前言:

因呢期做乜春1已經寫爆晒,所以要開新(呢期做乜春2),希望大家多多支持！

2007年9月10日

頂左成個禮拜今日又放番日假喇,不過放完今日之後就會進入魔鬼賽程喇,黎緊呢個星期就勁囉,返六日工中其中四日係返全日得兩日係返晏,仲要有一日收工後要點數,我諗最少都要點到兩三點,最近仲要企到隻腳有D痛呢次真係大檸樂喇,講番近期工作,最近生意好番好多喇,因為(橙)最近出左部新機,返左貨兩日就賣Q晒,個樣又靚仔又細部,最緊要係價錢平呀嗎,個個客一走過黎就好似唔洗錢咁同我講[比部X色我呀],因為返貨唔多的關系,我仲可以好能串咁賣呀,D客問有乜送呀,我就同佢講乜都無得送,D客問有無得平呀,我就同佢講SORRY無得平,D客問有乜得試呀,我就同佢講要收左錢先可以試,真係好奈未試過可以咁能串做生意,講真我就唔驚D機賣唔倒囉,貨量又唔係好多,就算(橙)出D乜都係勁係多人買嫁喇,要串就係串D呢期,過左呢個熱潮就無得串,不過(橙)黎緊仲會出部勁野,到時又可以串住賣喇,我做人就係咁嫁喇.當你有得串果時就要串到爆燈,今日正式CUT左有線喇,大大話話都睇左有線成十幾年喇,我記得我讀中學果時已經開始睇有線喇,果時睇有線仲要係無廣告的,最記得果時睇J-LEAGUE有條女講波好搞笑,睇馬達的閘閘領先(真係有D似肥佬DANIEL,[Just enjoy the game.....]),及睇林曉峰做的音樂節目,果時林曉峰都未紅呀,賣親廣告就對住個港島的海底隧道,不過話CUT有線都搞左成幾個月喇,搞到而家先正式搞得倒,今日係9月10號,上年的今日我同左陳友二條友第一次去日本旅行,從此我就鐘意左日本喇,之前講話11月去日本的事情都搞得7788喇,陳友及阿君都比晒錢我,而家只係差未去旅行杜落訂,之前講謝錢方面都應該無問題喇,分兩年還每個月還一千四百幾自已都頂得住,但我就未同我阿爸阿媽講住,因銀行方面仲未入錢落我度,所以我就未講得住,而前領隊果五千蚊我都打算一次過還番比佢,因都拖左成年喇,真係唔好意思再拖落去,還左之後就只係差卡數果四先幾及未來果三雞野囉,都係果句慢慢黎喇後生仔！

2007年9月17日

今日又放番日假喇又係呢句,經過上星期的魔鬼賽程,一星期返四個全日加有一日收成零晨三點之後,終於今日都放番日假喇！真係好難頂近期仲企到隻左腳有D痛呀,唉！真係老喇！近期工作上都無乜特別野,要數最能難搞的,都係公司近期勁講服務囉,公司自已仲請左D人每星期落鋪頭check我地班人,其實每個月都已經有一次check我地嫁喇,而家仲要每個星期check我地一次,你話幾咁難搞呢,又話做得唔好的會出warning,如果出夠三張的話就bye bye啦等等,講真我就唔驚囉,又唔係搵得好多錢,正所謂我爛命一條,去邊度做都差唔多,我就唔驚囉！呢間公司好就好在假多時間好,其他野都無乜可以令我留低囉,只要做番自已野就可以喇,講番D開心野先,如無意外的話去日本旅行都應該成事喇,日期都已經決定左10月28日出發,其實應該講已經成事喇,酒店機票已經訂左,而家只係等回復囉,大假方面都已經申請左,錢方面都已經無問題,因最後我決定都係我自已同陳友及阿君去算喇,我覺得我阿爸阿媽隻腳真係有可能頂唔住,唔好話佢地隻腳啦,我自已隻腳都可能頂唔住呀,因為今次會去勁多地方,同平時你唔係行咁多路,一時之間叫你行咁多路真係會頂唔住嫁,同問過前領隊的意見,佢都叫我比錢佢地跟團去好過,係呢度真係要同前領隊講聲訂多謝先,因上一次見面我打算一次過還番五千比佢,最後佢都叫我還住一半先,佢話佢都唔等錢洗叫我慢慢先還等等...,係果時我都唔知講乜好,真係好感動囉,點解會對我咁好嫁,真係好到我都唔知講乜好,所以前領隊係我一個極之尊重的人,佢仲幫我CUT左一份單,我無講到出口佢連呢步都幫我諗,我都唔知講乜好,佢真係好關心我囉,從CUT左果份單中我可以囉番一萬幾囉,咁我就向銀行謝少一萬囉,向銀行謝錢前領隊都就叫我唔好謝,但我應承左我係銀行做的朋友在先,所以無計,謝少D囉,謝兩雞囉,分兩年還每個月都係還7百幾之嗎,我打算囉兩雞野比我阿爸阿媽佢地跟團,我諗咁樣會對佢地好D囉,一來平D二來可以有架旅遊車又有得坐又有得食咁囉,下次再講喇！

2007年9月20日

今日射左日波(無返工),但其實係真係有少少病囉,但係就真係未至於返唔倒工囉(謝D耳喇),不過近期做野真係做到好��,由其係上星期個魔鬼賽程呀,近期公司都好多麻煩野,公司要求我地要對每個客人都勁好,就算條友唔買野都要好好服務等等...由每個月一次搵人check我地,變到每個星期check我地一次,如果邊個唔好彩中左果條友,做得唔好的話,即出warning出夠三張的話就即炒等等...而家個個同事都人心煌煌,因為已經有一個同事做得唔好出左張warning比佢,所以而家個個同事都好能驚,呢次公司咁搞法,我聽講話其實係公司想CUT人(謝D耳),再請返D新人入黎咁,講真我就唔驚喇,又唔係做得好奈,人工又唔係高果隻,炒我仲好有得保番比我幾好呀,但對於做左成幾十年果一班就大檸樂喇,又要養兒育女又高薪,分分鐘出黎都唔知做乜好,呢一次公司搞到咁,好多人都少晒鬼,真係雞蛋裹挑骨頭咁,做得到又話你做得唔夠,好似我上次考試咁,我全部野做足但係都唔合格囉,唔合格原因就係做足但做得唔夠,真係你講晒喇,不過都係果句你做得呢間公司就要玩呢個遊戲,今日上網睇倒呢條友寫的遊記,佢就今年一月三號去日本,佢剛剛比我上一次去日本早一個星期囉,幾正按這:http://student.hkbu.edu.hk/~05018234/tokyo2007.htm近期都會比較多時間做番自已野,因為之前追果D夏季日劇都全部大結局喇,又要等新一季秋季日劇喇！下次再講！

2007年9月24日

今日又放番日假喇,已經係呢個月最後一日假喇,放完之後都唔知幾時先有得再放假喇,真係勁�ロr,今日放假都比較有時間休息一下,因之前都忙於去銀行謝錢呀,去旅行杜睇價錢呀,要追夏季日劇呀等等...而家所有野都搞好晒喇,謝錢方面向渣打謝左兩雞野,分兩年還每個月還九百幾蚊,第一次收五舊水手續費,其實都OK唔算叫做好貴囉D息,去日本方面都搞得7788喇,最後我去左我朋友推介的旅行杜搞囉,最初打算去旺角果D旅行杜,但係行晒咁多間我都係覺得佢地做野的手法有D鬼鬼地咁,第一次問一個男人個價錢係五千八蚊,過左一星期再問同一間公司的第二條女佢同我講話要六千三蚊,我當時都同果條女講我上星期先問完五千八點解而家要六千三呀,跟住果條女同我講話係呀每個星期都唔同價錢嫁,你而家快D落訂喇無乜位喇,我當時心諗你都癡(能)線嫁,你真係當我傻嫁,我呢D行走江湖幾十年,係旺角都流左唔少腳毛喇,條女講野仲好(能)串好似唔休做咁一D誠意都無,結果我就搵左而家D間囉,最初我都驚驚地有無問題,但我朋友就同我講去過幾次日本都係搵佢地,我朋友全家都搵佢地幫手搞機票酒店果D,同最緊要佢地有誠意呀嗎,大佬！好似旺角果D,我比錢出黎仲要比佢串,我唔(能)X漆果條女已經好比面佢喇,今次呢間一來真係平好多,陳友佢地兩個就每人五千二蚊,因二個人一間房呀,我一條友就貴D要六千二蚊,因一間房訓Q晒呀嗎,但都比其他公司平幾舊水呀,最緊要係有誠意,而家我都落左六千蚊訂,其他果D要十月頭先比囉,我諗應該無問題呀,行程都安排好晒喇(請睇簡耀明旅遊),每日都要勁早起身囉,我諗最好帶架輪椅去,我就決定帶個空旅行急去囉,著一件衫一條褲一對鞋就行人,而家只係諗,點可以咁早去到機場囉,我諗差唔多要早上六點半去到機場,反正仲有成個月時間,可以慢慢諗,好！下次再講喇！

2007年10月5日

今日終於放番日假喇,大佬！連續返左成9日工呀,仲要每日比平時早半粒鐘開門,嘩！真係��(能)到扒街呀,其實係呢個黃BEN周唔係真係話咁旺囉,正日果日都好Q靜,係二號果日就真係旺到癡線,我果日全日都過左第二個部門企,全日未停過手做到扒街,D人買野好似唔洗錢咁,一過黎大部份客都真係想買野,唔係走過黎搞事果隻囉,我自已果個部門近期都幾好生意,全因[橙]近期出左好多部新機嗎,帶起左成個市都好旺,但係近期D客都係等緊[橙]果隻[接觸],個樣就真係好靚仔,搞到我自已都想買番部玩下,但係我又覺得好[很]貴,再加上我自已已經有一部[橙]喇,都係諗諗先喇,等D傻仔買左先(最怕自已都做左傻仔),聽講話呢幾日會正式通街都會有貨,我自已都好想睇睇隻機係點既樣,我相信出左既話,我又可以串住做生意喇,之前咪講過我公司呢期好(很)麻煩,又話要服務好,唔Q好的話即炒等等...琴日我公司就炒左一個喇！就係因為佢服務差,不過其實我同事自已本身都唔想做嫁喇,再加上佢自已都有晒心理準備唔[NO],當我大佬係咁多個同事面前話要炒佢果時,我個同事就勁型咁即時[小]返我大佬,仲講左句"而家係我自已唔[能]做呀,唔[能]係你炒我呀",真係幾[能]型呀,不過當我見到佢走果時,我自已都諗番自已曾經都比人炒過(以過來人身份同你講句呀),唉！細佬！呢一行好Q細嫁,唔好玩到咁串呀,做人留一線好,除非你以後都唔做呢行,我就無野好講,唉！總之祝你好運喇！如果係我的話就算唔做都唔會玩到咁Q串囉,講番D開心野先喇,講下講下仲有二十幾日就會出發去日本旅行喇,因近期做野真係好Q忙,做下做下又一個星期,做下做下又兩個星期(現在練緊腳力,差走力要練多兩課),今日放假我會去旅行杜比尾數,都搞晒D野喇,而家只係差行程囉,我自已一早已經安排好晒行程喇,其實自已都係打天才波嫁,我自已去過既地方就緊係無問題喇,但係連我自已都未去過既地方呢,就要睇我自已既經驗喇,但係其實我自已都一早睇過晒D地圖,應該都知道點行應該無乜問題,而家只係差前領隊話之前講過份保險可以CUT左去囉番果萬靈蚊囉,前領隊做野我就好放心,應該都無乜問題,大家應該都睇左流行東京喇,係咪好正呢,我就覺得好正喇,最近係網上睇左呢條友寫既遊記,不過條友來來去去都係去下原宿,新宿,池袋呀咁,按這睇睇喇:http://hk.myblog.yahoo.com/abaloneyuki-japan/article?mid=178&prev=179&next=-1

