前言

因發覺我個BLOG放得太多YOUTUBE短片同相片,我自已覺得個BLOG應該唔係咁用,所以特別開呢個日誌講講我的近況,我會不定期寫下我近期做過D乜呀近況如何等等,所有野都會寫係呢度,所以大家有可能要拉落少少睇喇,大家有時間咪睇睇囉,多謝晒。

2007年3月5日

今日晨咁早就起身,就係因為要驗身嗎,之前講過見左份工要驗身嗎,真係唔知請機會大唔大呢？其實我覺得應該都幾大,如果唔係都唔洗驗身啦,係咪！其實我都係第一次做驗身,初初意為抽少少血就OK,原來真係要屙尿果隻,又要驗下你隻眼咁,(係上面隻眼呀大家),我就無乜問題呀,如果屙屎都可以請教屎忽,真係唔知如果D女要驗尿點屙嫁呢！(拿！唔係講鹹果隻呀！只係好奇,會唔會成手都係呢？真係好難對準個位)係D幾日我都整緊我個BLOG個背景,因都玩左不加俊同簡耀明好奈有D悶,想轉一轉個板面。

2007年3月6日

 

今日一打開份報紙一睇,大大隻字寫住(恆指狂瀉777點),我心諗真係抵X死,個個都意為個市只有升係唔會跌嫁,如果係咁就人人都發晒達啦,好果時就笑笑口,阿豬阿狗都話買,個市一跌就X晒鬼咁,有時諗野唔好只係諗好方面,買呢D野一定會有風險嫁啦,個市跌其實對香港黎講唔多唔少都會有影響,但係對我黎講就無影響啦,因為我無辦法嫁嗎！係早幾日買左本北海道旅遊書睇,一睇之下,嘩！原來北海道好Q大嫁,我諗最少都要去7日啦,只係去一個札幌市都要玩3日,如果去富良野,函館,小樽呢D地方,起馬要坐成粒幾兩粒鐘火車呀！但係呢D地方真係好Q靚,我覺得夏天富良野果道D薰衣草真係好靚,我自已比較鐘意夏天北海道多D,而家都只係諗一下先,但係北海道呢個地方我一定會去囉,但係就唔知幾多年後先去喇,首先係還返D錢比我阿媽先(兩皮野),之後又要還保險果度(五千)又要供保險,又有找卡數(三千幾),之後我又想請我阿爸阿媽去日本旅行,我自已就真係唔知幾時先有機會去旅行喇,野又未有得做,天呀！我D運幾時先返黎呀！神你不歡喜我逼我入了魔......愛侶幾百萬。

2007年3月7日

我決定睇下果份工有無料黎未先,如果都未有料黎的話,我就下星期先再搵工,跟住今日下午出左去旺角行下,其實最主要係囉返上次去日本果盒DV帶去轉返DVD嗎,因為上一次只係轉左一盒帶,今次係轉第二盒帶,今次我去左第二間鋪頭轉DVD呀,因為上一次轉果盒帶仲要收我成兩舊幾水咁X貴,今次我轉呢盒帶就平好多喇,一舊水就得,仲要三日囉得呀！上次果間要成八日先囉得真係要X漆佢,跟住走左去好景諗住去買最新果隻GTA啦,但係最後都係無買到,因為我覺得好X貴,買一隻都要成三十,其實隻GAME我自已已經BT左,只係我唔識點燒出黎,只係要等我阿哥返黎先識點燒,諗諗下無買到就返左屋企,其實我而家對打機真係無乜興趣,成日都打兩野就唔打,而家真係老啦！再唔係21歲以下國家隊成員喇,係呢兩日我都成日對住部電腦上網睇睇北海道D料,睇下人地D遊記咁,比其中D個網址大家睇下先(想睇就按呢度啦漆下漆下咁！),其實要自已去北海道玩,個VOL.真係要好高先得嫁,我覺得挑戰性真係好大,如果又自已一個人去就爽羅,因為去北海道比去東京同大阪難好多,如果你去東京及大阪呢D地方,其實你只要睇住條火車線就OK,但係北海道就唔同囉！好多地方都係郊區黎,如果你自已租車玩仲正,其實係日本每架車都有GPRS,只要你輸入你想去的地方,就會有個地圖帶你去果個地方度真係好方便嫁,因為北海道D個地方實在太大喇,要去一個地方玩就等於由大阪去東京咁Q遠,差唔多要成兩個幾三個鐘車程,最近札幌市的小樽都要30分鐘車程,同如果你夏天去富良野,美瑛一帶睇薰衣草的話,要夾好時間先會睇到嫁,因為D薰衣草一年只有一兩個星期開花,所以真係睇你好唔好彩先睇到,但係D風景真係好靚囉,而家我最主要係睇下D民宿呀,行程,交通,景點咁,其實而家PLAN定我都覺得係早左D,雖然都唔知幾時先有機會去呢個地方,但係我而家只係對呢樣野有興趣,所以無計啦！最緊要自已開心就得啦！仲有我發覺近呢一兩年,我真係好鐘意日本呢個國家,真係唔知係咪睇得日劇多呢？(唔係四仔呀,四仔就成日睇嫁啦！)大家睇下我個面板就知道啦！但係最緊要就係保持簡耀明呢個靚仔樣！

2007年3月9日

尋日下午同左坐船落去新旺打波,結果打左7板波我險勝4比3,其實我都贏得好有運,打到最尾一板波爭黑漆,我輸左隻中袋比佢(好鬼死易入果隻),佢一打落去黑漆就入左喇,但係隻白波都入左,咁就無計啦！咁都比我贏倒,黎到今日上午份工都仲未有料黎,最後希望係下個星期一,如果都係無料黎的話就(闊闊地)喇,[最新消息]:今日下午有條女打電話比我,叫我星期二先上一個課程,星期三先正式返工,之後條女再一次同我講幾錢人工一個月,頭三個月7千倒,過左頭三個月面試期之後再考一個唔知乜試又多D咁,唉！幾辛苦！幾多錢！都做住先啦！有大球會落班已經好好啦！之前咪講過係呢幾日黎不停上網睇北海道D料,結果我得出以下結論:

北海道D個地方好Q大,如果要玩晒全北海道最少要十幾日,如果我自已PLAN去的話最少都要去八日(仲要係超趕果隻),但都只係去到北海道的中部及南部,因為我覺得如果去北海道北部的話應該係要等冬天先去,因為可以睇到雪景嗎！其實我自已係比較喜歡北海道的夏天,因為可以睇到富良野的薰衣草及可以在美瑛一帶踏單車嗎！其實美瑛及富良野夏天個風景真係好Q靚嫁,真係風景畫一樣咁靚！如果你係有車牌及電單車牌呢！仲正！你可以係美瑛及富良野一帶租架車同電單車遊覽成個地區,因為美瑛及富良野一帶地區,如果你行路的話一定會行到X街,果度係無巴士坐嫁,如果你要去D景點都要坐的士,係日本如果你要坐的士的話係超貴嫁！起標少少地都講五六百YAN嫁,唉！真係唔知幾時先有機會去北海道呢個地方喇！而家再比D關於北海道網址比大家睇下啦。

愛上北海道的風景

富良野觀光協會

函館北海道南部觀光指南

有條台灣妹寫遊記

有個香港人去左日本17日遊記

道央之旅

2007年3月11日

終於完成左上一次去日本返黎後果D短片喇！話說回來都已經三個月喇！大家有興趣咪睇下囉,其實從日本返黎後寫左個遊記,只係想比自已有一個回憶,第時睇返都可以回味一下嗎！下個星期二就會結束我長達6個月的休息,點解我會講係休息呢？而唔係講失業呢？其實最主要都係之前果份工,搞左我之後補返兩皮幾比我,咁我就意為大把本錢啦,休息到十二月時,特然又好想去日本旅行,其實果時已經洗到得返一皮倒,結果問我阿媽謝錢去左日本,返黎時候又話要過年,一路比左好多藉口自已,其實我一路都無個心去見工,去到而家真正搵工都只係呢一份,我覺得我自已真係要去到無錢先去搵工果D人黎,咁樣做我都覺得真係好差,之後落黎呢份工真係好希望可以一路咁做落去,唉！其實由我出黎做野咁多年,次次都唔係我自已唔做,而係種種原因而令到我無得做呢份工作,無野做的日子真係好難捱,我真係唔想再有囉。

2007年3月13日

今日返左半日堂,下午5點半就走得,聽日先真正黎料,返旺角近近地真係正,大球會真係大球會,我全日都只係度簽好多文件,因為間公司有好多員公福利,一時又話要簽MPF,一時又說要簽醫療咭,不過呢間公司D福利真係好好囉,睇醫生都係每次二十文一次,去同公司超級市場買野又可以95拆買野,D假期又OK,初初意為一個月只係得4日假,點知原來返6日就放一日假,如果果個月有紅日又有得放,嘩！咁新年咪放8日囉,正常公司要做滿一年先有大假,但係呢度一入黎做就可以放都OK,計到今年年尾我都有9日大假,正常工作時間9個鐘,但係間鋪星期一到五就開11個鐘,星期六日就開12個鐘,即是最多都係12個鐘,初初意為只係得7千到一個月,原來都唔只咁少,但係就係要考下試咁,考到又多D咁,呢間公司係勁講服務,一定要做到最好,我自已都好大壓力,大佬！皇馬呀！其實我都覺得呢間公司OK嫁,真係希望可以一路咁做落去啦,D人事關系唔好咁差咁就最好喇。

2007年3月14日

大球會就真係唔同D,成隊阿仙奴咁大量年青球員,個個都十幾二十歲,年青當打我呢D都未到三十就已經變成老球員,唉！真係老啦(講係我新入呢間公司呀),其實份工比想象中無咁辛苦囉,一個月都只係一半日子返全日,其餘都係返9個鐘比起其他大公司已經好好喇,但係要記的東西真係好多囉,做每樣野都好有步驟,產品的種類真係真係多到爆燈,連遊戲機都有得賣,我而家係賣返我上一份工賣果D野,(大家應該知啦),我個頭就黎記野記到爆炸啦！仲有呀如果邊個打電話比我,我可能要夜D先復到你呀！

2007年3月18日

都已經返左份工成四日喇,其實站時呢個月都特別醒我,只係返一日全日其餘都係返早及夜,時間其實都過得好快,返去做幾個鐘之後去食飯再做幾個鐘就收工,我站時做果個部門都係比較簡單D囉,D同事都幾好無乜野咁(唔會好串果隻),個老經站時我覺得都幾好人無乜野,有可能我初初入黎做的關系啦,但係我都係做返我自已應該要做的野,我唔會理會其他人點囉,話晒都係初上一隊睇下人地點踢先囉,最快都要星期二先有得放假喇,頭三個月真係好難頂(講係D人工呀！)咁鬼少得果7千幾,唉！保險上次果度5千,跟住其他果幾份保險又要交,卡數又要交成3千幾,阿媽果度又兩雞野,自已返工食飯坐車又要洗錢,唔知半年內可唔可以清晒呢？跟住再請我阿爸阿媽去日本旅行,之後再下年7月我自已去北海道呢？希望係呢一兩年可以做到D幾樣野啦,返工啦下次再寫喇。

