一年容易又中秋∼

'f*V}hcg ^0話咁快又中秋喇∼阿媽今日唔得閒，所以由我親自下廚，尋日一早已經買定隻烏鷄，留返今朝早煲湯，當我將隻雞拎到上手，硬係形住佢好似未死咁……好驚……最後都係是是但但咁洗完佢就算。尋晚收工返屋企後，等到今朝一早去街市買鮑魚，返到阿媽度就開始我辛勞嘅一日，由於我第一次煲雞煲翅，所以有小小緊張，水滾後將隻雞、鮑魚同埋d翅一次過掉哂落個煲度，由得佢滾半個鐘，然後將個煲放落個真空煲度就得喇∼跟住就炆冬菇鴨掌，呢個就非常容易，因為我經已整過好多次，所以一陣就比我搞掂咗∼到下午又要走出去買海鮮，今轉只要買燒肉、海蝦同埋帶子就夠，魚就不用了，因為阿爸釣咗好多魚返嚟∼返到屋企又係洗呀洗∼終於等到開飯，咦！！！點解煲冬菇炆鴨掌小咗咁多嘅？？？原來我個為食細佬肚餓得滯，未開飯前已經偷食咗大半煲，都好，有人欣賞我d手勢，今日攰死我都底∼