都好Q長喇下次再講喇！

2007年10月8日

今日又放番日假喇,而家已經係零晨3點51分喇,不過見無野做又黎寫下野啦,係琴日終於親眼見到[橙]果部[接觸]喇,嘩！真係勁薄勁型仔囉,玩就未玩過部機呀,係因為有個客係我公司買完部機之後叉唔到電,所以囉返黎換機,我先有機會見下部機個樣,話說係咁既,我上星期五放假落旺角去旅行杜比D尾數佢,比完尾數之後就係旺角行下睇下[橙]果部[接觸]出左未啦,因一早收到風話會係果日出,於是去左[旺角大佬]度睇下啦,點知比我見到真係出左,你知喇我呢D身份唔可以係[旺角大佬]停留太奈嫁嗎,於是係入面行左一圈就走人,跟住諗住返公司睇下有無貨喇,去到之後我同事同我講話晏D先有貨返,其實果時我係想睇下部機點既樣同想玩下部機先,未打算買住,果時心諗唔會咁快買Q晒呀,聽日點都會有幾隻留係度呀,咁我就無叫我同事留番一部比我,其實果時我自已都心大心細唔知買唔買好,一來自已已經有一部[橙]喇,如果再買多一部好似有D漆漆地,二來個價錢都唔算好抵買囉,咁到左我第二日返工喇,一返到去我個同事就同我講話:(比我買Q晒囉D[接觸]),我心諗:(唔[能]係呀,我見都未見過就比你買[能]晒,你無[能]野呀),跟住我同事就笑住口咁同我講話:(好[能]多人買呀,D人痴[能]漆左線咁,好似唔[能]洗錢咁,一人買幾部呀),我心諗唔[能]係呀,我自已都知道呢部野係勁野黎嫁喇,不過我就真係估都估唔到D人可以咁[能]痴線囉,可以一日之內同我一Q清晒袋囉,而家到我想買喇就無Q晒貨,仲要唔知等到幾時先有貨返,唉！真係無計！如果果日我唔係放假,而係返工的話果日我既生意就勁囉,真係食生菜咁食,排住隊黎買呀,串到爆燈都仲得呀,唉！無計啦！只可以講句整定既！整定你係買唔到就買唔到,而家只有等待,但係唔知等到幾時,我自已就打算一返貨就買部[接觸]黎玩下喇！我知道而家[橙]果部[電話]個價錢都差唔多同[接觸]大容量個隻差唔多,而家我舊公司都有得買,不過我就對[橙]果部[電話]就無乜興趣喇,近期都開始見到好多人用[橙]果部[電話],因為而家個價錢已經比之前個價錢平左好多,剛出黎果時要成皮野一部,而家都係四千零蚊倒,但係我自已就唔係咁鐘意囉,太大部喇,無[接觸]果部咁薄囉,同我唔鐘意用電話黎聽歌,所以呢部我係唔會考慮囉,嘩！好Q長喇！轉轉話題講下去日本旅行先,已經進入倒數二十日喇,酒店同機票D尾數已經比晒錢喇,行程安排都搞得7788,行程都安排得會好密下,真係要行到一D時間都無得停低嫁,輪椅同拐扙都可以考慮帶唔帶囉,今次去日本旅行我都決定要去買貴野嫁喇,因我係呢半年真係忍得好辛苦,一樣自已鐘意既野都無買過比自已,除左自已生日買左部psp之後,其他就連衫褲鞋都完全無買過一件,賭波又戒左,波又無睇,平時最多都係打下波,係屋企打下機咁,今次去日本真係要瘋狂發洩一下啦,而家只係差換日圓未做囉,其實近期D日圓都跌得幾勁,跌到6.6幾,之前高瘋期去到6.7嫁,但係我計過如果我6.7去換日圓同6.6換只係相差二百蚊倒,我其實而家係等緊佢有無機會跌到6.5之嗎,因如果跌到6.5的話就真係差好遠喇,差成四百蚊呀！真係平好多呀！第二樣野就係諗緊點可以咁早去到香港機場囉,我地早上8點15分機,但係我諗最遲都要早上7點鐘到達機場囉,因為聽講坐西北好[很]麻煩,好Q多人會坐西北嫁,因為佢係一班比較早去到日本的班機黎,同佢價錢會比其他航空公司平囉,聽人講有時佢會早少少起飛嫁,所以可以早少少到達日本囉,所以點解會咁多人鐘意坐西北呢,就係呢幾個原因喇,真係排隊都有排排啦,今次真係寫得勁長喇！下次再寫過！

2007年10月12日

今日唔係放假但見有時間又黎寫下野先,講講近期工作先喇,之前我咪講過每個月我公司都會搵D人黎check我地既,上個月就中左我喇,其實我公司個大佬一早收到風話會係我果個部門嫁喇,所以我都做定心理準備打醒十二分精神做野,話說係咁既:有一日我差唔多收工果時,特然走左條友過黎,四眼後生仔黎二十歲倒,一過黎就好似做大戲咁,我聽佢講第一句野就覺得D條靚仔好大機會係囉,咁我知道好大機會係佢喇,咁我就當然做大戲咁做應付佢喇,話晒我呢D都係訓練班出黎嫁嗎,結果我一個步驟都無做錯到,我相信如果呢條友係黎check我的話,我就真係一定會好高分囉,結果到左早幾日出左結果黎,我大佬同我講話你真係中左佢呀,結果都令我幾意外我係囉左滿分囉,如果我囉滿分的話我間鋪果個月會分多D錢嫁,每個同事都會因為呢件事而出多D人工,我公司個大佬仲出左信贊我呀,聽到之後都不知幾開心,因聽其他同事講要做到滿分係幾難嫁,真係好睇果條友點睇你嫁,好個人囉,每個人都唔同,再講講近期大熱[橙]果部[接觸]喇,係早幾日發生左件搞笑事,話說係咁既,有一日我公司仲有一部[接觸]係度,其實我知道通街都無貨嫁喇,只因為係其他區囉過黎先有一部,咁當時有一個後生仔走過黎,就問我如果部機買左番去有壞咁點算,問長問短咁一路都無講過話要買,咁我當時做緊第二個客,就好唔得行咁應付佢喇,之後有第二條男人好快咁走過黎就問我有無[接觸]呀,咁我當時就話有呀,咁條男人就問比卡得唔得呀,咁我就同佢講,得呀,咁就好快之下就買左部機喇,條男人買完走左之後條後生仔就走過黎同我講(賣晒喇),我就同條後生仔講(係呀！最後一部喇！)見到佢無奈既表情就真係好好笑,無計喇！買野就好似追女咁,手快有手慢無嫁,但係點解我次次都好快手,但係次次我都係買唔到手,點解！點解！次次我睇中左部機,仲要係我都覺得個畫面靚仔又有影相功能又可以聽歌睇片,次次都係個sales囉左隻機出黎,仲要係我試晒機喇(呢個係重點呀),錢都囉晒出黎喇,仲諗住會買個靚機袋袋住佢出街,但次次到最後個sales都係唔買比我囉！我有錢呀點解唔買比我呀,無計！下次再講！

2007年10月15日

今日又放番日假喇,都係呢句啦無第二句講喇,由第一日十月五號錯過左無買[橙]既[接觸]之後,我足足等到而家都未買到部機,見就見過部機既真身喇(因好多客買完囉返黎爆),我知道第一日出果D機好多都有問題,係上個星期都有兩三個客囉返黎爆,果幾個客用過都話有各種問題出現,其實真係有好有唔好囉,如果真係我第一日已經買左部機呢,有可能部機都有好多問題發生,但到而家我都未玩過部機囉,我意思係話用隻手玩下個畫面呀,[橙]呢間公司又好[很]西,明知道個個人都等緊平果隻貨,佢就專登唔出平果隻貨出市面賣,因為點解呢,貴果隻真係無乜人買嫁,佢就專登唔出,等唔到平果隻貨果D人咪照買囉,大佬！貴果隻貨足足貴左成八舊水呀,真係傻仔先會買囉,我又無咁型要買部貴果隻呀,只係我問鋪果D同事而家個個都等緊平果隻貨,我相信如果真係返平個隻貨的話,我地間鋪D同事包括我自已同身邊D朋友都可以一Q清晒D機囉,我相信D街客都無乜機會買得倒囉,每一日都勁多人問平果隻幾時有貨返,我心諗返貨你都未必買得倒喇,我自已都想買呀後生仔,講下第二D野先,近期我公司好Q多人話唔做,其中有一個同事已經交左信話唔做喇,無計啦！佢話壓力大每個人既諗發都唔同,但係講真如果計呢一行黎講,時間同福利及假黎講已經可以講話係呢行最好嫁喇(人工睇你係邊個部門喇),呢間公司係就係好[很]麻煩,又話要講服務勁好咁(大家聽住係要勁好呀,差一分都唔得嫁,做得唔好即炒,我公司係講真嫁),又話要次次都要做到一百分咁,真係未見過一間公司咁[很]麻煩包括[旺角大佬],不過我個同事可能未見識過其他公司啦,見識過其他公司之後有可能佢先知道而家公司既好處,對我黎講我就無乜所謂囉,做又得唔做又得,公司真係要炒我的話我又唔驚果隻囉,錢又唔係搵得好多,我之前都講過如果我做夠一年之後,都係搵得而家呢份人工的話我就會唔做,因為我覺得睇唔倒前景囉,根本公司就唔比機會我,我相信出到去都應該搵到第二份工囉,但係我自已就唔想再轉黎轉去喇,但係當你睇唔到前景的話你個人就會好灰,再加上搵得咁少既人工,自已真係接受唔倒囉,而家自已係比緊自已去學野囉(但係而家乜都學唔倒囉),但係做落之後都覺得大球會其實都係無乜特別,講下去日本喇,仲有兩個星期就出發喇,而家所有都準備好晒,只係未唱日圓,但都應該係呢幾日搞好佢,零晨坐乜車去機場的問題都OK喇,上網睇過尖沙咀碼頭有架巴士通頂去機場既,咁就ok喇,但計過都要零晨4點幾係屋企出發到機場呀,等待去日本既日子真係難頂囉,我亦都同左我阿媽講去日本旅行喇,我阿媽都話我痴線去咁多次日本,我都同佢講左本身我想請佢一齊去既,但係就驚佢行得多路頂唔住,所以我都同左佢講我會比二雞野佢同阿爸去旅行,我同佢講你想去又得唔去又得,你自已決定去唔去,跟住佢同我講左個消息,我阿媽同我講搵左份工聽日會返工,我聽到之後都覺得驚奇,自已心裡面都真係好唔舒服,話晒我阿媽都唔後生喇,係咁多年無做野之下都要出黎做野搵錢,自已心裡面都想同佢講不如唔好做啦,但係自已都真係無辦法,我都同佢講自已真係已經頂唔住喇,我比家用我阿媽我自已係無問題嫁,但係成頭家得我自已一個比錢屋企就真係好有問題囉,我兩個阿哥都自私到呀,大果個阿哥都好D,間唔中都會比下家用我阿媽,我第二果個就真係X街囉,一蚊都無比不特止,仲要同我阿媽講你打少D麻雀咁咪有錢囉,嘩！我聽到之後都真係慶[能]到呀,咁[能]大個人咁樣對個阿媽,訓呀,食呀,上網呀,沖涼呀唔[能]洗錢呀,你出黎租間屋住都要錢呀,電費,水費,唔[能]洗錢呀,咁[能]大個人都唔[能]識諗,但係就真係無計,唔通我少漆佢呀,只係有一件事佢先可以以後唔洗比錢我阿媽,我費事講出黎係乜喇,無計喇！只可以接受現實！有一個咁既阿哥！太長喇！下次再講！