2007年3月20日

今日終於放返日假喇,唉！早幾日比個同事整Q壞左部ipod video而家都唔知有無得整,因都用左超過一年,佢囉上apple都話唔整,而家佢話電腦商場有得可以換電池(因我覺得係舊電問題),大佬！快D整呀無歌聽好難頂(當然係佢比返錢啦),仲有入面有好多勁野係度嫁,講返份工先都返左差不多一個星期都開始慢慢習慣做野果度,係比較多步驟要做囉,但我真係唔明點解咁大間公司做野可以咁慢囉(呢個唔方便講但大家可以問我),但都唔關我事,因佢最緊要都係講服務嗎,唔係要做野快囉,我都可以識應得到,但係就做呢樣又話唔得做果樣又話唔得囉,大球會真係唔同D,都係果句做乜都講服務囉客人最Q大,其實份工時間同假期及福利都係最合我心意,係人工站時就少DD囉,真係要慢慢一步一步黎囉,真係想快D出量,但呢個月都應該唔會出得好多囉,應該得二千幾三千度,唉！頂住先啦。

2007年3月27日

今日睇左日劇(東京塔-我和媽媽,有時還有爸爸)最後一集,睇到佢阿媽死果度真係喊左出黎,唔知點解人大左眼淺左好多,有可能生老病死呢樣野係每個人一定都會經歷過,所以我特別有感覺啦,所以要珍惜眼前人呀,到你想親口同佢講句對唔住果時,已經無機會比你講喇,令你後悔一生呀！今日放假真係勁,望望銀包得返20元正,期望明天的出糧,如果都仲未出糧,又要問阿媽黎住先,呢個都可以講係我人生的底點囉！成身得返20元正港紙,如果今晚中左六合彩就乜都返黎喇,發下夢先！

2007年3月29日

今日因為上堂關系所以下午6:30分就返到屋企,上堂都係講SALES應該要做的事,對於我呢D踢左十年波的球員一D問題都無啦,只係產品智識就差D要慢慢上手囉,早幾日出糧出得果二千幾,唉！無計啦返得果兩個禮拜工,講返近排阿陳友成日都打首都高,而家比條短片大家睇下呢條日本仔真係勁,佢真係仲勁過打機,前面D車都驚左佢,我諗陳友打機都唔夠佢勁呀！

2007年4月4日

今日終於放返日假喇,早兩日都係返足全日,今日放完假後之後黎緊果個禮拜都係返全日,真係黎料喇呢次(講係返全日12個鐘的日子),因為剛剛有人無做的關系,所以連我呢D剛剛加入球隊,返左一個月都無就要放落場踢,仲要踢足12個鐘,真係唔講句爽都唔得呀,係呢兩個星期入面,徐左要學習大球會的節奏外,我就留意到時下青少年而家最m.k的一面,果D男仔一定有個特征,就係個頭一定係一枝枝成個超級撒亞人咁,一見到鏡就會用隻手成日都攪下個頭咁,都係一對con屎一條低度落屎眼的牛仔褲上身再加件tee咁,真係唔同年代有唔同打扮同衣著,我果時就黑衫黑褲黑社會,但係而家呢個年代果D我自已就真係接受唔到囉,真係唔講句自已老都唔得喇！

2007年4月11日

昨日就真係勁喇,因為要點倉的關系,所以做到夜晚兩點先收得工,今日休息都無用啦,真係做到X街,不過之後果兩三個星期會好D喇,得返五日返全日,不過放假都係睡覺,打機又係打兩野又唔打果隻,多數都係DOWNload戲睇多D囉,上網睇下野寫下日誌咁囉,不過都好久無寫日誌喇,真係無乜時間寫,全個月返得三日早(返十一放8點),之後唔係夜(返兩點放十一點)就係全日(十二粒鐘),有時夜晚返到屋企開電腦的時間仲遲過(理角圓),睇波如果唔係放假前都真係唔洗睇喇,所以而家都對賭波同睇波都無乜興趣,只係對打W.E.10有興趣囉,我公司D人都唔知點解都好鬼死鐘意打nds及psp,連公司個老經都打,不過而家都好呀可以用少左D錢,平均一日都係洗五十元倒,但係而家身上都係得返9百幾但係仲要洗到27號,其實做左呢份工後都洗少左好多錢喇,我而家PLAN近,環晒D錢之後大約十一月倒,同阿爸阿媽去日本玩幾日,係十一月去真係唔知得唔得嫁,而家都只係諗一下先,但係呢個願望我一定會實現倒囉,只係時間問題囉,今日對返4月5號果期的六合彩,點知中左三個半字,收返160元真係好感動。

2007年4月13日

今日一早起身落街買早餐時,比我見到一件奇妙的事,一件我之前唔要扔左落垃圾站的衫,居然比我見到有人著住,點解我咁覺得呢,因為我果件衫後面係寫住FxCk,重要係藍色的係比較特別的,所以我一眼就睇到呢件衫係我之前扔左果件衫,再加上著住件衫果位兄弟,成個陳友咁(帶眼鏡果隻)正一漆下漆下咁,大佬我呢D潮人黎嫁嗎,無理由條友著住同我一無一樣衫呀,其實都無乜問題,只係我覺得好奇怪咁,其實會唔會好像一個人同女朋友分手後,係條街度見返舊時個女朋友個感覺一樣呢,我咁樣諗係咪錯左呢,總知個感覺就係好不事味兒咁囉。

2007年4月15日

下面係成部戲最感動一個位,係我自已CUT嫁,比大家睇睇真係好正！我理解個故事係講:

只是愛著你

「一生一次的吻，一生一次的戀愛。」

女主角(靜流)一路都好鐘意男主角(誠人),而(誠人)初初係對(靜流)無乜感覺,但最後慢慢地鐘意左(靜流),一天(靜流)突然失蹤一個人去左美國學習攝影,一去就去左幾年,幾年後的一天(誠人)突然收到了一封來自紐約的信,寄信人正是當年不告而別的(靜流),為了能見到(靜流),(誠人)在聖誕前夕來到了紐約,然而出乎意料的是，前來迎接他的卻是佢地的朋友(美雪),之後(美雪)就對(誠人)講大話說(靜流)去左洛杉機做野,其實(靜流)已經係上個月已經因病離開左呢個世界,(美雪)只係想完成(靜流)最後心願,就係叫(誠人)黎到美國睇佢的個人攝影展,但(誠人)在(靜流)爸爸打給(美雪)的一次留言信息中得知(靜流)其實已經因病離開人世,而當(誠人)黎到(靜流)的個人攝影展先發現全部作品都係自已D相黎,原來係(靜流)偷拍左(誠人)的生活照,當(誠人)見到(靜流)的相片已經忍唔住淚水流下來了。

2007年4月18日

今日放返日假先啦,連續兩日返左全日FULL真係好鬼(累)！係早幾日無意中睇左怪談講樹精果集,因我睇果時係夜晚黎,所以睇完之後我都驚一驚,嘩！大佬拍到鬼呀！而家比大家睇下先,真係好鬼死驚嫁,成舊野飛左出黎,今日睇左兩部日本最新春季日劇(別開玩笑)及(求婚大作戰),別開玩笑係上野樹里做,求婚大作戰係長澤雅美做,兩條女我都鐘意真係正,遲D先同大家講下呢兩部劇啦,仲有係今晚約左成三年無見,係我剛剛出黎做野時的同事阿偉食飯,一轉眼差唔多已經成十年了,我已經再唔係20歲以下國家隊成員,大家都已經步入足球員的黃昏期喇,早幾日同佢通過電話,先知道佢無做果間鋪喇,而家出返黎打工,而家係電話公司度做,同我一樣都係做左一個月倒,其實無所謂啦最緊要有野做就得啦。

 

2007年4月25日

經過連日的返工後,終於又放返日假喇,已經係今個月最後一日假喇,又要等到下個月先有假放,慢慢等啦後生仔,昨日睇完曼記對AC後,我覺得今年曼記真係好X勁,特別係阿C郎真係踢到上晒身咁,睇黎今年車仔都真係文文地喇,希望車仔可以囉多一兩個冠軍就好喇,最近無意中睇到一條人個BLOG,佢個BLOG幾特別寫得好比心機同好靚,由其係個遊記佢真係寫得好精彩,比大家睇下先真係幾正 按這條友個BLOG,過多兩日就出糧喇,唔知今次出幾多呢？上一次出得果兩千幾,今次點都有八九千呀！個X街到而家先還得果五舊水比我,由十二月到而家成四個幾五個月,先囉返果五舊水就黎要少漆佢嫁喇,真係好九慶咁X大個人一兩千都無,係真唔係呀,次X次都要我打電話比佢追九佢數,講返返工果度就無乜特別,但係唔知點解我果個部門就成X日唔見機囉,都唔知係咪有人偷野還是真係賣錯左喇,但係呢間公司比我個感覺係,做野真係好X慢,咁大間公司打張單都慢X過人,又成日無貨賣,新貨一定比其他公司慢先返貨,無晒果D貨又唔可以叫佢囉嫁,要等上面睇下有乜貨,就比乜貨我賣,送果D禮品又少,係乜都無之情況下,我覺得真係好講個人實力囉,真係好講你把口囉,同覺得好多步驟要做囉,但係我就成日都唔記得囉,理得佢呀！咁X多野記,最緊要有生意,無生意就乜都唔洗講喇,最後希望車仔可以係今晚可以擊破利記,但係我又覺得利記今年打歐冠杯真係幾X勁,連巴記都比佢炒底,但係我覺得應該會開細囉,但係我而家對賭波就真係無乜感覺喇,睇完晒今期春季日劇喇,最後我覺得重力推薦係(求婚大作戰),我覺得個劇本幾吸引,下次再講喇！

 

2007年4月27日

 

