08年8月13日 星期三

今日放工後，約咗個fd出嚟食飯，
原本去食元氣架，冇位之餘唔緊要，
卡位仲要搭枱，坐到咁，不如唔好去！

跟住去咗和民，又係要等位，唔緊要！
只不過成日食和民，真係唔知有咩好食，
因為多數全家人去，去到就勁點......

跟住個fd提議去食泰國野，wow！
其實想試好耐，同埋上嚟時候已經留意到！
最重要係唔使等位，YEAH！

不過今日行咗好多路，由於轉咗幾個地點，
由火車頭行到火車尾，由德福頭行到德福尾......
攰爆~~~

今天我才知道，我唔係07年園友，
我應該係08年1月14日凌晨先上嚟架呢！
好在冇報名參加活動咋，
如果唔係就真係瘀到爆呀！

呢幾日，我粒痱之惡化咗，
仲有係在舌頭，利根隔利，
生係呢個陰濕位...真係好辛苦！

今日食咗個M記雞腿包餐，嘩~~~痛到爆~~~
不過值得呢，YEAH！

當我唔開心的時候，有誰會明白我？

又會有誰開解我、安慰我呢？

今日俾個BB嘈醒咗，好似係9點幾，
跟住睇激優一族，當中介紹馮曦妤，
佢把聲真係好好聽喎，可能成日睇廣告掛~

我對樣子要求其實都唔高~~~
可以話唔係咁在乎，難得有把靚聲，
唔開心時聽下，真係會開心啲同振奮啲~~~

http://hk.youtube.com/watch?v=IjPW9iu_Erc
M記廣告--在這一刻更加親麥文叔篇

http://upload.ysk.cc/player-250744.html
這一刻更親麥

http://hk.myblog.yahoo.com/fionafung_mylife/
馮曦妤BLOG
入面仲有陽光雨聽

08年8月1日 星期五

今晚約咗個好Friend，識咗好耐的舊同事食飯，
其實約我，我都知咩事架喇，又係講果樣野，
我地去咗意粉屋，期間發生一段小插曲，(咁押韻嘅~)
最後有少少不歡而散，不過最慘係，
我竟然send錯咗一個sms俾另一個Friend，
嘩~~~~~~~~~~~~~~~~~~~~~~~~~~~~~~~~~
好「攞」呀！！！！！！
事後當然係賠罪喇，同埋叫佢唔好揚出去，
幸好，佢都好好人，佢都應承咗唔會講出去。

但今日其實可以好開心咁過，但點解會咁嘅？
總之，今日由火車到訓覺，我就係一隻呆呆豬啦！

訓一覺會冇事......

唉~很不爽！很不爽！很不爽！很不爽！很不爽！很不爽！很不爽！很不爽！

08年7月31日 星期四

鍾意聽Kay的歌鍾意咗好耐，佢一出新碟，我即刻上網下載，
(哈哈！咁樣唔知算唔算支持Kay呢？)
搞到呢排個腦成日都係囍帖街同17度，
上晒腦咁~

不過今晚沖完涼，睇咗TVB IVE果個特輯，入面有個叫鄧紫棋，
就咁睇佢幾CUTE幾脹卜卜咁，上網SEARCH下佢啲資料~~~
嘩~~~原來係歌手，17歲咋原來，唔怪得LA~~~哈哈~~~
但聽埋佢唱LOVING YOU，嘩~~~嘩~~~嘩~~~
可以唱到咁高音，香港又有幾多個可以唱到丫？
不過係佢個BLOG勁教人整金魚咀，哈哈~又真係幾似嘅~~~
仲有幾個樣都真係有D似徐紫棋

http://www.xanga.com/gem_tang

08年7月30日 星期三

今晚DOWNLOAD返「向世界恤髮 謝賢篇」，發覺佢講D野，有啲幾有道理......
「男人可以風流，但唔可以下流......」
果一刻唔係咁認同，如果咁都得，世界上就唔會有「我的野蠻女友啦」！

但過咗一陣，又好似好有道理，
天下烏鴉一樣黑，那個男人不鹹濕？
男人，淫唔緊要，但唔好賤，所謂「淫而不賤」嘛...
(不過我覺得一派胡言呀，哈哈！)

不過如果我有一個對我好好、專一的女朋友，於願足矣！
平平凡凡，簡簡單單，開開心心齊齊過，咁就好lu~~~

有時深夜時，無啦啦都會諗起「月下獨酌」呢首詩
舉杯邀明月  對影成三人
月既不解飲  影徒隨我身
...................

我要加油！

08年7月29日 星期二

今日下午收到一個消息，即時令我很不爽，
OH MY GOD！點解會咁？？？
呢種不爽持續了好耐，我並且將呢個不爽發洩在其他TEAM的LEADER到...
平時的我，在工作上多數說：好丫、無所謂......
但今日真的按奈不住，隔離TEAM條友想我幫佢RE-CONFIRM，
NO WAY！振振有詞地向他講道理，最後他也知難而退，
可想而知，呢條友手持道理有多大呢？別以為LEADER級我就會驚嘛！
最後覺得呢個消息都唔係好影響到我，我才向自己說：算啦......無謂令大家唔開心...