2007年10月22日

今日又放番日假喇,近期返工都無乜心機,因為我個心已經飛左去日本喇,下星期日就出發去日本旅行喇,今次我去日本旅行既最主要目的,就係想買下野食下野玩下放鬆下自已咁,勁買野就真係唔洗講嫁喇,買下衫,褲,鞋,袋咁喇,我今次想買既目標全部都係勁野黎(係日本買會平D),食野方面就唔洗講喇,炸蝦餅包,和幸炸豬排,鐵板燒和牛,築地市場既壽司大及一D自已想試下既日本美食(好多香港都無得食,就算有得食都好Q貴),玩就會去D我未去過既地方玩,包括鎌倉,海洋迪士尼及八景島Sea Paradise,而家準備方面都達到九成喇,只係差唱日圓,我都已經比左錢君姐,叫佢幫我唱20萬日圓,點知係早幾日D日圓升到痴線,而家已經升到去6.8幾喇,睇近期個市都好難再有機會跌返落6.6幾囉,無乜所謂喇我自已一路都諗住係6.7幾嫁喇,而家只係差少少無乜所謂喇,最緊要係玩得開心嗎,近呢兩年去日本去得好Q密,兩年去左三次日本好似人地返大陸咁密(唔係串呀！)我諗我下一次去旅行應該都會係去日本,但係就唔會去東京囉,我個目標係北海道囉,我自已其實都已經諗好左去邊度玩嫁喇,再加上近期我同事同我講北海道真係勁正勁好玩,搞到我都升起晒枝旗,勁想去北海道睇下D風景,不過我知道去北海道係勁貴囉,我自已就想7月份去睇薰衣草囉,又想自已一條友去,不過而家都只係講下先,但係唔知點解一個人去旅行果種感覺真係好正,我個同事就試過自已一個人去左巴黎旅行,我諗真係會好多人都會好[很]驚囉(包括我自已),去一個完全唔識既地方旅行,諗起我上一次自已一條友去日本旅行果種感覺,就好似去左日本生活既香港人咁,真係你未試過係唔會知道果種感覺嫁,無人聽得明你講野,去一個自已從來都未踏足過既地方,乜都要自已黎,硬住頭皮咁去問D日本人點行路等等....而家回想起黎都覺得好正,真係一個好好既人生經驗黎,講下第二D野先,近期真係好多野想買,頭號目標係[橙]果隻[接觸]囉,我自已就想買隻8gb,不過到而家仲未知幾時會返貨囉,聽講第一水D貨有D問題,再加上16gb個價錢太貴無乜人買,我諗[橙]係專登唔囉D貨出黎賣囉,眼見好多人等唔住8gb而買左隻16gb,自已真係都好想買番部黎玩下,不過個價錢實在太貴喇,要成3200蚊真係唔係好抵囉,大佬！3200蚊真係可以買倒好多野喇,我買部160gb都唔洗3千蚊,而家維有等下幾時有貨囉,如果呢個星期都無貸既話,我會去日本果邊睇下有無得買囉,第二號想買既野就係ps3喇,下個月11號sony就會出部2680蚊既40gb版ps3喇,我覺得真係入貨既好時機囉,由初初五六千蚊一部,到而家二千幾蚊部真係平左好多呀,不過全部都要玩正版GAME囉,不過對於我黎講無乜所謂,因為我最主要都係玩幾隻GAME,睇下去完日本返黎有無錢買喇！近期都睇左好多人既遊記按這:2007 軍曹小隊疾走東京http://hk.myblog.yahoo.com/joji_joji2003/article?mid=4657 東京7日6夜血拼之旅 http://hk.myblog.yahoo.com/abaloneyuki-japan/article?mid=178條友痴漆線嫁買野買到呀,成雞野都囉黎買BAPE,係！無錯！係日本買BAPE係平好多,但香港實在太多假野喇,我係旺角見到好多人都著假野囉,講真你著左真野都無人知係真啦,我自已就唔會買黎著囉,近期都開始忙番D喇,冬季日劇又要追,流行東京又要追,自已cut既流行東京唔知點解近期好多人睇呀,真係唔知點解！我已經改左個名叫做(潮爆東京)嫁喇,但係D人都搵到囉真係勁,近期都寫得好Q長,下次再寫！

2007年10月28日

而家係零晨3點22分仲有半小時就要出發去機場,剛剛睇新聞講話日本果邊打緊風,真係唔係咁Q呀,希望唔好影響個旅程啦,今次真係帶左個好Q大個急去,而家都無乜野放落個急度,只係帶左幾條抵褲就行人,但係我相信返黎果日一定會爆晒囉,今次講到明係去掃貨,仲有個同事叫我買個袋返黎,唔講喇！都差唔多時間起程喇！返黎之後再同大家分享下有乜趣事喇！BYEBYE！

2007年11月4日

我返黎喇！去左日本成7日行到隻腳好Q��,我已經叫做頂得住嫁喇,但係君姐就頂唔住喇,一上親火車先飛身搵個位坐,然後就係咁釣魚(訓覺),今次真係買左好多野返黎,君姐就掃貨第一位,我就係掃貨第二位,其實簡生都好忍得手下,但係去到最後都唔係好頂得住都要掃番兩野,我地日日都7點半出門口,由朝行到晚行到隻腳都好很痛,但係時間永遠都好唔夠洗,下午4點鐘就太陽落山,5點鐘就天都黑晒,D店鋪就8點鐘準時關門,去左好多地方只係差池袋無去到,但係池袋都無乜野睇所以無乜所謂,唉！聽日就要返工喇,剛剛收到個消息,話我黎緊呢個月得番兩日假放,真係有排頂呀,好多野都未做呀,個遊記又要寫,去左日本果個禮拜D日劇又要追,流行東京又要追,又要搞下部新既[橙]去左日本都未玩過,又要睇下有乜新歌,PSP又有乜新GAME,仲有大家要密切留意,三條友行到甩轆日本之旅既短片版,真係萬勿錯過！

2007年11月20日

見有D時間又黎寫下野喇,都差唔多成三個禮拜無寫過喇,自從係日本返黎之後就超級忙,又要搞短片又要寫遊記又要搞D相咁,真係忙到痴線,我已經係日日係咁寫日日係咁搞喇,因為又要返工的關系,所以搞到而家成兩個禮拜先搞得晒,我而家仲有D日劇都仲未睇晒,講下近期工作先,我而家都會比較忙碌,因為我而家唔再係長企舊時個部門喇,而家公司安排左我地咁多個同事一人企一日囉,我而家大部份時間都係企搵食部門,我相信未來我既日子會好好多喇,包括係我既人工啦,做到而家我都開始見到人工高番D喇,上個月人工都有成一萬三千幾,如果我而家企呢個搵食部門,我相信人工仲會多幾千蚊囉,最近我公司大佬仲同我講,我上一兩個月企果個部門每個月賣既機數,係等於成間公司既三份一數量,我自已聽到之後都覺得驚訝,三份之一咁多真係好勁呀,成間公司咁[很]多間分店,又講下第二D野先,近期真係勁忙呀,有好多野好想做,但係又無時間做,假又得番兩日,真係大檸樂喇,黎緊仲話要買PS3,又要打W.E.2008,唉！真係好多野想做呀！又講下今次呢個旅程呀,我自已覺得今次去東京旅行,我相信我短期內我都唔會再去東京囉,因為我覺得已經好多地方都去過晒,我今次去東京都已經無之前咁興奮喇,不過我下一次既目標會係日本北海道,其實我自已已經PAIN好晒個行程喇,我希望可以係明年7月份去囉,如果大家有睇開我呢個呢期做乜春,都知道我三月份都講過話我好想去北海道嫁啦,講真而家我自已真係無乜特別興趣喇,睇波又無時間,打機又無時間(我講屋企打果D呀),打波都少左喇,最大興趣都係想去旅行,自已番黎之後寫下遊記,記錄一下當時情形,之後睇番都會回味一下咁囉,最近我公司有個同事仲勁呀,兩個女仔自已自遊行去歐洲呀,仲要去成兩個禮拜呀,講真如果係我的話,我都會驚驚地囉,英文又唔識講,仲要係勁貴囉,坐飛機都要坐成十幾個鐘頭,只係飛機票已經用左成雞野喇,都仲未計食飯搭車呀,去一次之後真係破產喇,都好Q長下次再寫喇！

2007年11月27日

連續返左9日工今日終於放番日假喇,最近做野真係忙到痴線,之前我都講過我而家已經去左第二個部門搵食,但因為有個同事放大假既關系再加上即將有個同事唔做既關系,所以人手上真係唔夠人做野,真係一個人頂幾個客黎做嫁,再加上就黎到12月呢D旺季,人又唔夠真係做Q到X街,黎緊呢個12月仲正呀,得四日假放就唔在講喇,最緊要係放MA,17號之後就一路到下年先再有假放喇,又話要開早D等等,真係要講一句爽呀,連返二個星期工仲要下個月都唔知邊日先再有假放,聽D同事講每年呢D時期都係無得放假,無計喇頂住啦！再講講近期過左搵食部門既工作上事情喇,自從過左搵食部門之後就覺得返工有左目標,每日都好似有D錢等住你搵咁,只係睇你自已有乜方法去搵到囉,只要你每賣到一隻指定型號機款就有錢分,最高有二百蚊一隻,最低都有二十蚊一隻,我每日既目標係要搵五百蚊,其實我可以講一D都唔難搵,差唔多求其有個客走過黎指住是但一部機買我都已經搵到錢嫁喇,真係一D都唔難,只係睇你跟唔跟到個客囉,聽D同事講原來我個部門係全間鋪搵得最多錢嫁,有D人工仲高過D經理,我自已都計過如果我每日平均搵到五百蚊,我當佢出7成比我呀,我每個月既人工都會直線上昇,我上個月出既糧都係我做咁奈以黎出得最多既,出左成萬四蚊,我黎緊既日子都會比較忙,好多野好想做但都無時間做,買左部PS3隻W.E.2008都無乜時間玩,之前D日劇又未有時間睇,寫呢個BLOG都無乜時間寫呀,日日返工都做到成十一二點先收工,返到屋企沖完涼上一上網都差唔多訓覺喇,再無乜時間做到其他野喇,不過做野做到咁忙都有個好處,真係可以儲到錢囉,真係邊有時間洗錢呀,就算放假都訓係屋企好過啦,我自已希望係未來既日子可以真真正正可以儲到下錢囉,我自已就想係7月份去日本北海道旅行咁囉,唔講喇,下一次再講喇！