今日由於保ot的關系所以返下午4點,見無野做咪寫下野囉,上次講過我個部門唔見左隻機,呢次都應該要賠錢嫁喇,但仲要賣錯左幾隻機呀(乜機可以問返我本人),呢一次真係大O樂喇點攪呀真係無計,近期生意仲要差左(無乜人買野),呢次仲要唔見機呀,唉！真X街,黎緊又話五.一喇,你地就可以放下假呀,再過多兩個禮拜又話放多個唔知乜漆假真係開心,我就唔同喇五.一先做到X街,又話要早少少返工等等...,又話要對D大陸佬好D等等,你知啦D大陸佬真係好X難攪嫁,又話要平又話要送野咁,而家D人買野唔係睇你服務好唔好,而係睇你送D乜先係最重要,有D客呢就無野做走過黎攪下事咁,玩下你D機呀玩一大輪,之後同你講聲唔該都無就走Q左,唔買唔緊要玩機都唔緊要,但走果時都講聲唔該呀,講聲唔該都無,D香港人真係一D禮貌都無(一部份喇),真係想打漆班X街,真係好漆慶,講返車仔先第一回主場贏利記1比0,但係作客就難攪喇,希望車仔可以頂得住啦,曼記就應該入決賽嫁啦,今年都係車仔同曼記玩Q晒嫁啦,睇下邊隊抽贏對方啦,我就唔洗講一定想車仔抽贏啦。

2007年4月30日

早幾日一早起身睇睇出幾錢糧啦,點知一睇之下真係大o樂喇,出糧出得果六千四,呢次仲唔係六四事件,還返五千比阿媽,自已得返千四仲要洗到下個月28號,呢次真係爽囉,初初諗住還返二千比保險果度先,但最後都要打電話比前領隊同佢講下個月先還,其實早幾日先見過前領隊,佢同我講話(遲少少先還啦,我又唔等錢洗),唉！真係唔好意思,拖完一個月又一個月,其實我知前領隊係無問題的(講錢方面,真心果隻可以慢慢還,但只限我囉,佢親口講如果係其他人就唔會,你的話我好放心),但自已真係唔好意思囉,有時我覺得自已真係好好運,識得到前領隊呢個人,佢真係對任何人都咁好一點架子都無,但對我就特別好,成日都會好關心我及支持我,好到我都唔知點講,最記得有一次,佢叫佢妹妹黎我公司買野,其實當時我都唔信會係真嫁,點知真係黎左我當時真係勁開心囉,其實我之後問返佢,其實係佢專登帶佢黎比我見下嫁,同佢其實真係好少會咁樣做(講帶佢個妹出黎比朋友見下),經過今次呢件事之後我都覺得好感動,所以我係特別尊重前領隊,就算我去到日本我都會一定記得買份手信比佢,最後真係要抄抄不加俊明句,係度同佢講聲{多謝你}。

 

2007年5月10日

係呢個五月份開左成9日工,今日終於先放返日假,真係累到X街,近排仲企到隻腳板底有D痛,日日都企成13個鐘呀,舊時企足三年都無野,而家企到腳痛真係老喇！自從做左呢份工之後,都見返唔少人,包括小學同學阿{木杉}[你肥左好多呀],仲有{宋XX}[都係果個死人樣囉],都係近期代表人物,仲有件趣事講比大家聽,係早幾日收工時,坐小巴返屋企時,到落車先知得一張五百,果時我都知落車一定會比個司機X嫁喇,但無計喇係自已錯在先,到落車果下個司機一見到張五百,個司機就真係X晒老母咁叫我落車喇(無收我錢果隻),喂司機大佬！真係無心嫁！但係真係無計囉,我都知道你一定會X漆我嫁喇,但係下次我見到你我一定會比返錢你囉(等我記得先喇),近期係公司做野成日做錯,成日比人X,喂！大佬我都只係做左一個月多D,兩個月都無呀,做錯野都好正常呀,我覺得係佢地對我特別高要求囉,但係我唔能理佢點X喇,我照X返佢轉頭,無計喇你請我呢D老屎忽返黎,我呢D踢左幾十年波,一定多多野講嫁喇(多多意見),你地係大我唔起嫁,又話如果三個月試用期後再錯,就話要[炒]等等,我真係唔X信囉,想大夠我呀！我都做過你D位(高層人物),但係你大我唔起囉[對唔住],你真係當我漆陸呀！做錯少少野就要炒,你有病呀！我呢D一入到黎都要慢慢再學過呀,比D時間我呀大哥！真係大球會要求特別高！

2007年5月14日

今日又放返日假喇,聽日返多兩日到星期四又放多一日假,再返多三日下星期一又放假,真係正到爆燈,但有時返全日的時間仲比舊時12個鐘長,而家分分鐘都返成14,15個鐘嫁,但D時間都過得好快無乜問題,去到今日為止已經做左呢份工,做左剛剛滿兩個月喇,做多一個月就過試用期,如果考到個試就OK喇(聽講好似好難考嫁),大佬！考到的話多成二千幾呀！真係差好遠呀！加OT份人工萬幾蚊無走雞囉！不過近期生意差左好多呀.D客仲好漆串囉,唔買咪算囉,唔洗咁X串呀,講個K屎比大家聽聽喇,事原係咁,有一日有兩個TB行過黎,一個呢個打扮就成個男人咁的女人,第二個就佢條女喇,一走過黎我都知一定唔會買野果隻,但都無所謂我做得呢個行業就要服務佢,呢個都係我的工作要做的,咁兩條友一行過黎就囉起D機黎玩,咁我同佢講有乜幫到佢,想睇D乜機呀我囉比你睇呀咁(有禮貌果隻囉),之後果兩條八婆好似聽唔到我講野咁,咁之後我見佢咁,我咪唔出聲囉,之後果兩條八婆又一路玩D假機,咁我見佢無野講我就同佢講左句(今日呢部機好平好底買幾百蚊就有一部等等...),之後條扮演女果個八婆就好漆串咁講左句[你當我係乜呀！我無錢買貴野呀！囉D度最X貴機比我睇喇！)之後我同呢個八婆講[哦小姐！我唔係咁的意思,只係今日呢隻機有個特別價錢好平好底買咁解],之後我就囉左隻最貴比佢睇,佢睇左一眼就好X串咁笑住就走左,如果比起舊時的我,我一定第一時間X漆左佢,但係人大左而家會識得忍囉,我知道佢想試夠我EQ高唔高囉,我講野已經好好禮貌好客氣,唔洗咁呀！講真大家出黎打份工,唔洗玩到咁X串囉,我覺得唔買野睇下玩下無所謂,禮貌D睇完講句唔該呀,買野唔係話睇完一定要買我都明,但係唔洗咁X串囉,呢D咁八婆天收佢喇,我發覺大部份香港人都無乜禮貌,睇野果時成日都唔出聲,問佢野又唔出聲真係意為佢龍左嫁,大佬！(講句我睇睇先,唔係好難呀！),我做sales唔可以唔出聲一定要同D客人講野嫁你地明唔明呀！但大部份外國人都好好禮貌,就算唔買野都好好禮貌咁講句唔該,如果只係睇野佢會同你講我只係睇野,咁咪好囉你講清楚比我聽,我覺得如果你係咁講清楚我完全無問題囉！仲有早幾日又見到舊同學,今次係中學同學(陳海HO),佢同佢條女一齊,之後仲要幫我買野,因為係我同事服務佢,所以到佢比錢先見到我,之後講開舊屎D中學同學,有D已經結左婚等生仔,有D就係廣告公司做等等....唉！我真係老啦,一轉眼已經十幾年,結婚生仔我都唔知有無機會喇！

2007年5月22日

去左睇鄭秀文演唱會呀真係勁正呀！因為係即日叫我去睇的關系(去睇今次演唱會真係囉命博嫁,點囉命博！可問我本人啦,因唔方便係度講),所以我無帶到相機去,但都影左D相比大家睇睇喇,因只係用手機影的關系,所以就唔係影得咁清楚囉,但係今次好正呀可以坐到第二行,真係咁大個仔第一次坐得咁近呀,唔係前領隊比飛我去睇,我諗真係有錢都買唔到D飛呀,我去睇當晚仲見到cookies三個成員去睇呀,但最正果個就見唔到囉(知邊個喇),仲見到Yumiko黎睇呀,但我心諗Yumiko同鄭秀文真係差好幾班囉,由其係跳勁舞果part呀,我都真係第一次睇演唱會係全場都企晒起身跳舞嫁(包括我在內都企左起身跳舞,差唔多企左成30分鐘),真係好似落左D咁(個個都好似hi大左咁),我覺得鄭秀文跳舞真係好勁囉,呢D咪叫做superstar囉(你固係Yumiko跳果D,舞吧,舞吧果D呀),人地休息左成年幾,出返黎開演唱會全場都爆滿,真係想買飛睇都難啦,我自已都覺得好幸運可以睇到呢個演唱會,仲要坐到第二行咁前睇,真係要係度多謝前領隊比D飛我去睇呢個演唱會,講返工作遲D我有可能會到第二個部門學野,但呢個部門賣果D野呢我就未賣過,真係要慢慢重頭再學過喇,但係賣呢樣呢就真係會搵到錢囉,我聽講出成萬八,九蚊個月嫁,但係就要慢慢學囉,因真係未接觸過呢樣野,最後講講車仔終於可以囉到雙料冠軍,真係開心喇,而我個有線電視亦正式可以收工喇,睇下點喇！有可能下年會裝返個NOW睇,但而家真係無乜時間睇波囉,到收工D波都已經完晒囉,睇乜鬼波呀！

2007年5月28日

今日又放返日假喇,但係之後就要連返十日先有得再放假喇,真係爽呀(做到X街)！黎緊呢個六月差唔多都係放例一,其實對於我黎講放邊日都無乜所謂,因星期一生意都係比較差,最正就係六月最尾果三日囉,我可以連放三日,因公司要保返D假比我嗎,係早幾日終於出糧喇,係我想象中差唔多數目[八野],但係就唔知點解我同事點解會比我出多一千蚊囉(真係唔知點計D人工),再還返三千比我阿媽,自已得返五千蚊洗,又想還返二千蚊比前領隊(但自已又想轉電話W880二手機,用部k800換仲要保返成千蚊),但係還左後自已又唔夠錢洗,自已又要食飯坐車(差唔多一個月要二,三千),真係窮到癡線,真係好奈未X試過咁窮,而家真係好多野都好想買,但係都只係諗下就算數(想買名單如下:psp,Xbox,二手電話W880),其實而家都無乜錢要洗嫁啦,最主要都係食飯坐車最多都係買下六合彩及打下桌球咁,而家出糧最大部份都係囉黎還錢囉,唉！真係唔知要還到幾時,抵死嫁！自已半年無做野又要去日本玩,結果咪攪到自已而家咁囉(窮到X街),但係而家自已會明白人地都好辛苦咁搵D錢返黎囉,而又會問都唔問我而又謝比我囉,而我自已都試過謝完D錢比朋友而又無得收返,真係謝果時就同我講乜都得,會點還點還等等..,但到最後反而要我自已唔好意思咁講到出口叫人家還錢,真係好似我而家倒轉頭問返佢謝錢咁,但到最後都係無得還返D錢比我囉,自已真係試得多(謝錢比人果個),但我自已如果問人謝錢係一定會還果D人囉,而家真係無乜錢自已洗嫁,當我還晒D錢比人,一個月當我出一雞野,保險差唔多三千自已洗又三千,比屋企又兩三千,真係自已已經無乜幾多喇,但係自已仲有一個願望,就係可以請我阿爸阿媽同自已一齊去一次日本旅行,但係真係唔知幾時先可以實現喇,仲有比我上網無意中睇到D條友寫個遊記大家睇喇好精彩,條友去左好Q多次日本好X勁,比大家睇睇喇按這:條友個遊記