放工後當義工，10點後才回家食飯，雖然辛苦，但覺得有意義，好開心！

深夜又接到一個消息，OH @@！我點解會係最遲知架？
但願日後多啲溝通溝通，因為我絕對係一個明事理、講道理的人！
最後，大團圓結局！冇事！

08年7月28日 星期一

今晚約咗同事食飯，嚴格嚟講係我同W事請P同事和D同事食飯......
請呢2位同事食飯，事緣太複雜了，
連我都唔識點用文字交代...只係唔想佢地嬲...
不過，我同W同事要諗定一個藉口去請，又呢樣又果樣，
又要合理，又要無破綻，最後用咗信用卡RE-FUN優惠，才能瞞天過海！
後來我地又係去咗食韓燒.....
一個月內食咗3次，感覺真係好想死咁，熱氣到死......
但係D三文魚，個個都話好食，仲好食過元祿果啲！
嘻嘻！我真係冇介紹錯呢，哈哈！
最後我靜靜雞問返W同事幾錢，跟住同佢SHARE，
其實件事完全唔關我事，我只係想同事之間開開心心，
我請一個半個，又有咩所謂呢？

食完...街上又無啦啦有一陣好勁的怪風，天氣總是這麼反常，
難以捉摸...就如少女般的心情咁...

今日絕對係熱到趴係到的一日，連啲風吹埋嚟都滾架.....
不過搵咗個算係唔使開冷氣而又可以解熱的方法，
就係放定一條濕毛巾，一覺得熱就抹一下，
風扇吹埋嚟果下就會好爽呢！！！

下午5點幾，頂唔順了，一訓訓到開飯，電話響同SMS都唔知添...

今晚食排骨粥、炒麵同燒乳鴿，太熱了，
都冇咩胃口了，但好似食咗3隻乳鴿...

食緊飯時，有個好朋友打嚟同我講話要結婚，要嫁過去台灣，
嘩！我有D突然囉，同埋有D唔開心，因為明知果個男人唔會係對佢好好，
但偏偏盲目咁嫁到咁遠，放棄咗香港家人同一切，
最攪野係呢個男人，我個fd係打魔獸Online識架，
唉...佢都決定咗，我唯有支持佢同祝福佢啦！

今晚沖完涼時，滑一滑，諗住伸手扶一扶個洗手盆借力，
點知就係呢一下，手指尾穿咗一下洗手盆魚蛋！
果野真係好痛！手指甲也瘀了！

08年7月25日  星期五

今日返到工公司，都係繼續應付我果千幾隻Records，
邊做邊上U仔，真係會冇咁眼訓，
因為我地TEAM果邊位，好似俾人落咗訓覺咒咁，
個個都會無啦啦咁訓著咗......

放工後睇Batman，都幾好丫！幾好睇，有Edison......
見到佢出咗3秒鏡，連埋背影應該有5秒，一句對白......
令我諗起喜劇之王嘅周星馳，哈哈！

睇咗2個半鐘，嘩......咩都痺晒，跟住食韓燒，
埋單每人$119，食咗2個鐘，都算抵~~~跟住返屋企
   
   
  

食完好口渴......飲咗2支可樂、食咗豆腐花、食埋西瓜同橙，
返到屋企又飲多包果然係茶、又飲多一杯500ml熱茶.....
不過飲完仲係咁口渴......

最後同咗個fd傾電話傾通頂，oh~~~正呀！可惜9點俾BB嘈醒...... 

今早返工，前面有車禍，原來係四洲魚蛋個VAN仔撞埋欄到，
搞到塞咗好耐車車先返到公司，唔知啲魚蛋有冇事呢？

返到公司，第一件令我最驚訝係有超過1000隻RECORDS等緊我，
不斷向我揮手；第二件呢就係我可以係公司上返網，YEAH！
最好的是我地已經知道密碼改變的規則，
下次上唔到網都唔使驚！嘰嘰！

放工時，紅隧果到又有車禍，又塞咗好耐車車......
今日搞咩呢？咁多車禍！？

今日個U仔都唔知仲咩事，成日都神神地，
好心就整整佢啦！搞到今日個U仔好靜......

今日放假一天，因為今日下午有點事要辦，
今早8點多就起咗身，一起身就梗係入ZOO狂兩野。

個ZOO冇人時我喜歡到各個討論區睇下有咩「免費」軟件下載，
嘻嘻！免貴又啱用，正呀！

最大頭蝦係我唔記得原來有約係約2點正 OMG
好在趕得切！返到嚟ZOO有2位美女話要改簽名，
改到我都慶烚烚，搞到我都好想改埋一份，但唔夠分......
在此感謝可愛全力支持我，我先可以改到一個咁靚靚嘅簽名！
THANKS YOU！

跟住同BB玩，今日佢好扭計呀，不過BB同隻煤炭屎鬼玩，
玩玩下，再加上我勁暗佢訓~~~一陣BB就訓咗了！

今日好熱呀......再睇ZOO傾下計，不經不覺好快到#4000
咱們加油！

今日一返到公司，梗係要歎返個早餐，
今日食咗個M記板燒雞扒通套餐，雞扒好好味呀，
不過都係少食為妙！

今日冇得上網呀！可惡呀！冇得上ZOO玩！
早上都仲有啲野做下，但下午呢...
Z...z...z...z...z...
好不容易才捱到放工的時刻！

今晚原本想打邊爐，但呢個酒樓竟然冇！？
唯有食小菜丫！不過好好味，正呀！好過利苑多多聲！
 
$1500埋單，唔使我俾，萬歲！不過真係好好味！