2007年12月3日

今日又放番日假喇,返左四日工今日又再放假,但係上個星期就爽囉,我個部門有個同事連射左三日波(囉病假),係真病定假病就真係唔知道喇,不過我就覺得佢過份左少少囉,病都唔係病咁多日呀,病咁多日真係要入廠啦,而家間鋪已經唔夠人做野嫁喇,仲要係呢D咁既月份先黎射波,射一日都無乜所謂呀,仲要連射幾日就真係過份左少少囉,我由上星期一開始計,唔計我星期三放假果日呀,我除左星期六係返晏之外,其餘我就日日都係返全日,即係由早上11點開始到晚上12點囉,真係無乜野！連返13個鐘咁大把,到我琴日睇番張工卡我先知道原來返左咁多日全日,真係做到自已個人都痴痴地,返左幾多個鐘頭都唔知道,係呢個月我放MA今日之後就仲有兩日假放,到我放MA17號之後就爽囉,連返兩個禮拜直到下年08年仲要唔知邊日先再有假放,真係一個字[爽]呀！但係我諗我12月份果份糧一定好勁抽囉,大家都知12月係食糊月份黎再加上OT加我而家呢個搵食部門份人工,我諗應該係我做野咁多年黎,份人工最勁抽既一份黎囉,辛苦就唔洗講嫁喇,慢慢黎喇！頂住呀！後生仔！呢排我都無乜時間打部PS3呀,好多野好想做但係真係無時間做呀,日日返工放工,返到屋企沖完涼上一陣網就訓覺,第二朝又返工放工日日如是,真係忙到痴線呀！講下第二D野先,我打算7月份去日本北海道旅行,而家計劃緊行程呀,其實我早係半年前無野做果排,已經寫好左去邊度玩寫好左個行程嫁喇,而家計劃定就真係好似早左少少咁,但係因為我又要返工又要做其他野,所以一有時間我就睇下第二D人既遊記咁囉,計劃定都差唔多啦！呢排我公司個個同事都輪住去日本旅行,我去日本之前有一個之後到我去,跟住又有一個去呢個星期又有一個去,係上個星期我有個同事剛剛跟團去左日本旅行返黎,其實佢去之前我都同佢講過自已自遊行去日本好玩好多嫁,結果到佢返黎之後就少晒老母咁講,完全無時間買野囉,成日都係坐係架巴士上面,行一兩個鐘又上返車度喇,下次去一定自已去囉,無計！我一早同佢講過嫁喇,所以如果有朋友打算跟團去日本旅行的話,大家知點做嫁啦！其實自已去日本旅行真係一D都唔難,只要去之前做足準備,睇下D旅遊書就一定無問題囉,唔講喇！下一次再講！追加呢個遊記比大家睇下！好正！http://hk.myblog.yahoo.com/jw!2oNNmY.YHxIDXwlcCNzS5C4wBrU-/article?mid=1

2007年12月10日

今日又放番日假喇,今日放完再放MA下星期一,就會進入死亡賽程喇,連續返十四日工先會再有假放喇,即係08年先會再有假放喇,但係就唔知道下個月既邊日先有得再放假喇,真係要講句爽！爽！爽！自從去完日本返黎之後,就一路都好忙,公司人手又唔夠,係早幾日先肯請返個人返黎幫手,日日都差唔多做到成12點幾先收工,再加上而家過左搵食部門企,真係連講電話都無時間呀,收左工之後就真係乜都唔想做,最想係返屋企沖完涼就訓覺,我都差唔多成個月無打過波喇,因為實在太�Ё�,打波打到成2點幾,沖完涼都已經成3點幾四點,跟住聽日又話要返個全日,而家真係頂唔住喇,第二日返工真係無精神做野就唔好喇,四眼仔仲成日話我咁都頂唔住,大佬！你第二日唔洗返工緊係喇,比你試下一日企13個鐘呀,一路咁多個鐘頭不停講野呀！你未試過你係唔知個情況係點,聽上黎就覺得好簡單,而家放親假我都唔想出街行,我只係想係屋企打下機,上下網,訓下覺,休息一下算數喇！因為實在太�Ё�,呢個月假期已經唔多喇,平時無乜時間做既野,就等到放假先有機會做到！過左搵食部門都成個月喇,但係我仲未識晒D機囉,因為有D貴機款係你自已唔玩開的話,你係會唔識點玩嫁,其實我而家都仲未係好明貴機同D機仔影出黎有乜分別囉,個個都話貴機影得靚D,但係其實我呢幾次去日本影出黎D相都影得OK靚呀！只係我知道貴機影出黎可以玩好多野囉,真係要慢慢玩多D機先得喇,唔講喇！下次再講！最近買左呢隻PS3GAME(Kane & Lynch - Dead Men),呢隻GAME仲正過GTA呀,係條街同D差佬博火好鬼死正！比大家睇下喇http://hk.youtube.com/watch?v=OQIG5p9ZUvM&feature=related

2007年12月17日

�ョI真係超�ョI每日收工都差唔多成12點幾,返一個全日要十四個鐘頭工作時間,唔係話一落閘就走得果隻呀,落完閘仲有大把野做,今日已經係呢個月最後一日假喇,之後就要一路直到下年08年先會再有假放,連續返工兩個星期無假放,真係勁辛苦呀！做乜Q野呀D人,點解要係呢D時間先黎買野呀！真係做到我X街呀！而家真係做D私人野都無時間,打機又無時間,打波又無時間,睇日劇又無時間,真係好想快D過左呢個月佢,自從去完日本返黎之後,真係做野做到無停手,而家只係希望黎緊呢個月份糧會出得好D啦,我自已就諗應該會幾好囉,如果唔係咁辛苦都唔知為乜啦,講下近期工作除左忙之外其他野喇,近期我公司部門個大佬比左好大壓力我,成日句句串過黎,話我企吟奈搵食部門都無放過心落去做野囉,我聽到之後真係好[能]慶！我企吟奈搵食部門佢都無教過我野呀,真係全部自已問同事先知道,我只係正式企左過黎兩個月倒,有時有D新機返黎又唔可以打開黎玩下,真係要到D客買喇,我先有機會見下隻機個樣呀,成日叫我睇多D書學下野,仲要同我講野果陣好[很]串,其實而家有幾個同事都唔[能]鐘意佢嫁喇,本身我對佢都都無乜野,平時佢叫我做乜我就做乜,我都無乜野,講真大家同事一日對住幾十個鐘頭,真係唔[能]洗吟呀！而家做野已經忙[能]到X街嫁喇,我幫你博[能]到X街做野,你吟[能]樣同我講野,講真！當朋友吟同我講會好D囉,我個人只係講道理,你講得無道理的話,我就話[能]之你係邊[能]個！一定同你X過！唔講喇！下次再講喇！

2007年12月26日

經過連場工作之後真係�ヮ鼒鶵u,日日做到成十二點幾先收得工,今日因為收早先有機會黎寫下野,講番工作先,係上個星期真係做到無停手,D客買野真係好似唔洗錢咁,佢地最重要係勁爽手果隻呀,一走過黎睇兩睇就話比部我呀咁,之前我都講過,如果賣到D食糊機的話,就會有錢分嫁嗎,真係做都做唔住,就好似玩緊三國無雙咁,以一對十咁面對住D客人,睇住D錢一路咁飛過黎,過多兩日就會知道係呢個月咁辛苦會出幾多錢糧喇,我諗呢次應該都會出得幾勁下,而家先去到魔鬼賽程既尾斷,係早幾日比我無意中見到最新既更表,睇到我下星期一終於可以放番日假喇,仲要下個月有成六日假放真係爽呀,講下其他野先.近期對於我個搵食部門既貴價機好有興趣,我自已都打算想買番部,但係玩呢樣野真係好Q貴嫁,我自已計過中中地價錢果D都要成皮野一部,其實我自已一路都幾鐘意我而家個搵食部門賣果D野嫁,初初就會唔係好明點解D人點解會用咁多錢買呢D野黎玩,而家我先開始明白點解呢D野點解會咁貴同點解會有咁多人會願意花咁多錢既原因,但係我又諗過通常去旅行先會用得到,平時真係好鬼少機會用得到,去旅行仲要囉住舊咁Q大舊野周圍行真係都會幾辛苦,我成日諗住到我下一次去北海道旅行帶部勁野去一定會好正,不過而家都係諗下先喇,話晒都要成皮野咁Q貴真係要諗清楚先好,近期B哥又話有可能係下年三月份去日本旅行喇,真係開心喇！我就決定下年7月份去北海道旅行,而家計劃中！唔講喇！下次再黎！

2007年12月31日

經過長達兩星期無假放既日子今日終於放番日假喇,真係�ヮ鼒鶵u,不過下個月開始就爽喇,有成六日假放,例一就唔洗講嫁喇,頭兩個星期仲要一五一五咁放,真係爽到爆燈,平均返幾日就放一放,咁我就多D時間打下機喇,最近買左兩隻新GAME都無乜時間玩,都未計隻W.E.2008下個月就會比較多D時間打下機喇,不過PS3果DGAME都真係幾Q貴下,平均都要成三四舊一隻,真係要諗清楚好唔好玩先好買黎玩嫁,唔係好似PSP咁開開個畫面睇下,好唔好玩都唔洗錢咁,所以PS3果DGAME真係要快D打爆佢,之後放番上網賣返出去,賣番兩舊水都好呀,最近買左三隻GAME加起黎都要成千蚊,不過見上個月自已做野做得咁辛苦買番D野黎玩下喇,係早兩日終於都出糧喇,初初意為會出十二月果份糧,原來今期先係出十一月份果期糧,初初諗住呢期會出得好勁嫁嗎,點知都係出得十四倒,十二月果期就要等到二月份先會出,我諗二月份果期應該會有成兩雞倒,睇返今期糧我個個同事都出成兩雞幾,咁我無理由無兩雞幾呀,自從過左搵食部門之後收入真係比之前好左好多,最少唔會好似之前咁先喇,搵得果7千幾8千蚊日日返工都唔知謂乜,不過而家就會比之前大壓力左囉,我自已覺得而家係一個儲錢既好機會黎,波自已已經無賭喇,平時最多都係買下GAME黎玩,買下DGAME書睇呀,而家波都打少左喇,真係平時除左食飯坐車要用錢之外,其實都無乜機會用到錢,近年自已最大興趣都係想去下旅行,自已覺得多D睇下外面既世界,先會知道自已原來係咁細,自已一路以黎只係香港以為自已好Q勁,原來外面好多野自已見都未見過,先會覺得原來自已咁細,同人吹水都可以同人講下自已去過邊度邊度玩呀係咪,之前都講過自已都PLAN緊7月份去北海道旅行,黎緊呢個月都會多D時間計劃下行程,站時計劃係打算去9日,不過呢個都只係站時,仲有咁多時間可以慢慢諗行程方面,就快又到新既一年,祝大家都事事如意,我自已就都係果D喇,回望07年自已係1月份自已一條友去左一次日本旅行及後再係10月尾再同陳友去多一次日本旅行,係3月份搵到一份新既工作,係07年每日都係工作工作再工作,不過有工做總好過無工做呀,都好長喇！下一次再講！

2008年1月7日

返左兩日工今日又放假喇真係爽到爆燈,呢個月頭兩個禮拜平均返幾日就放一日假真係勁爽,放假都係想係屋企訓下覺,打下機,睇下電視咁,因平日做野做到真係好��,放假都想休息一下,到下個月又開始第二個魔鬼賽程(新年),聽講又話要踩成唔知幾Q多日先有得放假果隻,所以而家有得放假都想放鬆一下自已休息一下,對於D魔鬼賽程就係我搵錢既好機會黎,剛剛又踏入08年喇,有幾樣野自已係好想做到既,第一就係想係7月份去北海道旅行,其實我而家已經開始準備定行程嫁喇,第二樣就係想買部單鏡反光相機,即是成皮野一部果D囉,講緊買枝鏡都要成皮野果D,自已就諗住買部6千蚊倒既機身,再買多一兩枝鏡玩下囉,自已打算囉皮零野出黎買囉,其實自已一路以黎都對影相都有D興趣既,但係只限於去旅行先會影囉,再加上而家終於明白點解貴機同細機仔既分別,貴機玩既野細機仔係做唔到既,貴機影出黎當然會靚好多喇,第三樣就係努力搵錢加儲錢喇,自從入左呢間公司做野,自已係07年都企左呢個死位都企左成半年,當時搵得果幾千蚊一個月,但係踏入08年正式過左搵食部門之後呢,而家既收入就大大跳昇喇,而家既收入係我出黎咁多年做野以黎都未試過搵得咁多既,當然辛苦加壓力都會大大跳昇喇,再加上而家對賭波一D興趣都無,平時都無乜錢要洗,我自已覺得都係時候儲番D錢喇,儲下錢買樓又好點都好,而家真係老喇！再唔係21歲以下國家隊成員喇,真係踏入足球員既黃昏期喇,第四樣就係果D喇,想唔係話唔想,但係都要睇果D野嫁嗎,不過而家都覺得有同無都無乜所謂,講真！真係已經無乜所謂喇,反而有的話真係會有D唔習慣,我自已覺得自已既事業而家先真正開始,再加上真係無乜時間,唔好講呢D喇,打機,睇電視,上網,訓覺,打波見朋友都無乜時間喇！仲話講到呢D！慢慢黎喇！後生仔！下次再講！