2007年6月8日

經過連場大戰之後終於都放返日假喇,大佬！足足返左成9日工呀真係好漆[累]呀,差唔多日日都收成12點返到屋企都成12點半,晚晚都成3,4點先睡覺,第二朝又要9點幾起身返工,真係做到X街,初初聽人講每日工作時間都要成14,15個鐘果時都唔係好信,但係而家真係信喇,講返工作近期比較多時間企係第二個部門學野,但係其實呢樣野都好專業下,真係要放D時間慢慢學下野先得,唔係真係唔識賣呀,係早幾日終於買左部PSP喇,其實係早年幾前我已經買左一部,但係因為果時無乜GAME玩,所以買左一個禮拜倒就賣左比個朋友,其實最主要而家食飯果時好漆悶,又唔想去機鋪打機,差唔多全公司D人都打機唔係打NDS就PSP,再加上而家多左好多GAME玩好多,其實我都諗左成個月先決定買嫁,之前咪講過無乜錢洗,點解而家又買部PSP呢,其實完本只係得返四千五蚊洗,初初打算還返二千比前領隊,但係如果我而家唔買的話,下個月都唔洗買喇,因為我下個月要交成五千蚊保險,再加上下個月係小弟生日,所以就決定買啦！唔諗喇！真係想買好耐,經過十八歲無錢過生日(但果日都有兩個好朋友請我打足球機,記得嗎！)及初戀女友係我生日前飛Q左我事件,講真到而家我都好記得呢兩件事情,由期係比初戀女友飛果單,對我真係好深刻影響,經過呢兩次事件後,每年我生日都會買一份生日禮物比自已,今年PSP上年的K800再上年的K750i及唔知幾多年前的精工手錶,到而家我都好清楚記得,正所謂長命錢長命還,我諗而家最少都要還到08年呀,忍左半年乜都無買野比自已,呢一次真係要爆喇！返多兩日星期一又放假,吹呀！

2007年6月11日

今日又放假喇,吹呀！最近我公司有同事去左北海道and東京8日旅行呀真係正,我都好想去呀唔知下年7月去唔去到呢？不過聽佢講二個人加起黎都要洗成二雞野,仲未計自已洗,因佢地係跟團去仲要去北海道and東京兩度地方,嘩！其實都幾Q貴！希望下一年我都可以去啦,不過如果我去北海道的話一定會自遊行去囉自由D嗎！按這北海道行程安排最近從網上得知,之前去日本旅行食過好好食果間(鐵板和牛)按這Pepper Lunch,宜家係香港開左分店啦,地址係朗豪坊四樓有興趣咪去試下囉,真係好正！(我都想去試下)講返最近工作,唉！最近我個部門生意差左好多,真係唔知點攪呀(無晒計),最近不斷DOWNLOAD(PSP)GAME黎玩,其實我買PSP最主要都係想玩三隻GAME,Winning Eleven 10,首都高及打比賽馬,呢三隻GAME中我已經有Winning Eleven 10及打比賽馬,而家只係差首都高因BT無種的關系,所以站時玩唔到,其實我覺得PS2會開始慢慢無人玩囉,但係PSP呢就仲會出下D遊戲咁囉(而家PS2都無乜GAME好玩),因而家返工時間太長的關系,所以我覺得都係鐘意PSP多D,一有時間就可以打,早幾日又見到木杉同學,你肥左好多呀(睇返D舊相,其實我都肥左好多)無計啦最緊要身體健康就得喇,過多兩日就做左份工三個月喇,時間真係過得好快。

2007年6月14日

今日唔係放假但今日返下午2點,見有時間所以咪寫下野囉,嘩！今個月真係大X樂喇,洗錢洗到停唔到手,之前買左部PSP後而家又買左部W880(二手機)之後再買左少少野後,係呢個月只係買野都用左成三千幾蚊,得返千零蚊仲要用到28號呀,當我每日洗一百蚊都應該都夠用到28號喇,唉！我都講過如果呢個月唔買野的話,下個月都唔洗買囉(因下個月一出糧差唔多一半人工要比保險果度,靜返果D錢就要用到7月28號喇(真難頂！),係早幾日公司大佬同我講左一個好消息比我聽,佢同我講係上個月份我做果個部門呢機數數量上昇,佢仲要同我講其實而家買呢樣野的人係真係比較少(佢自已都咁講.所以真係好難賣嫁),之後佢同我講係上一個月份咁多間店鋪中,間間店鋪都條機數都下跌(全港吟多間計呀,所以你話幾勁),只係得我呢一間店鋪數量返而昇左,聽到後我都覺得好開心囉,自已努力真係無白費度囉,證明自已仲有兩腳功夫,離門三十碼都可以起腳(力水仲唔差呀)。

2007年6月25日

今日又放返日假喇,不過放完假後再返多三日,我又會連放四日假喇,嘩！真係爽呀,真係等於放大假咁呀,呢份工真係無野好,最好就係多假放(銀行假有得保,加大假十四日),我呢個月足足放成八日假咁多(我同事連大假一齊放成半個月呀),講返近期工作,剛剛做滿三個月過左試用期,而家過左第二個部門學野,如果我同事放假,我先會頂佢賣返老本行囉,但最近同公司一個同事關系唔係咁好囉,但好彩我唔洗成日對住佢呀,唔係就大檸樂喇,我覺得都係佢細佬仔唔識諗,我地男人就算大家X完轉過頭就會無事,但係佢呢就放係個心入面,但就算你咁對我,講真！唔會影響倒我工作囉,大佬我呢D踢左幾十年波,雖然已經步入球員黃昏期但經驗十足,講下第二D野先喇,係上個禮拜一放假同左B哥,陳友,阿蟲及阿tim,去左講話係日本食過勁正果間和牛鋪頭食呀(香港新開果間呀,唔係日本果間)只係去排隊買飛都排左成個鐘頭(我地算早排後面果D人我諗要排成兩個鐘呀),無講錯係成個鐘頭,八點幾去到食到差唔多成十點幾先走,仲要自已等位(自已等呀你無聽錯,真係好奈未試過),講返D和牛先喇,我同陳友都覺得真係同係日本食果D差好遠囉,飯又少(如果係日本佢會問你要多飯定少飯)呢道如果想要比多D八蚊喇,價錢仲要比日本貴少少呀,跟住昨天同左陳友及阿軍,不加俊及佢去左食壽司,我就真係好耐未食過喇,自上次一月份係日本新宿食完後就未食過喇,唔係話自已唔鐘意食壽司,而係覺得係香港食壽司真係好鬼貴,唔係自已食唔起呀,我係日本食壽司一個人食成十幾碟,都唔洗一百蚊港紙,但係就勁新鮮囉,又平,又底食,昨日食每人都要成百四蚊,但都係唔係食得好多野,好記得上一次同陳友去日本旅行,一早起身去左築地市場食壽司,排隊仲要排左成粒鐘,果餐就勁囉每人食最貴果個餐,成三百幾港紙呀！不過我同陳友都覺得真係勁正,勁新鮮果隻囉！講左咁多日本野,陳友特然問我十一月,十二月倒去唔去日本旅行,我就一定想去啦(仲洗講！好懷念日本的炸蝦餅包,和幸)但係就真係唔知有無錢去喇,自已一個人去就應該無問題,但係我就想同我阿爸阿媽一齊去,但係我同陳友都覺得我阿爸阿媽隻腳一定頂唔住囉,唔好講阿爸阿媽隻腳喇,我自已隻腳都頂唔住呀,再加上三個人一齊去日本最少都要洗三雞野喇(計多左應該唔洗咁多,但多D好D),我而家都諗都係比我阿爸阿媽跟團去日本好過喇,一來平D,二黎有旅遊巴士坐,唔洗成日坐火車成日企成日行,而家都係諗一下先,我果D數又未清晒,都唔知幾時先清得晒喇,唉！就黎又28歲喇！

2007年6月29日

剛剛睇完日劇求婚大作戰大結局,真係勁正勁好睇,煥和一下情緒先,呢套野真係好有回憶,頭果十集講及男主角[健]回到從前,想向女主角[禮]表白愛意,但最終都只差一點點及無勇氣向女主角[禮]表白愛意,只能眼睜睜的目送著[禮]與[多田]牽手步入教堂,而去到最後呢集[健]係[禮]與[多田]的婚禮上講出十四年的感受果一part,睇到果時真係感動到流淚呀！日本果D劇集咁好睇,你叫我點睇香港果D劇集呀,來來去去都係果D人做(又係鍾嘉欣呀,又係林峰呀),一D新意都無,橋段老土(溏金風暴成日喊苦喊忽),節奏又慢,拍成幾百二百集拖得太長(高人滿座果D囉),真係師奶先會睇(包括我阿媽),日本果D就唔同喇,題材新鮮之前有部講十四歲媽媽(如果係香港播死硬喇,一定比人插到X街)),拍果D演員全部都係日本最勁果D(但係無司棋姐呀,關菊英果D囉,),節奏明快最多都係得十一,二集,一年四季都有新劇上,每部日劇都好似拍電影咁大製作,我自已一季都會追成幾部日劇黎睇,香港果D！唉！真係要學下人地喇。

