書展•記

　　一個大晴天既星期日, 兩個唔好書既人到書展潮逛. 首先, 第一件要做既事就係排隊, 排隊並唔係一件簡單既事,要係烈日當空三十幾度下排隊, 好彩我早就準備左縮骨遮同膠扇, 如果唔係, 就真係會變粟一燒, 平時大多數男人都唔會打傘遮蔭, 可想而知當時既天氣.

　　抹下汗, 潑下扇, 撐下遮, 慢慢,慢慢就入到會展. 當然, 我地跟住買飛隊前進, 經過九曲同十三彎, 再以蛇行急步, 最後都可以比我地買到入場飛.

　　入到展覽廳, 發覺無想像中咁多人, 可能係開放既展覽廳比較多, 又或者D人仲排緊隊, 唔知!? 我地順勢慢慢逛, 因為自己都唔好書, 其實都只係走馬看花, 並唔享受睇書既樂趣.

　　我地由十一點幾開始行, 每一個書攤都唔留得好耐, 中途食左個熱狗同其他小食, 唔經唔覺都已經到六七點 我諗如果一個真係好書既人, 一定要行幾日先行得完全場. 講番自己, 我點可以空手走出書展呢, 所以我就買左一本叫「海馬記憶法」既書, 等自己既記性好D, 兼且可以學下睇簡體字, 一舉兩得!