2008年1月14日

返左兩日工今日又放假喇,不過今日已經係亡命放假之旅既最後一日喇,放MA今日之後要到下星期一先再有假放喇,近期工作都無乜特別野發生,都係日日博到爆燈咁搵錢囉,大佬！囉命博嫁！早係上個星期陳友特然打電話黎同我講話比人炒Q左,不過聽佢講都保返成幾皮野人工比佢,無乜所謂啦保番咁多錢比你,過兩日之後又話有第二份工等住佢做喇,人工仲要多過而家剛剛比人炒果份工,跟住星期六仲要同我講話返MA工呀,真係後生仔黎！大家一齊加油啦！近期放假放得多左,多D時間做番D自已野,隻W.E.2008終於打到上J1喇,只係打J2都要踢成四十幾場波,上網連線都搞左成兩個幾月,終於係今日比我搞到喇,但係玩落就勁慢囉,玩左一場比人大炒左四個一皮,都係自已單打好玩D囉,之前咪講過話想買部單鏡反光相機,近期都開始睇下買D乜鏡頭好,好果D鏡頭平平地都要成皮野一枝,我自已就諗住買枝可以愛黎影風景,自已就睇中左一枝六千幾蚊既鏡頭囉,我諗最快大約三四月左近買囉,因為到果幾個月份糧應該都黎料喇,其實自已真係仲未決定買唔買好囉,因為真係去旅行先會用得到,唔用果時又要保養得好好,萬一保養得唔好就真係大檸樂喇,加起黎成皮野就咁放係屋企度一野就玩完,我自已就諗住去旅行先會用囉,你話幾浪費呀,不過自已就真係好想買部黎玩下呀,都係等我再諗清楚D先啦,之前咪講話7月去北海道旅行,而家行程上都安排得7788喇,站定會去9日囉,睇下情況點囉,如果可以囉倒多一日大假的話,我打算會去多一日即是去十日,如果去十日的話行程上就唔會咁緊湊囉,可以慢慢行無咁辛苦,而家咁快就寫定個行程好似就係早左D,但係因為7月份既北海道係旅遊旺季黎,所以真係要早幾個月就訂定酒店喇,而家仲有幾個月時間可以慢慢安排行程,下次再講喇！追加呢個遊記比大家睇:http://hk.myblog.yahoo.com/f9u-f9u/article?mid=10&prev=16&next=-1 

2008年1月28日

今日又放番日假喇,放MA今日之後就要連踩到年初四先再有得假放喇,又要進入第二個魔鬼賽程喇,近期公司D生意都係麻麻地,真係大部份都係大陸客買野多囉,如果無左呢班大陸客買野就真係玩完喇,真係可以全日八成都係大陸客買野,而香港人買野就真係少到爆燈囉,大部份香港人都係睇多過買,我諗應該都同近期跌市有D關系,但我諗下個星期開始應該會好番好多囉,因為話晒個個都出晒雙糧又就黎過年,點都會買下野呀,近期我自已D生意都幾好下,每日平均都做到一千蚊倒,而家個個同事都好期望到我出糧果日會出倒幾多錢糧囉,個個同事都話我跑數好勁,無計啦！大佬我都企左個死位部門成半年啦,而家有機會係呢個搵食部門企我仲唔博到最盡呀,初初入去搵食部門企乜都唔識,而家先開始真正黎料喇,初初企搵食部門自已定一日搵五百蚊,而家自已定一日最少搵一千蚊,有時仲多過呢個數呀,近期自已出糧既收入都比之前好番好多喇,早幾日出果期糧都出到萬五蚊倒,黎緊二月份果期糧應該都會超過兩萬蚊,大佬！真係苦盡甘來嫁..！初初入呢間公司做野幾辛苦呀,出得幾千蚊糧又要還錢比我阿媽(大家可以睇返我上年四,五月份果期寫既時間),日日真係食飯搭車乜都無嫁喇,而家真係改善左好多喇,辛苦就係辛苦左好多囉,但係而家搵得番呀嗎,講下第二D野先,之前PAIN果個北海道行程大概都完成喇,應該會去十日倒,但睇下公司準唔準我放吟多日大假啦,但我諗應該公司都無乜問題,我打算買部單鏡反光相機去北海道影下相,即係囉晒腳架果隻呀,所以而家要博到盡搵錢呀,下次再講喇後生仔！

2008年2月17日

今日又放番日假喇,仲要今日係星期日放假,我自已記得做左呢份工一年以來都無乜幾多次係星期日放假,今次我仲要係連放兩日假,連放星期日同星期一真係爽到爆燈,我都差唔多成個月無寫到野喇,見有時間咪講講近期乜境況囉,近期做野做到真係有D�Эo,自上年11月放完大假之後,一路博到而家過完新年,自已個人真係有D�Эo,自從過完新年後公司生意都好鬼死差,自已壓力都大左好多,最好係1月份果個月,自已平均每日都搵到成千蚊一日,但係到左而家剛剛過完新年呢,唔好講搵幾多錢喇,連真係開唔開到機都成問題,返工返全日可以開得果幾機,D公司大佬真係以為你無返工咁,公司除左要你跑生意數之外(講緊SALES機呀),又要叫我地SALES其他野,做一單生意除左要SALES個客人買部機之外,當個客人買左部機喇又要SALES個客人買其他野增加G.P,當如果你唔到數又話要寫字解釋,食飯食半粒鐘等等,壓力真係一D都唔細嫁,真係搵咁高人工要搵命博嫁,唔係日日過下日晨就一日果隻呀,我有個男同事就試過真係比人少到眼濕濕嫁,公司好多人真係頂唔住果種壓力唔做,唔好講話搵兩萬三萬一個月,有時自已都會諗,呀！點解搵成兩三雞一個月都唔做呢,出到去真係未必搵得番呢個人工囉,其中有個同事我都問過佢點解唔做,佢都同我講係壓力太大,唔係講錢問題囉,我自已就覺得無論點辛苦我都會做落去囉,除非係公司炒我就無辨法呀,唔理真係點辛苦點比人少,我都會做落去囉,因為我諗我出去好難可以搵到一份工可以搵番而家呢個人工囉,條件咁好囉,有時做人就係咁現實嫁喇,為左生活就無辦法喇！係咪！但係近期自已覺得真係要休息一下充下電喇,真係好想放下大假囉,講下第二D野先剛剛過完新年年初四果日,就叫左陳友幾個朋友上黎我屋企打麻雀,我已經差唔多成年無打過麻雀喇,居然係主場之下比我贏左二百六蚊,今年真係有D運仔行下呀,B哥又話就黎去日本旅行喇,聽到我都覺得開心呀,自已都想去MA一份,我自已就要等一等喇,7月份去北海道行程安排方面都寫得7788喇,而家只係差一D細節上安排囉,而家諗緊到時去北海道又要帶相機又要帶腳架都幾Q麻煩,自已仲諗住帶個D.V去拍下野,聽D人講7月去北海道如果坐直航機去要八千幾蚊,呢個價錢只係張機票黎,都未計住同食加坐車同玩,在加上而家D日圓咁Q高,加起黎我諗要皮幾野喇,不過無計自已真係想去左好奈北海道喇,幾貴我都一定會去,錢係愛黎洗嫁喇,最多咪搵番囉！下一次再講！

2008年2月25日

呢次仲唔黎料！足足係呢間公司做左成年,終於到左我既收成期喇,我公司個大佬唔知痴Q左邊條線,篇左我黎緊呢個月有成十日假放,仲要係十日假之中全部都係保假黎一日大假都無,係三十五日之中我放左成十日假,之前我都講過試過有個同事一個月返得十日工,其餘日子都係放假,真係講都無人信呀,我今日放假返一日之後又放假返多幾日之後又放假,真係唔講句爽都唔得呀,平均個個同事都放成十日八日假,大部份同事都報左名去旅行,呢個話去泰國果個又話去台灣等等,我呢份工真係無野好,好就好在多假放到痴線,我諗係我呢行之中講放假會係最多既一間囉,無一間公司既條件會比呢間公司好嫁喇,而我就會留D大假到7月去北海道旅行先會用囉,過多幾日就會到第二個收成期喇,講緊係我出果份糧呀,我諗呢期糧一定最少有兩雞野,因為呢期糧係出番十二月果期嫁,大家都知十二月係乜日子嫁喇,果個月日日都一個抽幾個,日日返工都好似打仗咁,我自已諗應該呢期糧應該都係我做呢間公司成年以黎最勁既一份喇,講番近期工作先,近期公司D生意真係麻麻地,應該係剛剛過完新年,近期又無乜新野出啦,所以先會攪到D生意差到爆炸囉,我自已就唔理咁Q多喇,我自已都講過係早幾個月博得好勁做到都好Q�リU,好想休息一下充一充電,放假可以訓下覺,打下機,上下網幾咁爽呀！多D時間可以安排下7月既旅程,下一次再講喇！

2008年3月2日

今日又放假喇,星期一同星期三剛剛先放完假,今日又放番日假喇,但係下個星期就要返四日全日到下星期一先再有得放假喇,又要頂足一個星期先會再有假放,之前咪講過呢期糧會出得好勁,今次真係出得好勁下,初初入呢間公司做只係出得果六四事件,一年後既今日呢一次就做左二五仔喇,問番其他同事大部份連二字頭都無,我個部門出得最多果個同事都出得唔夠我多,其他同事問番我出幾多錢人工果時,我都唔敢講出得咁多呀,真係費事講左出黎之後比人打一身喇,黎緊呢個月D假又多到爆燈真係爽到唔知講乜好,講下其他野先今日B哥就會去日本旅行喇,聽到都真係想去呀,等下喇後生仔！就快到你喇！寫下寫下呢個呢期做乜春都差唔多寫左成年喇,其實主要原因唔係想話寫D野比人睇囉,其實主要係想寫比自已睇,等第時睇番原來我果期係有D乜事發生等等,自已可以回味一下咁囉！下一次再寫過！