                                                             2007年6月30日

過兩日就係小弟生日喇,真係咁快又一年喇,回想起黎呢個27歲,自已都發生左幾件事情係幾難忘,1.人生第二次被人炒啦,2.人生都唔知第幾次失業無野做的日子啦,3.人生第一次自已一個人去旅行啦,4.人生第二次咁窮啦,講番呢幾件事情點解會咁難忘喇,先講講被炒事件先,其實呢一次被人炒自已心目中一早估計到,因當時已經發覺生意真係好難做,公司仲要出咁高人工比我,同時我自已都覺得呢一份工都一定唔會做得長,再加上佢炒的都唔係只係得我一個人,而係一大班人咁炒,再加上佢再保返一個月人工比我,所以當時我覺得無乜所謂,因一早已經有晒心理準備,但比起第一次果時已經好好喇,我好記得第一次比人炒果時情景真係一世難忘,完全無心理準備之下就叫我立即走人,大佬！話晒果時都做左成三年啦,自已當時真係好大打擊嫁,我心諗你唔係咁X街呀,係都等我做到收工先同我講呀,一D面都唔比我要我立即走人唔係呀,話晒都係道做左成三年,真係睇住你由細公司做到而家大公司呀,問心果句自已一路而黎都係幫到公司做野呀,點解要咁對我呀,仲要一蚊都無保比我呀,但之後幾年後有舊同事同我講番起呢件事,同我講其實當時D老闆係唔想炒我的,只係其中一個X街開聲講話要炒我,但呢個X街唔係老闆黎嫁,只係一個比我入黎公司遲但上位上得比我快的X街,佢係一個四眼仔黎,從此我就對一D帶眼鏡的人...(一DD啦),經常講到一D人物時,我都會問一問呢條友係咪帶眼鏡的,不過都過左咁多年喇,係呢幾年都見過唔少人比人炒都係第一時間走啦,我只係其中一個吧了,但係呢份工係我覺得我自已做野咁多年中,係我自已最鐘意的一份,工作時間好長,好辛苦但做得好開心,第二樣就係人生中都唔知第幾次失業的日子,近期個個都講回歸十週年,自已諗諗其實我都出黎做野都做左十年喇,但係真正做野的日子可能只有八年倒,其中兩年就係失業的日子喇,係呢十年自已做過五份工作,當一份工唔做之後,我自已都會比藉口自已要休息一下,但次次休息當中就唔想去搵野做,因真係極唔鐘意搵野做果種過程呀,真係無野做的日子好難捱,無錢又無野做D朋友又要返工,只好日日對住部電腦,真係唔希望再有呢D日子囉,但係都係自已囉黎嫁,第三樣就係第一次自已一個人去旅行喇,講真初初決定果時都有少少驚驚地,嘩！大佬真係第一次自已一個人自由行去一個唔識的地方旅行呀,但係去之前自已做足功課先起程,所以去到後只係落機果一下有少少驚,但之後一D問題都無喇,仲一D都唔悶,真係一個人去旅行有一個人去的好玩,一班人去有一班人的好玩囉,但自已去完返黎後自已好開心就係成件事情,都係由自已一手一腳準備,自已一手一腳計劃的,返黎之後自已寫左個遊記,自已睇番都好回味,但係唯一一樣野就係當時自已無乜錢都要去旅行,仲要係之前三個月先去完一次日本,當時我都覺得自已好任性囉,但自已回想起黎,其實自已當時應該由大板玩起一路玩上北海道先係,因一生人都唔知有幾多次呢D咁機會啦,可以去旅行去成個月咁長時間,但都想下一次去旅行可以同一D朋友一齊去喇,唔一定要係情人,可以係阿爸阿媽都得,因都無乜幾多次機會喇,希望係有生之年做得到呢件事,第四樣就係人生中最窮的日子喇,我記得第一次就係自已做保險果時,每個月做唔到數就無糧出,每個月都要問阿媽黎住先,真係自已帶錢返工咁自已出糧比自已咁,當時因工作關系而識得一D朋友,但識呢D朋友自已內心都係有目的,唔係真心果隻囉,就係希望佢會幫我買一份保險,其實當時自已係極之做得唔開心的,但最終我係頭果三個月內係做得最多單的一個新人,當時我仲囉左一個新人獎呀,但係最後我都頂唔住無做囉,因真係當時實在太窮喇,但都要多謝一D幫過我買保險的朋友,無你幫我買保險我都唔會囉到個新人獎,多謝晒大家,但而家呢一次就因為自已無做野成半年,又去左一次日本旅行後,再加上而家搵的人工比之前果幾份都要少,所以先會而家咁窮囉,但係我知道自已已經好好彩,一搵野做就搵到一份幾好的工做,我知道呢份工而家係會比較辛苦的,自已成日做錯野又成日比人X,但係我知道如果捱得過頭果幾年的話,之後的日子會過得好好多喇,從同事得知份人工仲係我自已出黎做野咁多年都未試過搵得咁多,我自已都希望呢份工可以一路長做落去,因都知道自已已經步入足球員的退休期喇,同自已都想過得安定一些,唔想再成日轉工,希望呢份工係有發展的,最後今年的生日願望就係希望個個都身體健康,心想事成啦！

2007年7月2日

今日係小弟正日生日,但琴日成五點幾先訓,成晚都訓得唔好,好似好多野諗咁,跟住就諗左好多舊時D野,之前咪講過有兩次生日我係好難忘,一次就係我無錢過生日,但朋友請我去唱K同打機之後仲要落大雨,一次就係生日前特然比初戀女友飛,琴晚我就係諗起後面果一單,講下比初戀女友飛D單喇,其實都好少同人講及,回想起黎都成八九年前的事囉,果時真係好傷心嫁,係我生日前我一路都諗我生日果時會點過呢,可以同最鐘意的人一齊過真係開心,但就係我生日前兩個星期特然唔知乜事無啦啦同我講分手,我當時真係無反應都唔知講乜好無奈呀！(果一刻真係想唱番首斷絕來往,我會消失　讓自己一個抑鬱道謝你絕情　絕得送上這種惡疾),之後大家無再搵大家連電話都無個,我當時就覺得佢都係講下之嗎,意為大家冷戰一下就會無事,之後日子一日一日咁過,直到我生日果日,我心諗如果今日佢仲唔搵我的話我諗我可以放棄喇,到我生日當天開工果時,特然有一位同事囉左一張生日卡比我,當我打開睇到之後,原來係佢親手寫左一張生日卡比我,打開一睇大意係講我地分手已經兩星期你習慣嗎,及講出分手原因大意係講我比佢太大壓力等等...(係咪所有女仔都係用呢個藉口)當我睇完之後我真係頂唔住,立即入左廁所偷喊(無錯係偷喊,因係我生日嗎),果一刻諗番起希望係生日果日,可以同自已鐘意的人一齊過的生日願望一一破滅,亦都係我咁多年黎,過得最傷心的一個生日,其實呢單野無乜人知道,不過對於我黎講係好深刻的一個生日,而對我都有好深遠的影響(呢下要唱首薛凱琪喇,下次下次  是勝利那一次   能夠賺回  從前為苦戀所透支誰怕用情  誰就會輸   就算重傷  巳七萬次難道我就這樣嚇跑   無下次) ,講真當時自已都唔知發生乜事,我自已問心都覺得對佢好好,之後係幾年的一日佢特然打電話比我,講講大家近況出黎見過一次面,之後佢寫左一個E-mail比我,大意係講當年年紀少講錯左D野收唔番,佢知道當年我係對佢好好等等..好對我唔住希望我原諒佢,之後我同佢講都已經過左咁多年喇(點解你唔早幾年同我講呀,[D句自已心裡面講]),我無再記係心裡面喇,過去都已經過去左喇,但係我知道佢同我講呢番說話係乜野意思囉,其實我自已都有諗過,如果當年我唔係要面子打番電話比佢留住佢,今日會係點呢！會唔會結婚呢！其實我覺得係唔會囉,佢係一個做野前會諗得好清楚的人,我覺得佢已經諗左好多次先會同我講,其實最終我地都係會分手囉。最後要多謝B哥,講番少少喇,當年我已經買左我生日後的許志安演唱會飛,打算同佢一齊睇,點知會分手收場,最後我搵左B哥同左我去睇呢個演唱會,當年我記得許志安有一首歌叫做[世紀末煙花]我好深刻D歌詞好正！

2007年7月4日

話咁快又放完呢六日假喇,係呢六日假期入面,每日就好似回復我失業日子咁,每日夜一夜先訓,每日一起身就係對住部電腦上網,之後睇左幾部最新夏季日劇,機就少左打呀,無野做就去訓覺,而家放假日子就係咁,差唔多連門口都唔出,唔知點解係呢幾日入面,特然有個想法就係唔想再做落去,近期發覺做野做得唔係咁開心,比起之前剛剛入去做果時無咁開心囉,我自已都唔知點解會係咁,但係我都只係講一下,人就係咁現實嫁喇,當你無錢乜都要做啦,明明果份工係自已唔鐘意做,但係為左生活為左錢就要做落去,當然如果搵到一份自已鐘意的工作就最好啦,好多人都覺得我份工都幾好,但係就講真真係好辛苦囉,日日返到屋企都成十二點幾,第二日又要返十一點,規矩又多,做呢樣又唔得做果樣又唔得,而家計起黎都做左成四個幾月,但係人工都仲係得果八千幾蚊,係呢幾個月黎真係捱得好辛苦,我覺得好似工作的辛苦唔等於收入成正比咁,大佬！如果佢每個月都出番雞幾野比我的話我都無野好講呀,我諗成間鋪出得最少人工就係我喇,我唔係話自已好勁,一定要好高人工先得,但係最底要求都希望有一雞野呀,咁X長時間,呢份工好就好在多假放,好似我呢D做左幾個月都話放六日假,其實係之前D紅日公司保番比我之嗎,而唔係大假黎,鬼叫你窮呀頂硬上啦！

2007年7月11日

今日又放番日假喇,之前一連放左成六日假後,跟住返工第一日真係完全唔識做野,只係做得幾單生意成績真係好差,不過呢一兩日D生意就好番D喇,無之前咁差囉,不過我都係比較鐘意企係第二個部門多D,因為可以學到野嗎,同我對果樣野比較有興趣D囉,最近我有個同事同我一樣,係生日前同女朋友分左手,唉！真係聽見都傷心,講真就算分手都唔好係生日前夕呀,真係好傷嫁,希望佢快D無事喇,係呢個月都比較手頭鬆動,唔會好似之前咁咁窮囉,而家只係欠我阿媽九千,前領隊五千,卡數四千幾就係咁多,我打算先還番我阿媽及前領隊果度先,而卡數果四千幾就慢慢先還囉,因我都想11月份同我阿爸阿媽去一去日本旅行,之前陳友講過11月度一齊去嗎,不過就真係唔知堅定流,如果係真的話我計過如果我三個人去都真係好貴,但係如果兩個人去就平D囉,不過而家都係諗一下先,我諗緊係自已去定還是比我阿爸阿媽兩個人跟團去好D,因我覺得如果我阿爸阿媽跟我去日本的話隻腳一定頂唔住,因我會PLAN一日會去好多地方,同會去勁買野囉,行程上未必適合佢地兩老囉,而家諗定好似早左D,但而家我都開始上網睇下有無D平民宿咁囉,睇下一D人地遊記咁,我真係好鐘意睇遊記,之前放左D遊記係個BLOG度,唔知大家有無睇度呢,咁多個我全部都睇晒,所以我而家對日本都OK嫁,我可以唔囉旅遊書都可以帶你地去幾個地方玩下,不過下一次我一定會帶幾件衫就算數乜都唔帶去,最近係屋企不斷睇日劇,差唔多睇左成八九部,但係只係得三四部係OK囉,其他真係麻麻地,無上一次部冬季日劇求婚大作戰咁正囉,仲有最近真係好X慶,打去有線想CUT左去,但打親去都無人聽電話,真係要打去少漆去先得,又話要咁又話要咁先CUT得,真係唔知幾時先CUT得！之前咪講過日本有部日劇[十四歲的媽媽],睇廣告講係7月30日明珠台有得播呀,大家記住睇呀！

