、拜托你去等二度搵食啊、唔該啊
-
落雨天
2008-05-29 11:53:04
-
小學聚會
2008-05-22 17:07:48
-
親民嘅溫爺爺
2008-05-17 02:29:23
呢幾日睇到四川地震救災嘅新聞片段…心底裡頭真係感到非常難過
、每一日見到災區不斷堀出遇害者屍體、見到好多遇害者親人抱屍痛哭嘅場面、呢幾日對於全中國人民黎講、心情當然十分悲痛難受…但同時間喺呢片仇雲慘霧嘅時刻…我見到好多感人勵志嘅情景、睇見救護人員不分晝夜連日來不斷發堀生還者、當每次成功救獲一位生還者嘅時候、救護人員就會互相抱擁…流出一滴滴男兒淚來.而係今次地震救災行動當中、我地嘅溫爺爺係地震發生無耐就即刻坐專機去到災區試察狀況、連日來不斷去到唔同嘅地區協助救援工作、見到溫爺爺拎住個大聲公支持鼓勵被埋0係瓦片底下等待救援嘅人民..見到同親人失散失去聯絡嘅小朋友、溫爺爺就會抱緊住佢地.輕輕拍小朋友肩膀幾下、再溫柔咁講出一句句安慰佢地嘅說話......{親民和藹.待人民如親子}...{不怕辛苦、不怕累}.....對溫爺爺黎講救活人民、才是最重要…
、係呢次救援行動裡面、溫爺爺嘅處事手法、的確值得我地讚揚、對待人民嘅真摯態度、毫不做作、就連外國嘅報章亦都高度讚揚佢今次嘅表現…欽佩尊敬呢位親民嘅溫爺爺
-
我認我係固執架
2008-02-24 22:28:51