2008年3月10日

今日又放番日假喇,之前咪講過呢個月會有成九日假,琴日公司大佬又話因為要清MA上年07年果D大假,所以會係呢個月篇多兩日大假我放,即是加MA之前果九日假總共會放十一日假,當我聽到我公司大佬同我講果時,我都講左句(又放！我要留番D大假7月去旅行果時用嫁！),好彩我公司大佬同我講左句令我好放心既說話(呢兩日假係07年D大假黎！你唔洗驚08年果D大假你都未放,D間公司無野好,假你就一定唔洗驚喇,呢間公司借假都仲得,),聽倒我公司大佬同我咁講我都放心左好多,大佬！我籌備左7月去北海道旅行都籌備左成年喇,聽到我公司大佬咁同我講,大假方面應該都無乜問題喇,不過我仲未決定會去幾多日囉,而家仲有四個月時間可以慢慢諗,等我再籌備一下先,講番近期工作先喇,之前公司D生意真係好鬼死差,但係呢個星期開始又好番好多囉,我覺得最主要原因係剛剛出左幾隻新野囉,有D機款又跌左價,所以就多番D客買野咁囉,呀！仲有一樣野！係上星期比我見到(隊長)係旺角街頭派野,我當時都見佢唔到嫁,係佢叫我我先知道係佢黎,頭髮又生長左,我心諗你條X街,你都有今日囉,要流落街頭派野,講就講自已乜春經理,咪一樣要係條街度派野,之前講到自已幾咁勁,幾咁巴屎閉,當見到我果時仲要死撐,話���睎陘膝q搞好左波樓果邊,而家過黎呢邊幫手,我心諗撐乜Q野呀！識佢咁奈都知道你最鐘意應叻,吹水你就一流！講左幾句我都即時走人！費Q事同佢講咁多！下次再講！

2008年3月17日

今次真係唔係同大家講笑,我而家已經單拖自已一條友飛左去日本福岡旅行喇,今次我會去福岡旅行四日,20號返黎香港,有可能大家睇到呢篇野果時,我已經返左黎香港喇,其實今次去日本福岡旅行係無乜人知道,只係得B哥同我屋企人及我表哥知道會去日本福岡旅行,係我叫B哥唔好同人講保持神秘既,等大家有個驚喜呀嗎,由於係上個月我公司個大佬唔知痴Q左邊條線,篇左我呢個月有成12日假放,其中仲有7日係連住放的關系,當時我都諗住想去下旅行玩下,但由於我公司大佬篇左我係復活節果幾日連放7日,我睇過去邊度旅行都貴到飛起,但係無意之中比我見到港龍航空有個優惠係去福岡既,來回機票只係1760連稅都只係2200蚊,但到我想訂果時復活節果幾日已經FULL晒,當時我就唔諗咁多馬上叫B哥幫我訂早幾日17號去20號返喇,當時我都唔知公司大佬比唔比我早幾日放假嫁,真係囉二千蚊黎博一博,如果我公司大佬唔比我早幾日放假我就大檸樂嫁喇,結果我公司大佬都好好人幫我改左早幾日放假,其實當時我就真係覺得張機票超平囉,點知過左一個星期之後港龍同國泰都出新野,去東京同大阪機票都係1990,最大單係去福岡仲平到1590,仲比我當時訂平左成兩舊幾水呀,不過要復活節之後先開始出發,無計喇我已經比晒錢一早訂好左機票喇,再加上我既假期已經一改再改喇,不過我如果唔係決定7月份去北海道旅行的話,我一定會訂6月份去東京囉,大佬！坐國泰連稅都只係2500蚊,平時坐西北去東京果D都要咁既價錢喇,真係平到痴線！其實自已都心思思想訂番張機票去東京玩番幾日嫁,但係無計喇我而家3月份放左幾日去日本福岡,D假無可能放得咁密呀,因為我仲要留D大假7月份去北海道旅行用,所以就忍痛當自已乜都睇唔倒喇,講番今次去日本福岡旅行,張機票價錢真係抵到爆燈囉,如果唔係咁平我都未必會去囉,之後我個表哥話想同我一齊去都無計喇,我睇過同一架機去個價錢都要成6千蚊,足足貴左成兩倍價錢點搞呀,無計喇！果時佢只係做左兩日優惠,無計喇！下次總有機會！日本福岡呢個地方自已從未去過嫁,決定左之後馬上去左書局買左本旅遊書睇下,行程安排方面我只係用左4日時間就已經搞好晒,其實福岡呢個地方又係好Q大嫁,去一個地方都要成2個鐘頭車程倒,我已經安排左個超級緊湊行程,由早行到晚就唔洗講嫁喇,因為今次只係去4日的關系,所以我就無打算搵人同我一齊去,因為我覺得一定唔會有人會同我去旅行囉,係無準備之下話去旅行就去旅行,不個一個人去旅行有一個人去旅行既好處,就係好似我呢一次咁,想幾時去就幾時去,唔洗又話要就邊個邊個等等,鐘意去邊就去邊自由自在,大家等我返黎啦！返黎之後又寫番個遊記比大家睇下啦！

2008年4月2日

嘩！真係好奈無寫過野喇！自從去完九州返黎之後就一路都忙住寫個遊記,我只係用左四日時間倒我就寫好晒喇,日又寫夜又寫,真係寫到我好Q�ロr,仲要連返左9日工,到今日先放番日假呀,上個月就爽呀,有成12日假放,但係黎緊呢個四月我就勁囉,成個月得四日假放,但係呢！我D同事就放成十日八日假喇,其實係公司要同佢地清MA07年果D大假既關系,所以佢地咪有成十日八日假放咁囉,所以黎緊呢個四月我公司D人手就一定唔夠嫁喇,我就一定做到痴線喇,不過都好可以儲番D錢,因之前去九州都洗左成五六千蚊,其實已經唔算話洗左好多囉,但係因為我仲要7月去北海道嗎,我而家已經開始睇機票喇,我睇過只係機票都已經要成八千蚊喇,都仲未計酒店同車費加食同買喇,計一計數都真係幾Q貴下,保守估計都要成萬幾蚊,我諗最遲要係四月尾訂機票同訂酒店喇,因為7月份D機位都幾緊張下,大假方面我諗都要早少少囉定,我而家計劃去十日or九日倒,我驚囉得太多假公司唔批呀嗎,但係我諗應該都無乜問題的,但係自已就諗去太長時間的話,我就驚自已會太�Эo,大佬！而家真係老喇！講番近期野先,近期都無乜特別野,都係做野做野加做野！公司生意又係差到痴線,唉！都真係唔知點解喇,唔講喇！

2008年4月9日

連續返左成個禮拜,今日又放番日假喇,不過我放假前果三日就連返左三個FULL,而家真係�ヮ鼒鶵u,放完今日之後聽日又話返FULL,星期四收工後仲要全間鋪點數,我諗最少都要點到三四點,我D同事係呢個月就個個都放成八九日假,我呢個月就得四日假放,人手又唔夠,真係做到我X晒街,不過真係無計,我上個月已經放左成十二日假,而家得四日假放,為有當儲下錢啦,近期都真係好Q忙,日日就返工放工,都無乜時間搞下其他野,之前去九州果D短片已經轉左成DVD喇,但係我就無時間放上YOUTUBE,因為放完工返到屋企之後都成十二點喇,沖完涼上一上網都成二點幾,第二日又話返工喇,所以無計大家比D時間我啦,近期又忙於7月北海道行程,講番北海道行程先,我已經決定左會去11日喇,大假方面我就未囉呀,但係應該就會係呢個月囉,我計過條數今次去北海道最少要洗成兩雞野就無走雞喇,只係張機票都要成八千銀,都未計酒店同車錢,仲要買下野食下野咁呢,不過又係果句無計,我真係想去北海道旅行好奈嫁喇,我兩年前無野做果其日子我已經PAIN定兩年後一定要去北海道旅行嫁喇,不過我諗呢一次有可能係我最後一次會去日本囉,我意思係話如果我會再去日本的話,我係會見到有平機票先會去囉,因為去ma今次北海道之後,日本最想去既地方我已經去晒喇,其實我真係好想有一次機會可以買一張全日本通行既火車飛,囉住呢張火車飛周圍去,去到邊玩到邊,由下面九州玩到上面既北海道,去一個月日本旅行,其實我上一次無野做果其係可以做到既,當時有既係時間,但由於果其無錢所以無計喇,再加上當時真係無呢個勇氣一條友去囉,但係而家就有錢但就無時間喇,由於都去過幾次日本既關系,所以經驗方面都無乜問題喇,其實只要去之前做定功課,睇定地圖就無乜問題嫁喇,日本呢個地方都幾安全下,唔講喇！下一次再講喇！

2008年4月21日

今日又放番日假喇,都好奈無寫過野喇,今日有時間咪黎黎佢囉,經過長達一年既時間,我終於都考到公司個試喇,之前都同大家講過嫁喇,即是考倒之後每個月人工會多番二千二蚊果個試呀,我之前都考過兩次嫁喇,但係兩次都唔合格,我都同大家講過如果頭兩次合格的話,公司會出番之前無出果二千二蚊既月份,一次過一野出番比我,但係大家諗下呀,公司會唔會咁漆,會一野出番成皮野比我呀,所以我都見過唔少同事,都係要考到第三次先會合格,再加上今次我從一個人之中囉到一張必勝既[貼屎]試卷,所以我對今次考試合格既信心都好大,考試之前我仲要比左一位比我早兩日考既同事睇過張必勝既[貼屎]試卷,結果佢考完之後佢就合格左喇,所以未考之前我都好有信心今次一定好大機會會合格囉,到我考試果日我既表現都幾好,一D緊張都無,因為我對上一次就係因為緊張所以唔合格,其實今次我都有野做錯左,我仲覺得做錯果樣野會令我唔合格嫁,點知出黎既結果係我PASS,其實我一路都心諗,如果我呢一次做錯野咁都合格的話,我相信呢個考試一定係造馬囉,我心諗我都係公司做左成年,無理由仲唔比我合格呀,錢我已經無得囉番嫁喇,我講緊我做左成年果二千二蚊×十二個月份人工,不過我覺得今次合格既最大原因,就係我從一個人囉到果份必勝既[貼屎]試卷,真係要多謝佢先,又講下第二D野先,近期公司D生意真係差左好多,又打三號風球又黑雨,真係搵個人入黎行下都無,唔好講一日搵幾多錢喇,真係開隻機都好Q難,我呢D仲大單,一星期返成四日FULL,真係無乜時間做其他野喇,放MA今日假之後又唔知幾時先可以再放假喇,真係要講句爽,又講下其他野先,早幾日買左部CANON 400D單鏡機,其實呢部機係二手機黎,話說有條友仔囉部機黎換部勁一級既單鏡機40D,一收到之後我立即叫我大佬留比我,大佬！部CANON 400D單鏡機2700蚊,仲要用左8個月,我睇落部機都好新,2700蚊呢個價錢真係只可以買部機仔,新機要成4980,而家話晒都叫單鏡機呀,其實自已心目中唔係想買呢部機既,不過而家見部機吟平,無計啦！平平地玩住先啦！買MA枝鏡加MA五千蚊倒囉,其實最主要係想話帶部機去北海道影下相,大佬！話晒用咁Q多錢去北海道旅行,今次北海道最主要係去影下相,因為我知道7月份北海道個風景真係好Q靚,所以今次一定要帶部超級勁野去影相,又講番北海道旅行呢單野先,我已經係早幾日囉左大假喇,我諗我而家咁早囉定大假,應該我公司大佬應該都批假,我會係呢幾日開始訂酒店及機票等等,我D同事聽到我講話去北海道旅行時,佢地都講話你真係有錢,無計喇！佢地真係唔知我籌備左今次去北海道旅行幾奈,我都講過幾多錢我都會去,我都講過呢一次有可能係我最後一次去日本旅行,唔係話唔去囉,只係我會等有平機票先會去囉,都好Q長下一次再寫！宜！真姐今日好似生日呀！