2007年7月18日

今日又放假喇,都係呢一句喇無第二句,不過今日就自已一條友去左書展,因成日放假都係屋企訓覺,打機,今次就出去行下啦,其實今次最主要係想入去買一本書睇,但入到去就好似打仗咁,多人多到呢,地方鬼咁大,回想起黎對上一次去書展,都已經係我讀中二果時喇,想當年仲要搵黃玉郎簽名呀！而家真係老喇,我仲要坐船過會展呀,回想起黎都成半年未坐過船喇,係香港交通工具中,我諗而家都無乜交通工具係無泠氣喇,但係我又唔覺得好熱呀,吹下海風不知幾涼,係短短十分鐘船程中,回憶左好多舊事D事情出黎,自已細細個放暑假,同我阿哥,阿媽,表哥,表弟去大嶼山玩的日子,入大嶼山坐船果時就一定要坐上層有泠氣果層,仲要一定要食個公仔麵呀,仲要去船尾吹下海風,自已剛剛出黎做野做保險果時,一返到公司一打完卡就落灣仔食早餐,食完早餐就坐船過尖沙嘴(因為平嗎),之後一係就去打機一係就係去唱K,唔係就係返屋企訓覺,回想起黎真係回味無窮,會場入面就真係勁多人,地方又大我諗真係要行一日先可以慢慢睇得晒,我就無乜點慢慢睇呀,只係想搵我想買果本書囉,一買完行左一轉大約下午五點鐘就走人,呢排就真係多左時間去新部門學野,但當我同事放假我就要企番舊部門賣番自已食糊野,但係我真係極之唔想企係舊部門喇,真係悶到痴線連一個客行黎睇野都無,真係得個企字四個大字,但係新部門就唔同喇,就算D人唔買野都會行黎睇下野玩下咁,再加上新部門又可以學野,時間又會過得快D,大佬！我返黎係做野呀而唔係企呀,不過都係果句打工就係咁,無計！

2007年7月23日

今日又放假喇,但係今日放完之後就唔知幾時先再有得放假喇,因呢個月D假都比我放晒喇,之前月頭一連放左六日假而家諗起都爽呀,真係唔知幾時先會有機會再放咁多日假喇,我諗有可能係十一月的大假啦,我已經決定十一月份放大假,因十二月份放大假就應該會文水D喇,九月十月份又好似早左D,所以我覺得十一月係最好月份,真係好想又去日本玩下買下野呀,剛剛又睇左一個後生仔寫的遊記,三個二十歲的後生仔只係用左一萬蚊,就去左日本玩六個星期,又訓街又食餅乾又要坐成十幾個鐘頭火車去各大城市,仲要先從香港飛馬尼拉後先可以到日本,聽見都覺得辛苦呀成個電波少年咁,不過我就覺得佢地真係好勁囉,自問我而家就真係唔得喇,我覺得去旅行唔洗咁辛苦呀,去旅行係要放鬆一下自已充下電咁,不過如果我係佢地咁年幾,仲要有兩個朋友一齊的話,仲要有咁多時間的話,我都會試一試體驗一下,我而家就真係無咁多時間喇,同我已經唔係後生仔喇,二十歲以下國家隊成員都已經無我份,只可以講係前二十歲以下國家隊成員(前園真聖！),仲要步入足球員的黃昏期喇(碧咸！),比大家睇睇個遊記啦都幾有趣按這:http://budgetjapan.web.fc2.com/,講番工作下個星期就會到我最重要的日子喇,就係我的考試來臨喇,真係要係呢個禮拜溫一溫先,因對我黎講都好重要,之前都講過如果一次合格的話會勁好多,大家應該都明白喇(一次過可以環清我D錢呀！但我諗我就黎可以清晒我阿媽果九千幾喇,只係差前領隊果五千及銀行卡數果四千幾度囉,慢慢黎喇後生仔！),但對於我呢D踢左成十年波的球員,我自已都有少少緊張呀,大佬！話晒都踢大球會呀,要對住摩連奴面前踢波真係會有少少緊張,又唔知摩連奴係我面前會考我D乜,放鬆D定D後生仔,早幾日幫公司去其他分店搬D野,嘩！一搬到返公司成身軟晒,而家真係少做運動喇,搬下野都話周身痛(老啦！),最近都係第二個部門學野多,簡單野我都OK,但一講到專業野我就真係企左係度,真係要用一兩年時間先可以識晒囉,自已本身又無玩開呢一樣野,真係無計維有慢慢學囉,但我知道如果學識左的話,係對我日後收入有好大影響,都可以講話係我做野咁多年黎都未搵到的一個收入黎,而家我不得不講自已老喇,真係唔明而家D後生仔女諗D乜,之前咪講過同一個同事有少少面左左,自已都同左佢講對唔住,有時自已講左D野傷害左人自已都可能唔知道,如果自已真係有錯我一定會應,但係佢而家已經對我係佢眼中一粒丁,我做乜佢都會覺得有野唔好的,講真自已要做的都已經做左,佢都係咁對我的話就真係無計,唉！真係唔想見到佢,但係而家仲要日日對住佢真係勁辛苦,真係自已一個人做野好過呀,自已問心自已同其他同事關系都唔係咁好,唔係話大家討厭大家果隻,只係見到面無乜兩句果隻無乜話題,自已性格係比較靜(好多同事都覺得我COOL同寸),如果我唔係識得好奈我係唔會同呢個人講好多野果D人黎,所以到而家來來去去都無乜朋友,只係得幾個小學玩到而家的真心朋友,其實自已係知道自已有呢樣野唔好,但係自已真係好難改善囉,最緊要自已開心就得喇,無對人唔住自已做好自已本份做番自已應該要做的事情,我自已就係呢D人只係死做好少發表意見的人,但一發表的話就會好直接傷害倒人都唔知道,講住咁多先,因都好鬼死長喇,下一次再寫,再見！

2007年7月31日

今日又放假喇,又黎寫下野先,早幾日終於考左第一回合的試喇,我自已覺得合格機會係五五波啦,D問題都真係好Q難,出果D問題專業到連D客人都唔會問的,都真係唔知邊漆個諗出黎,真係癡漆線,過多兩日又到第二回合,D一下仲大單,真係好似考差佬咁,一對二咁面對面果隻,真係無計！今次考試對於我黎講真係好重要,之前都講過如果一次過合格的話會勁好多喇,而家我只係差我阿媽二千,前領隊五千及卡數四千幾,如果我一次合格的話,就可以搞掂前領隊果五千喇,亦可以準備今年的日本旅行喇,不過但都未知可唔可以去到嫁,其實最主要都係錢問題,因為如果同我阿爸阿媽三個人一齊去的話真係好Q貴,三個人只係飛機票都要萬二蚊,住果度都末計喇,咁去玩呀食飯坐車呢,加起黎我自已覺得最少都要二雞幾三雞野,反而如果兩個人去的話又會平D呀,因為好多旅遊套票都係二人成行,如果兩個人去的話係會平D嫁,而家我都上網睇下有無一D平的民宿,但係我知道D平的民宿最少要早兩三個月前要訂喇,由其是我呢D三個人去的話,真係會平好多囉,因為一般日本的酒店都係只有兩個人入住的,如果我三個人的話就要住兩間房,所以會係貴好多囉,希望可以去得成喇,其實最主要都係我想去,真係好想去買下野囉,講番工作！琴日我同部門果個同事,終於正式去左第二個部門喇,反而我就唔知會唔會企番之前果個部門喇,講真我就唔想企番之前果個部門喇,一黎我覺得真係無乜野學,二黎真係好Q悶日日企係度無野做,三黎又要對住個同我反左面的同事,我問過公司D大佬係咪又係我長企呢個部門,個大佬就同我講會成日轉人唔係我企死係度,其實講真個個都唔想企係呢度,一來搵唔到食二黎悶到癡線,所以我都希望我公司D大佬所講的係真囉,如果唔係長其下去我真係有可能唔做囉,D死位就比我企又搵唔到食,大佬！我都企左成四個月喇,不過我剛剛去左第二個部門果個同事都企左成半年有多呀,我就真係唔知幾時可以(正式)去第二個部門喇,唉！聽天由命啦！係早幾日住係美國的表哥由美國黎左香港玩,其實係早一個月佢已經黎左香港玩,但之後佢就飛左去台灣玩左成個月,其實佢之前都問過我去唔去台灣玩幾日,但因為我無錢的關系所以我無去到台灣玩,如果我有錢的話我一定會去囉,但係佢都成日叫我一齊去日本玩,我都同佢講下年7月一齊去北海道玩,但都係講住先啦,都唔知到時係點環境啦,去就真係好想去喇,我亦都PLAN好左去邊度玩喇,講真係近呢半年我就無乜買D好貴野喇,只係買左部PSP囉,其餘都係自已食飯搭車打下波咁,其餘都係環錢多,黎到而家我都環得7788喇,最大單都係前領隊果五千及卡數果度,我諗我下個月都可以環清前領隊果五千蚊,卡數果度就慢慢環喇,近其發覺自已真係變左好多,近半年講話唔再賭波就唔再賭(其實就真係無錢賭囉),但係唔係囉,唔知係咪而家真係無乜時間睇波呢,所以而家對賭波真係無乜興趣囉,而對父母都好左,而家會真係每個月都比家用屋企囉,唔會好似我D阿哥咁一蚊都唔比錢屋企,有時聽到都好漆慶！大佬！你祖屋都要錢喇,電唔洗錢,水唔洗錢,日日返黎當酒店咁,訓醒就返工,咁能大個人都唔能識諗,自私都呀真係,仲要做人個仔,真係等你養就X街囉,我比錢伸請睇有線,但我阿哥一返黎就轉九我台,搞到我無得睇波,慶起上黎我咪CUT能左個有線囉,大家都無得睇,反正我而家都無乜時間睇電視,但係站於我立場我又唔可以講D乜,我都真係無計！所以其實我都幾大壓力,成頭家得我一個人比錢屋企,我阿媽仲話我比得少,大佬！我而家出糧出八千幾呀,自已都唔係好夠錢洗呀,寫得太長喇下次先寫喇！

2007年8月6日

經過連返四日全日(十三個鐘)又放番日假喇,嘩！呢次真係好累呀,日日一早起身就返工,做到夜一夜先收工,之前講過我個同部門同事已經正式昇左上一隊喇,我就從一隊跌番落二隊(從第二個部門學野變番賣番自已食糊野),唉！真係無計,而家公司仲講到又CUT人又唔知點咁,公司氣氛真係唔係咁好,我日日返工都無乜心機,又悶又熱又無野做,真係想搵個人同你講下野都無呀,有生意的話都好D呀,X！日日由朝企到晚,眼見其他部門爆數爆到做唔住,自已又無生意呀,我同你講呀我試過由一朝早返工開始到下午六點鐘先開第一張單呀,真係無計而家呢樣野真係無乜人買嫁喇,自已從第二個部門學野變番賣食糊野自已都有D唔開心嫁,剛剛先上一隊而家又跌番落黎,唔係自已做唔到野,只係公司剛剛走左個人,唔夠人手之下我先跌番落去企,之前個公司大佬都同我講過,我唔係長企會輪住企,但係講真呀呢D死位又有幾多個人會想企呀,又悶又熱最緊要係搵唔到食呀嗎,呢D咁死位為有我自已食晒囉,一定係我企嫁喇我入黎最新,講番早上個星期考試喇,兩回合已經考完,我自已就覺得應該要重考喇,真係好Q難考,之前都講過呢一次考試對我黎講好重要喇,因一次合格會勁好多嫁嗎,對我黎講可唔可以同父母去日本就係睇呢次喇,其實就算唔合格的話都可以去,但會去得比較辛苦少少囉(講錢方面),近其熱門話題都係講緊係去日本囉,真係諗都諗唔倒B哥會去日本囉,因成日都聽佢講要返工,連星期日都話要返工勁忙,居然會同女友去日本旅行,真係固你唔倒,之前咪講過話想十月or十一月去日本旅行,但其實而家都唔知點,去就想去呀只係我自已去定同父母,之前陳友同女友話過一齊去,但係而家又話要同拖鞋一齊去,其實我自已就對拖鞋無乜野,但聽人講佢都幾X麻煩,我自已都覺得佢係D咁的人,所以自已都唔係咁想同佢去,但係而家陳友又話飛唔倒佢(講話一齊去日本旅行),要同佢一齊去呀,所以睇下你點囉(李坐船),講真呀！而家真係好難得可以一齊去旅行玩嫁喇,如果真係去到的話你話幾開心呢,係！真係去日本係貴左少少,但我覺得之後返黎再搵番囉,我就係咁諗囉,但唔知你點諗喇,其實最主要係睇你地放唔放倒大假先(其實我都未知放唔放倒假),如果你去倒的話,我打算叫周仔同我地一齊去囉(飛起陳友,無計喇！拖鞋飯我地都唔鐘意食),周官就講到一定去咁囉,而家我都睇下有無D平機票及平package先,如果我去的話都會用一個平的價錢去,其實兩個人去係最平的(我就比較難搞三個人),住係平的(住民宿,兩個人大約三舊水一個人一晚酒店),食希望平的(難得去到無理由唔食D特別D呀),交通就比較難少少(去的機票就大約三千幾喇,其實就唔係好貴,但最貴就係當地的交通,因我都覺得真係無計,出晒名,貴！)買野(呢樣野睇下你忍唔忍倒囉,我自已就忍唔倒喇,你可以一樣野都唔買嫁),最後總結！想去就去,最多返黎辛苦D囉！下星期日開始無線會播日本人氣日劇(交響情人夢),呢部日劇係日本播果時真係人氣超勁,我睇過都覺得勁好睇,勁好笑！大家記住睇呀！我諗香港播出後一定有好多關於呢部日劇話題出黎,之前講過部十四歲的媽媽一播出後立即比人勁X,我都講過嫁喇,唔講喇太長喇,下一次先講喇！

2007年8月8日

今日又放假喇,吹呀！不過琴日收工後收到個壞消息,就係我公司果個考試第二回合(一對二果個)唔合格要從考多一次,第一回合就合格左,其實我一早估到會唔合格嫁喇,去考果時個考官係咁講D問題留難我,搞到我緊張起黎所有步驟都做錯晒,唉！真係無計！我睇過張考試報告出黎一睇,初初仲意為自已合格,再睇清楚一D原來自已唔合格,我睇過成十幾個人去考,得一個人係全部合格,我覺得公司個要求都好Q高,其實有時我諗過公司會唔會專登唔比我地合格嫁呢,如果佢唔比我合格的話,公司咪唔洗比果D錢我囉,不過又係果句(無計！),你入得黎呢間公司做野,就要玩公司呢個遊戲,佢話咁就咁你無得話事,如果咁諗我一路都唔合格,我咪一路都出得八千幾蚊糧,如果長其下去我真係唔做囉,之前都講過呢一次考試對我黎講好重要(去唔去倒日本睇呢次),因一次過合格會勁好多(有兩次機會,可從考),不過如果真係咁唔好彩兩次機會我都唔合格的話,我都決定左一樣去日本旅行嫁喇,都係果句想去就去,最多返黎辛苦D,點解我會咁想去日本旅行呢,其實一來自已真係好想去日本買D衫褲鞋襪,又想去日本食下野(好懷念日本的炸蝦餅包及和幸豬排飯呀),第二就係想同父母一齊去日本玩下,好記得我上一次的一條友日本之旅,係我無乜錢之下我阿媽都全力支持我(當然要環錢啦),當時我真係好感動佢咁支持我,我仲好記得返到黎之後我地對話,如下:(媽)一個人去好唔好玩呀,唔悶呀！,(我)一D都唔悶呀好好玩呀,(媽)咁貴緊係好玩嫁,我都唔知有無機會去日本玩囉,(我)我下次請你去日本玩呀,(媽)你有鬼錢呀！野都未有得做,(我)好快我會搵到嫁喇,一搵到好快就會有錢,到時咪請你去囉,[返黎囉！各位！！]就係咁我就承諾左下一次一定要請我阿媽去日本旅行喇,咁無理由請我媽去唔請我阿爸去呀,我希望我自已講過的承諾要算數囉,同時我好驚我唔快D完成呢個承諾,我怕之後的日子我再無機會做得到(大吉利是！),我好怕自已因為錯過一D事情而會後悔,我父母的年紀都開始老喇(我都老喇！),一但我自已決定左的事情,我自已一定會想辦法一定要做得到,好似去日本咁一定要做到,係！我知道真係好辛苦(講錢方面),但係我仲有大把機會去日本旅行啦(北海道我都未去),但係我父母就真係唔知仲有幾多機會喇,希望有能力帶倒幾多次就幾多次啦！

2007年8月13日

今日又放番日假喇,不過首先同相識多年朋友[你坐船]講聲生日快樂先,係早幾日(打八號風球果日)返工果時！勁囉！有兩個巴塞球員黎左我公司買PS3,果日因為開開下工先打八號風球的關系,所以其他公司都落晒閘,成條街得番我公司仲有開鋪做生意,初初我做做下野時有兩條友著住巴塞便服衫行過黎,跟住就問我隻機幾錢,當時我都知道係巴塞球員黎嫁喇,但係當時我就諗極都諗唔到係邊Q個黎,只係知道一定係巴塞球員黎,但係就唔知邊Q個,之後果二條友就走入左我公司入面買PS3,當我同事同果二條友行過黎比錢時,就勁興奮咁講巴塞球星黎買野呀,我當時就問我同事佢係邊個黎,跟住我同事就同我講奧利古亞呀！艾斯基路呀！宜！奧利古亞！咪上年歐聯決賽巴塞對阿仙奴入波果條友,踢右閘果個呢,呢兩條友勁就唔係好勁,艾斯基路我就知道係踢前蜂,不過就係大後備果隻,緊係啦你睇巴塞前面幾勁呀,都唔洗佢踢喇,跟住我同事又搵佢地影相又簽名,果兩條友都相當好人,其實當時我都想搵佢地影下相嫁,不過當時我有野做緊,再加上我老闆係度,所以又係果句,無計！不過我都好勁嫁喇,比我咁近見到兩個世界級球星,但係我就覺得好奇怪,點解無人識得呢兩條友,佢地兩條友著D衫都好陽下嫁,成身巴塞便服衫咁！真奇怪！講番工作先,唉！放完今日假之後,就要連返一個星期先再有假放喇,真係有排頂,不過都好可以儲下錢,因我計過條數,我真係唔夠錢去日本旅行嫁(三個人包括我父母),不過都係果句,想去就去,返黎最多辛苦D,碌住卡先我都要去嫁喇！站時我都己經PLAN好左會好邊度玩喇,我囉大假方面都應該無乜問題,陳友及君姐都無乜問題喇,而家只係差周官唔知講真定講假,及我父母唔知去唔去(我都未同佢地講),我諗最遲可以係八月尾九月頭先決定,我就一X定去硬嫁喇,而家儲定錢應該都差唔多喇！

2007年8月16日

今日唔係放假,但見有時間又寫下野先,琴日收到最新消息,我下個星期又要考試喇,講清楚D應該係保考先係,因我第一次考試唔合格嗎,如果連呢一次都唔合格的話,就真係乜都無晒喇,大家都應該明我講乜啦(錢),所以呢一次考試真係對我黎講好重要,如果真係唔好彩連呢一次都唔合格的話,我就真係要諗諗我呢份工的未來,做都做左已經成5個月喇,仲係搵得八千幾蚊一個月,如果以一份咁長時間的工黎講,我就覺得唔係咁成正比喇,其實最主要係睇你企邊個部門,我就真係唔好彩被安排到一個最搵唔到食的部門,一個被人忽視的部門,無一個人想企的一個部門,原本我好有機會轉去第二個部門,但因為種種原因,我而家又返回原來的部門,之前我向公司的大佬反映我的不滿,我公司大佬都應承我,會周不時會轉下人企,但就唔知乜野原因,當其他同事企我部門時就無生意,當我自已企返時就有生意囉,真係唔知佢地係咪玩野,其實都好難怪我大佬的,因其他同事都已經有一樣自已最食糊專長野,都好難安排過黎企我果度,萬一佢企左我果邊而又攪到佢原本部門無生意咁又點攪呢,之後我公司大佬就同我講,真係無計！佢地企呢就無生意,如果你企呢就有生意,你咁講即係玩我呀(呢句心裡面講),講真又有邊個想企呢個部門呀,又悶又搵唔到食,講真呢樣野已經去到末其喇,點解咁難賣大家都知道的,但係無生意又會問我點解無生意,我就會好直接咁同佢講無人睇囉,講真真係無原因嫁,眼見其他分店的新人一入公司做已經被安排到搵食部門企,講真自已真係有D唔服氣囉,我要求都唔係好高呀,以一份咁長時間的工黎講,我自已覺得最少都要有一萬蚊囉,如果連一萬蚊都無就真係有點兒...,呢份工就真係無野好就係假比較其他公司多,返工時間都係比較好,我睇過一年有成17日銀行假,都未計大假喇,福利都比其他公司好,如果唔係呢幾樣野,我諗我都一早走左,真係睇下呢一次考試點環境先,佢個要求又超高,十幾個人去考得一個人合格,都唔知係咪專登唔比我地合格囉,如果係咁公司咪唔洗比番D錢我囉,如果我呢一次都唔合格的話,我諗我都會流力做野囉,講真做又三十六唔做又三十六,都係搵得八千幾蚊,有無數都唔關我事囉,真係等炒果隻,其實我自已咁樣諗講真真係唔係咁好,但係都係果句如果公司要玩呢個遊戲,一係你唔玩(唔做),唔係你就一定要玩落去,睇下玩到幾時囉！