2008年5月5日

今日又放番日假喇,今次仲要放個[媽DAY]真係爽到爆燈,放完之後返多兩日又放多一日假,但係之後就大檸櫟喇,要連頂9日先會再有假放,唉！算把啦！當儲下錢囉！最近都忙緊打機,打緊隻GTAⅣ呀,勁正！如果你去到唐人街仲會有人講中文X漆你嫁,比大家睇下喇,http://hk.youtube.com/watch?v=Jgqn2emn6FY而家我公司個個同事都打到好似痴左線咁,我都日日打到成3點幾先訓,真係好正！最近公司都無乜特別野,講下去北海道呢單野先,機票加酒店應該都無乜問題喇,大假我都囉好晒,今次我會去12日北海道加東京,初初諗住只係去北海道,但係而家睇到第二間旅行社,平好Q多去晒北海道加東京都只係7千幾蚊仲要包兩晚酒店,不過就要轉機囉,之前我打算坐直航去北海道單係機票都要8千蚊,無計啦！今次我仲要坐零晨機去,去到北海道都係早上11點倒,不過我去果斷時期D機位就真係好爆囉,我去過幾間旅行社問過,間間都話果斷時間無晒位,到最後我好辛苦先搵到有一間旅行社話有一個機位,我之前都講過7月去北海道真係好爆,我而家已經早成3個月訂酒店同機票,都可以爆到咁,如果真係遲一個星期訂的話,我諗都真係唔洗諗一定無晒機位囉,都唔知講乜好喇,下一次再講喇！打機呀！追加呢條友都條一條友去日本遊記http://hk.myblog.yahoo.com/sammk1010/article?mid=1

2008年5月19日

經過連踩左9日之後終於都放番日假喇,我個人真係�ヮ鼒鶵u,但係當我一路返緊工果陣我又唔係好覺得好�ロr,唔知係咪真係返工返到自已個人都麻木左喇,去到最後果日先記得係最後果日黎,不過都好真係可以洗少左好多錢囉,除左搭車,食飯之外就真係無乜地方要洗錢囉,真係可以儲倒錢囉,放MA今日之後又係忙到痴線,下個星期有四日都係返全日,因近期公司一路保番D假比我公司D同事放,所以人手方面就勁唔足夠囉,我呢D咪要返勁多日全日囉,不過我諗最多都係辛苦MA下個星期囉,不過我諗緊到我7月放12日大假果時我D同事都一定要連踩唔知幾多日全日呀,最近公司都無乜特別野,係琴日收工果時收到風話有一位同事比人炒Q左,當我聽到果時都覺得無乜特別,唔知係咪自已都試過比人炒過呢,及係近幾年都睇過唔少呢D場面,所以都覺得無乜特別出奇囉,聽番黎就話我公司近期唔見左D機,我被炒果位同事就有個朋友想放機,點知放果部機就同我公司部唔見左果部機一樣款及一樣係新機黎,所以就覺得係佢黎,件事大概就係敢囉,事情會發展成點就遲D先講喇,想當年我舊時公司都發生過喇,成日就唔見機,盒就有呀但係機身就唔見左囉,唔係自已人做邊個做呀,不過都過去左喇！算吧！講下7月去北海道呢單野先喇,酒店及機票方面都搞好晒喇,加起黎真係好大單呀呢次(講緊要洗好多錢呀)真係要用我成個月人工先搞得晒,加起黎真係要用成兩雞幾野呀,不過我都講過好多次我想去北海道呢個地方好奈嫁喇,我都講過今次有可能係我最後一次去日本旅行,如果下一次去日本我會等到有平機票先會去囉,如果下一次去日本的話我想同我阿爸阿媽去一次日本旅行囉,我今次決定係去12日,8日去北海道4日去東京,真係未試過去咁多日旅行囉,我諗唔係因為我做呢份工及唔係搵呢個人工的話,都真係要儲幾年錢先可以去呀,有時都真係覺得自已幾好彩,可以搵到份咁好的工作,做野方面站時我都覺得好好囉,其他方面就差好遠喇,成日都只差一點點,一個機會都無比過我,係呢8年黎做野方面我自已都覺得好好,但第二方面就係呢8年黎就一D起色都無喇,真係唔知幾時先有機會喇,係早幾日坐小巴時見到有班靚仔一齊坐小巴唔知去邊Q到玩,我就諗起我讀中學時期每到星期六就同幾個朋友一早就去新旺打波,之後打完波唔係唱K就係上水庫打波,有時夜晚仲會上多一次水庫踢波吹下水,真係可以講句水庫是你家呀,有時真係好懷念舊時既日子,呀！唔知我地而家有無機會可以搵一次叫晒D朋友出黎玩返一次呢！但係我諗呢個機會真係好難喇！下一次再講！

2008年6月2日

係今日又放番日假喇,都好奈未寫過野喇,見有時間咪寫寫佢囉,係上個月我公司大佬篇左我係6月尾連放7日保假,當我聽到之後我都苦苦哀求我公司大佬唔好比我放咁多日假,因為我真係唔知去邊度旅行好,留係屋企7日又好似唔知點咁,因為我7月份又會去北海道旅行,即是我放完6月尾果7日保假之後返多兩個星期工,又會放12日大假去北海道旅行,雙差兩個星期日子,時間實在太近喇,其實係因為我公司大佬篇錯左我放大假既日期,我寫7月尾放佢就篇左我放6月尾放,因為佢都篇好晒個更表,就費事又再作出更改,叫我放MA佢囉,真係比佢玩死,初初都唔知去邊度旅行好,但係今日我就決定去日本旅行喇,地點都已經決定左,就係去大阪喇,我都覺得自已有D痴線,成日去日本旅行,真係唔係發左達囉,但係我真係諗唔到去邊度旅行好,初初都諗住去台灣玩幾日算數,又平又近,但係台灣對我黎講就真係一D興趣都無喇,唔係話自已串好有錢咁,而係我話晒都係自已一條友去,台灣我又未去過真係會有D驚驚地囉,同MA聽D朋友講去親台灣都係食野多無乜特別野咁,係今次我去大阪旅行,其實我主要就唔係去大阪,京都玩既,而係今次我會買一張火車飛,由福岡(上一次我去過)一路去廣島,岡山,姫路城,倉敷..每個地方玩一日,即是囉一張火車飛會周圍去囉,呢一張火車飛可以係4日內任坐,我之前咪講過好想有一次可以囉住一張火車飛玩晒成個日本既,呢一次可以達成我3份1目標先,因為今次只係去關西果邊,而時間都只係得4日,今次去一去大阪又洗左我一個月人工喇,無計喇！最緊要自已鐘意,拿！唔好一見到我之後又話我有錢喇,又去日本旅行等等,搞到我好大壓力咁,呢D只係我平時儲MA儲MA D錢黎,我都講過而家我最大興趣就係去旅行,再加上而家呢份工作,先可以比到我有咁多假期,今次又要麻煩B哥幫我篇野喇！講住咁多先,比呢條友個短片大家睇下喇http://hk.youtube.com/watch?v=tJUgH6mLR_E,好鬼死正嫁！下一次再講！

2008年6月11日

今日又放番日假喇！嘩！大佬！足足頂左成8日喇啦！真係�ヵ鄖韸街！我個部門個個同事都保緊假,個個都放成兩三日,人手又唔夠,成個部門得兩條友做野,飯都無得出去食呀,走入間房度拿拿聲食完就出番去做野喇,仲要連續返5日全日,我做咁奈都未試過要一星期返成5日全日,其實而家公司係咁保番D假比同事放,人手方面係極之唔夠,有時有D客我地都真係做唔住,有D客都係度講,嘩！成個部門都係得一個SALES,但係就真係無計囉,人手唔夠,之前我都講過我公司大佬因為篇錯左我係6月放既大假(我係篇7月的),所以叫我放MA去,果時我都苦苦哀求佢唔好比我放嫁,但因為我覺得佢都覺得而家人手方面真係好唔夠,所以係早幾日佢特然走過黎問我決定放唔放果7日假,但係無計！我已經買晒機票去日本囉,所以就一定要放囉,一早我都苦苦哀求過我公司大佬唔好比我放嫁,而家我咁Q辛苦力頂幾日全日,我就點都一定要放番幾日去玩下嫁喇！等到我放果7日保假時,睇下我D同事一定做到隻野咁,哈！哈！之後我返多兩個星期工,又會連放12日大假去北海道旅行,我睇果期我D同事一定好爽囉！不過而家就真係勁辛苦囉,唔好成日話我又去日本旅行喇,我而家返工真係做到勁辛苦嫁,我D錢都真係好辛苦咁儲番黎,係今日我就出左去銀行唱(YAN),我見今日都幾低7.3幾,再加上我都無乜時間去唱錢喇,就今日去囉,今日仲同左陳友去同前領隊飲茶,之後仲走左返公司買左部DV,不過就真係幾抵買2千9百幾蚊,我之前果部野又大舊仲要入帶,去轉一轉DVD要都要成舊水,我見2千幾蚊30GB就買部玩下喇,我而家都好少買野喇,話晒我都仲要去北海道旅行,大佬！我今次去北海道旅行真係洗唔少錢呀,點都要拍番D野返黎喇！我諗我去MA呢兩次日本之後,我都要諗下一次去邊個國家玩喇！唔講住！下一次再講！

2008年6月16日

今日又放番日假喇！下個星期一我就會出發去大阪喇！早幾日日本發生左地震,呢次真係要講句好好彩喇,點解呢！因為我初初決定去日本時,就諗住去日本關西or日本東北兩度地方二選一,咁我就諗東京果面我都去過啦,在加上我7月又會去北海道,都可以叫做日本既北部呀,兩個地方好似好近咁,所以最後我就決定今次就去關西啦,在加上之前睇過[好友移城]個節目,介紹廣島果度D景點都OK靚,所以我就決定今次去關西旅行喇,嘩！不過真係好彩！如果我係去東北就真係大檸櫟喇,而家果度搞成咁,都真係唔知去唔去好呀,不過今次又去日本旅行,真係好似去得比較密左D,但係我又唔想7日假期都係留係屋企呀,算把啦！最緊要自已鐘意就得啦,呢兩次日本旅行可以講話係送比自已既生日禮物黎,係！今次真係洗左好多錢,不過都係果句最緊要自已鐘意,我都未同我屋企人講呀,不過我諗佢地都會話我痴線,成日去日本旅行,你發左達呀！咁囉！其實我自已就覺得唔係講錢囉,有時你有錢都未必有時間去旅行啦,好似不加俊咁,我見佢咁奈都未去過旅行咁,我都問過佢呀,佢都話佢份工跟本無可能請到假期去旅行,而家我有的是時間,金錢方面我就覺得可以之後再搵返囉,不過時間就無可能搵得返喇,有時間的話我都想出去外面行下睇多D野,不過我諗呢兩次日本旅行有可能係我最後一次去的日本旅行喇,我自已其實都想去下其他地方睇下,不過如果去其他地方旅行的話,我自已要準備充足D先囉,由於我去過幾次日本的關系,所以日本對於我黎講可以叫做簡單D囉,但係就好很貴囉！不過其實個個人都話去日本旅行好貴,其實如果好似我自已一個人去日本旅行的話我自已就覺得就真係唔算好貴囉,有D朋友成日話去日本旅行好Q貴,最少都要幾皮野先去倒,佢地就緊係啦！一個人要比兩份錢,又話要去買好Q多野等等,我除左第一次去日本係比較瘋狂之外,之後我自已去親日本都好忍得手下,近期果幾次直頭主要係去觀光為主,真係都無乜點買野囉,其實最主要貴在住宿及交通費及張機票果度,住宿我就覺得可以好平都可以搵得倒,近期我都係自已上網訂酒店嫁,我見到有D3000YAN有一晚,為起港紙二百蚊一晚倒囉,不過地點就當然無咁方便啦,環境都無咁好啦,一分錢一分貨嗎！近呢兩次我去日本訂的酒店都係D4000YAN-5000YAN之間價錢囉,都係3,4百蚊一晚倒中價位囉,交通我就覺得真係無計啦！日本出晒名貴！亦係我覺得最無辦法的,去日本最主要係貴在呢度,機票有時都會好平,好似我之前去九州旅行咁,機票加稅都係2千1蚊倒,但係就唔係成日有囉,但係如果有得兩個人去的話,都一定會比一個人去平好多囉,因為好多旅行杜都只係做二人成行,嘩！都寫得好Q長下,下一次再寫喇！不過有可能下一次都要7月份先寫喇！