2007年8月20日

今日又放番日假喇,又係呢句真係有D悶喇,不過之前果幾日做野真係做到好能��,放左今日假後下一次就真係唔知幾時先有假放喇,因今日放的假已經係呢個月最後一日假喇,真係唔講句爽都唔得,近期工作上都無乜特別野,同同事之間的關系都好左好多,因都係呢間公司都做左成五個月喇,近期最能麻煩都係下個星期的保考試,之前幾次都講過如果呢一次都唔合格的話,就真係乜都無喇,不過我自已都諗住用一個輕鬆的心情黎面對呢一次的考試,講真越緊張就越唔得,自已都諗住呢一次都係唔得嫁喇,我成日都覺得係公司專登唔比我地合格嫁,上一次十幾個人去考試,只係得一個人完全合格,真係唔知係佢地要求高呀,定係真係全心玩野專登唔比我地合格,等公司唔洗出果D錢比我地,講真我就唔信十幾個人去考個試都係得一個人合格囉,就算我真係唔合格都無理由連其他人都考咁差呀,當我同同事講我下星期要保考時,我同事都同我講呢間公司正一X街公司黎,我同事都考左成三次先合格,所以今次保考會比起我第一次考時,我自已唔會再覺得有咁多希望囉,因我要做的都已經做晒,只係公司要做野所以無辦法,都係果句你做得呢份工,就要玩呢個遊戲,講返D開心野先喇,真係好想快D去日本旅行呀,行程已經安排好喇,應該會加多一日去7日,因我會加多一站去日本的郊區[鎌倉],呢個地方有好多歷史遺產嫁,及真係想去睇一睇鎌倉大佛,來回火車票都只係1430yan,維起黎都係100蚊港紙度,真係勁平,好想去日本的郊區呼吸一下新鮮空氣,去睇一下日本的歷史遺產,而家行程安排方面,我會去一D連我自已都未去過的地方,及會安排一D景點比未去過日本旅行的朋友囉,而家其實都搞得7788喇,只係差周公子無復我,但係我自已就覺得條友仔應該唔會去嫁喇,睇佢今次都係3分鐘熱度多囉,無陳友及君姐咁想去囉,其實今次點解又咁快又去日本呢,之前我都講過我承諾過會請我阿媽去日本旅行,再加上陳友及君姐都想去,我就唔洗講啦緊係想去喇,謝錢方面上網搵到匯豐萬應錢,之前都講過去就去硬,最多返黎辛苦D,如果我唔用呢個方法,我諗我都唔知幾時先可以去到,我計過謝三雞分十八個月還每個月還二千蚊倒,應該都無乜問題。

特別加送:坐船眼有淚光生日片段

 

 

2007年8月25日

而家已經係凌晨兩點幾喇,近幾日的心情真係好差,好灰,無晒心機,點解會咁呢,係琴日終於完成左第二次考試喇(保考),之前都講過如果連呢一次都唔合格的話就一蚊都無,結果到我考果時,我就真係緊張到乜都唔記得晒,個腦空白一片全部步驟都做錯晒,因我知道呢一次的保考試對我黎講係幾咁重要的,考試成績都出左喇,當日去左考兩樣野,其中一樣合格,第二樣就唔合格,即是又要考第三次啦,但係果幾千蚊就一個仙都無晒喇,仲要等多三個月先可以再去考第三次的保考,咁講即是我未來的三個月都只係搵得八千蚊一個月囉,其實今次考得仲差過第一次考果時,真係緊張到爆晒燈,佢要求又勁高,今次又係十幾個人去考,又係得幾個人全部合格,我自已覺得真係好Q難考,經過今次的考試唔合格,自已的心情都跌到落谷底,不知不覺地真係好想唔再做落去,自已心諗都做左成差唔多半年喇,連一雞野都無點搞呀,自已極之唔想再企係而家呢個部門,又搵唔倒食又悶唔係要我長企呀,有時自已係度諗,舊時讀書成績差唔代表大個後唔會成功嫁嗎,而家出黎做野啦又係咁,唔係我考試唔合格就代表我做生意會差嫁嗎,咁多間公司無一間係佢咁的(要考試),當我自已知道呢一次考試唔合格的時候,自已已經諗未來的三個月都係搵得八千蚊時,真係成個人都灰晒,出黎做野咁多年,就係剛剛出黎做野頭果三年係搵八千蚊人工,真係唔知幾多年未試過搵得咁少錢一個月,自已都睇倒未來的日子唔會係咁好囉,再企係呢個部門講真遲早會死,今年對我都真係好辛苦的一年,初初諗住頂得住頭果幾個月未來的日子就會過得好D啦,意為入到一間大球會踢好好彩啦,點知踢左後備成半年,仲要唔知踢到幾時(後備),係！我知道呢間球會福利真係好好,假期真係好多(剛剛收到風,每個人有成三十日假,仲未計例假呀),返工時間係比其他公司好(有時返9個鐘),我諗如果唔係呢幾樣野我一早已經走左(唔做),自從做左呢份工後,其實已經洗少左好多錢喇,每個月出八千幾人工,三千蚊用黎搭車食飯,其餘全部囉黎還錢,已經完全無賭波,係呢半年黎洗得最多就係買左部PSP就係咁多,衫褲鞋都完全無買過一件,一D多餘錢都無真係好辛苦,真係好奈未試過咁環境,但係我知道我唔可能話唔做就唔做的,因我覺得呢份工作一定係好的,因真係好多之前做過呢間公司D人走左之後,而家都返黎做囉,一定係睇過出面的公司環境,最終都覺得舊時果間公司好D囉,人就係咁嫁喇,唔出去比較一下就唔知邊間好囉,我打算比一年時間自已囉(因而家我都好需要錢,工作對於我黎講都好重要),如果一年後我都係搵得八千蚊一個月及都係企係呢個部門我就唔做囉,係大球會踢過一年波,出到去都會輕香D呀,有時我都覺得公司好狗囉,如果我一路都唔合格,公司咪一路都出八千蚊入工比我囉,其實係自已真係唔好彩囉,去到一個完全搵唔到食的部門企,其他部門又滿晒人,所以無計！唉！唔講喇！無錢就講乜都無用！講返D開心野先喇,真係好想快D去日本玩囉,B哥就星期日出發喇,周公子就比我估中左三分鐘熱度囉(買車事件),話十一月有野做去唔倒,得喇！一早估到啦,我下個星期放假就去旅行杜睇睇乜環境先,都要囉定大假,因收到風公司好多人想11月放大假,所以要早少少囉定大假,謝錢方向都應該無乜問題,自已係未來的三個月應該都可以儲倒一雞野度,自已而家的心情只有係呢一樣係比較開心D囉(去日本旅行),唔講喇都好Q夜喇！

2007年9月3日

返左成個禮拜工今日又放番日假喇,唉！個個同事都放成7日8日假,我就因為之前7月頭連放左6日假,所以而家就無晒D保假喇,而今個月都係得5日假放,平均返6日放一日囉,講番工作先,近期生意真係差左好多,個個想搵果D機款就無晒貨,賣來賣去都係果D舊機款,一隻新型號機都無,咁點搞呀大佬！已經好X難賣嫁喇呢樣野,仲要乜漆機款都無,唉！唔X講喇,近期開工果時都見到好多人,包括中學同學阿細,佢見我唔倒呀,但我見倒佢囉,佢黎我公司收番個櫃台,我諗應該同阿蟲做同一行囉,跟住又見倒有線娛樂台主播歐永權及六號明囉,歐永權仲走過黎問我野,但係無計呀！佢想搵果隻野通街都無貨,而阿六號明真人真係好鬼死高囉,近期放親假都好多野做,上星期就搞謝錢同旅行杜價錢等等..謝錢方面就仲未搞得倒,睇下我個係銀行做的朋友搞唔搞度囉,一日搞唔倒我都唔敢同我阿爸阿媽講住(去日本旅行),費事同佢地講左之後又去唔倒喇,其實而家手頭上都有一萬蚊倒,再加上未來兩個月的人工,如果自已一個人去都應該無乜問題,但係三個人去就大單D喇,近期我阿媽仲話我比錢比得佢少,話我成年都無過錢佢,唉！其實我自已都好辛苦呀,係D半年黎真係窮到X街嫁,經過琴日我終於還晒D錢比我阿媽喇,大佬！我係呢半年內(其實出糧只係出左5個月)講真加起黎我諗最多搵得4萬幾蚊倒,我還比我阿媽都已經還左兩萬喇,自已食飯坐車打下波果度洗左萬幾蚊,都未計還幾百幾百入果D卡數喇,真係無乜多除錢洗喇,而家都無賭波喇,因真係輸唔起錢喇,D人成日講不賭就是贏咪就係呢D囉,其實最主要問題係我D阿哥,咁X大個人一蚊都無比錢我阿媽,仲話做人大佬,真係自私到呀搵成皮幾野個月,唉！但係我又唔可以出D乜聲X漆佢,但係咁大個人都唔識諗就真係..,你唔能比錢屋企我咪CUT能左個有線佢囉(反正而家我都唔睇有線),次次一放工返到屋企就打開個電視睇有線,錢就唔能比,我呢D做細都識諗喇,而家搞到我自已一個頂住頭家咁,大佬！我而家搵幾多錢一個月呀,每個月出8千幾,自已洗三千比阿媽兩千交保險又兩三千,真係無乜錢喇,係近呢5,6年黎每個月都會比錢我阿媽(除左無野做果半年),每個月都唔會少,其實而家我自已都好大壓力,好似把個重任交比我咁,一個人頂晒,不過而家都好搞好我阿媽條數,跟住就搞前領隊果5千同果4千幾蚊卡數,慢慢黎喇後生仔,唉！真係無計！