2008年7月2日

今日又放番日假喇,今日仲要係小弟既生日,緊係要休息下賀一賀佢啦,只係想係生日當天唔洗返工休息一下就好滿足喇,人大左就唔會話要大事慶祝一番,細個就話想快D做大人,但人大個左之後喇,就唔想大得吟快喇,因為唔想比人話老呀嗎,係今日仲可以叫自已二十幾,但下年就步入三十喇,而家自已年紀都真係唔細,但我自已成日都覺得自已仲係好細個咁,一D都唔成熟,我自已覺得人真係要經過一D事情先會令人成熟既,例如結婚,生仔,買樓等等...經過一D事情人先會成熟,但自已從未經歷過呢D事情,所以自已一D都唔成熟,其實仲有一樣野,但係今日我生日所以就費事講喇,人一路一路大,著衫都會想著得後生D,呢樣係真既,但係自已一路都係著番自已喜歡既衫,其實自已都同大部份後生仔一樣都會會追求名牌的,我可以二千幾蚊買一條牛仔褲,四百幾蚊買件TEE等等...其實就唔係話自已想後生D囉,只係睇你自已個心景點諗,我自已責任就未去到要養妻活兒,只係要比錢屋企養家,所以責任就無吟大,但要去到養妻活兒的話,諗的事情就會多左,責任都會大左,人都會成熟左,所以自已覺得而家唔成熟囉,人大左自已都好驚有一天,自已身邊既親人會離開自已,成日都好想關心一下爸爸媽媽,但由於自已一路上性格都係比較內向,所以自已一路都唔識表達出黎,好似係剛剛的大阪之旅咁,我落機之後坐火車去大阪時就見到一對母女去大阪自遊行,佢地仲係其中一個站落錯車,好彩當時我見到,之後我同佢地講係唔洗轉車,佢地先唔會浪費時間呀,當時我係度諗,呢對母女今次呢個大阪自遊行,第時諗番一定會有好多回憶喇,開心的,唔開心的,都係一種回憶黎,我自已成日都好想搵一次機會同我爸爸媽媽去一次旅行,我都好想有一個同爸爸媽媽去旅行既回憶,回想起黎,我都好奈無同屋企人一齊旅行,同爸爸媽媽一齊旅行就更加未試過,人開始大個,身邊其他人都會大個,我驚無呢個機會喇,感情方面就無話特別囉,自已都無乜野,唔係話自已玩搞機呀,我自已係百份之百係鐘意女人的,只係而家搵唔到之嗎,無的話我又唔會覺得有乜問題,我自已希望係今年既生日願望係想同爸爸媽媽去一次旅行,同大家都身體健康包括自已,大家都好好啦！講下其他野先,剛剛係日本返左黎,今次真係行得好�リU,又熱又大汗,D日本人真係唔怕熱的,不過我今次真係好正囉,囉住張火車飛周圍去,鐘意去邊就去邊,日本關西地方我都去晒喇,我真係好鐘意一個人囉住部相機周圍行睇下人地D地方文化咁,今次我仲去左一D日本人平時會去的地方行,因為唔想去D只係旅行團先會去的地方行呀嗎,遊記我都未寫呀,短片都怕左好多返黎,影相就影左成八百幾張相,過多三星期我又會去北海道旅行喇,真係去日本去到痴痴地,連過海關時D關員都覺得奇怪,點解呢條友成Q日去日本嫁,去都唔係一個問題,最大問題係點解去得咁密嫁,好似呢一次去大阪過關果時都有個關員咁諗,問我去日本做乜等等...下次寫個遊記比大家睇下啦,去上面果度睇住D相先啦,去北海道旅行我等左好奈嫁喇,今次真係終極嫁去十二日呀,對我體力係一個考驗黎,不過我諗有可能係我最後一次去日本旅行囉,唔係話唔去囉,只係過多幾年之後遲D先囉,下一次再講！

2008年7月14日

今日又放番日假喇,真係爽！黎緊呢個星期日我就會出發去北海道旅行喇,真係去日本去得密左D咁,不過呢個北海道之旅我自已已經籌備左好奈嫁喇,我由上年三月份已經開始篇排行程,行程上已經一改再改,改到今日而家我仲改緊,不過唔知點解自已無乜興奮咁,唔知係咪近期去日本去得太密既關系呢,我而家只係驚自已體力上唔知可唔可以頂唔頂得住咁多日,上一次去宮島上山行果條山路已經行到我想死咁,今次我驚係去富良野踩單車呀同果幾日囉,大佬！真係幾奈無做過運動呀,同富良野,美瑛一帶都係以行路為主,再加上我今次會去12日咁多日,我係驚到最後果幾日真係會日日都留係酒店度訓覺呀,同今次有可能係我最後一次去日本旅行喇,因為大部份我想去既地方我都已經去過晒喇,都無乜地方再想去囉,所以今次我唱既錢會係勁多,因為今次我會勁買野囉,我自已睇過北海道D野都幾Q貴下,手信呀食野下都好Q貴下,但係我覺得就真係值得囉,因為真係好食D呀嗎,回想起由最初只係諗下去北海道,到而家未去北海道旅行前已經去左幾次日本旅行,而家仲要夢想成真真係可以去到北海道旅行,真係諗起都開心呀,由上年三月窮到燶,到而家去左幾次日本旅行,真係全部都係自已辛辛苦苦儲番黎,唔賭波唔買野只係食飯搭車,乜錢都唔用！真係值得既！仲有我上一次去日本個遊記都仲未寫完呀,講番近期工作上都無乜特別野講,只係星期五,六,日做到痴線D囉,我個心情講真已經飛左去日本北海道喇,最近我公司一位同事都去左日本東京自遊行返黎,個行程係我幫佢篇排既,返到黎之後我個同事都講話好正,下一次一定會再去多次日本旅行,我諗有去過日本旅行既人,返到黎香港之後都會咁講囉,證明係真係好野囉,無計喇！下一次寫野有可能要等到8月初喇,大家等我返黎又寫番個遊記比大家睇下啦！

2008年07月20日

好！我準備出發喇！今次真係好勁呀！去成12日咁多日,唔知點解今次我有少少緊張,唔知係咪坐夜機去及今次去成12日既關系呢,所以有少少緊張,其實而家我仲未PLAN好行程嫁,因為我最想去既富良野,我去果幾日會有雨落呀,所以而家有可能要改變行程囉,因為我想見到有藍天白雲既富良野呀,如果真係落雨的話就真係大檸櫟喇,今次去12日日本,我自已估計自已體力有可能頂唔住,帶既衫希望越少越好,因為今次我要買勁多野返黎呀嗎,但因為夏天的關系,所以我又唔可以帶太少衫去呀,我會係8月2號返黎,等我返黎之後寫個遊記比大家睇啦！等我呀！

2008年08月11日

嘩！真係好奈未寫過野喇！自從去完12日北海道加東京返黎之後就勁忙,忙係忙在要寫番之前大阪山陽果個遊記所以好忙,第二返黎之後又要睇下有乜新歌呀新日劇等等,再加上我又要返工呢,所以就無乜時間寫野喇,今日有少少時間所以黎寫下野囉,講下上次去北海道加東京D野先,今次比自已諗已經洗少左好多錢喇,大約都係洗左17萬YAN倒,自已買比自已都係買左三件衫1500YAN一件大約100蚊港紙倒,鞋一對8295YAN大約600蚊港紙倒及買左個袋10500YAN大約770蚊港紙倒係咁多喇,食野方面我已經食得好盡,我諗洗得最多都係交通費及酒店佔左一半倒,其次應該係買手信囉,不過講真真係好開心既,由其係係富良野果幾日,D風景真係好靚,慢慢咁踩單車,一路踩一路影相,晒就真係晒D,不過真係好爽囉,最黑仔就係有一日去函館諗住上函館山上面睇夜景,因為實在大大雨喇及天色又唔好,就算上到個山上面都會乜都睇唔倒囉,所以最後我決定無上到個山喇,希望我下次有機會可以再一次去函館,上呢個世界三大夜景之一函館山睇夜景喇,第二樣黑仔野就係係日光時我跌左個4 DAY PASS結果坐一程巴士要比1400YAN港紙要成一舊水,我都未試過坐巴士要坐成一舊水嫁,路程唔係遠果隻呀,你話路程遠果隻我都無野好講,之後仲要坐火車返東京呢程仲勁2320YAN 170蚊港紙倒,原本我買左個440YAN四日卷,巴士四日內任坐一來一回火車唔洗錢,而家我坐一程巴士及一程火車已經要成4000YAN喇,真係無計！自已唔小心跌左張四日卷,白白洗多4000YAN,果日心情仲勁差！不過係呢個旅程黎講都係一個好回憶黎！大家等我呀！等我寫個遊記比大家睇呀,仲有D短片我搞左好Q奈,一定要睇呀,因為短片先睇到個度風景嫁！不過真係要等下囉！講下近期返工D野先,我返工都係返左一個星期倒,但係我既生意就好似食左屎咁,我係一個星期內係成間鋪做得最多果個,其實就唔係講生意囉,係關於間鋪個G.P野黎既,我係一星期內跑條數係成間鋪入面最多果個,即係幫鋪頭搵得最多錢果個,成個部門我條數入面最勁,我係多出其他人一半有多,但最大問題係我只係返左一個星期工,已經多出佢地一半有多呀,真係唔知點解無喇喇會咁能勁,事原係！去完旅行返黎有個同事串我,話我去旅行果時佢自已一個人做左10萬蚊生意,我聽倒之後我就立即講OK咁能串呀,得！我一定會博到盡,結果成個部門條數我跑得最多,我D同事因為我而生意下降,哈哈！抵死！串呀拿！買手信返黎仲要串九我！不過我地都係講下笑！無乜特別野！我地成日都會串黎串去！不過我就真係要多謝果位同事串一串我喇！不過係呢間公司做得好係無好結果嫁,所以我而家都驚驚地,我驚佢地第時昇我,我就大檸櫟喇,大家應該聽過我講乜事喇！昇我的話！野又做多左錢又搵少左！唔講喇！好Q長喇！下次再寫！

2008年8月25日

真係好奈未寫過野喇！早前忙住寫關西山陽果個遊記,而家終於都寫完啦！我足足寫左成個月喇,而家又開始寫第二個【單拖】北海道加東京12天之旅喇,呢個遊記我會寫得比較長盡D既,因為呢個遊記係我期待已久嫁喇,我會記錄係呢12日發生既事情,見到既野,大家密切注意啦！講返近期工作都無乜特別野,平日好鬼死靜,一到五六日呢就忙到痴線,不過下個月開始應該會靜番D喇,之前都講過我感覺到我公司想昇我既,點知真係比我講中,我部門大佬有日走過黎同我講有無興趣試下昇,我一口就同佢講我無興趣昇喇,第一.我自已唔鐘意做大佬既,二來.野又做多左,人工又搵少左,再加上我覺得自已未夠料囉,我就一定唔會做囉,我同佢講自已鐘意做SALES多D,遲D先啦,而家對我黎講太早喇！唔講住！下一次再講！