Day 5 ~ 騎冰島馬、觀鯨
7:30 起身，食早餐，望見個天非常之晴朗，心想：今日要去格靈蘭，氣溫一定好凍，好彩...今日天氣好可以無咁凍。於是食完早餐，8:30就出發行過去內陸機 場。我地只知方向，但完全未試過行去，亦唔知座野係點樣，聽過人講10分鐘就到，不過擔心唔識路，都係早小小過去。於是我地行去一條直路用左15分鐘，最 尾尾個間就係機場，真係估佢唔到既一間鐵皮屋，而且仲係非常之細！去到既時間當然仲早啦，未開始Check-in，於是我地都四圍睇吓。不過，5分鐘唔洗 我地就可以坐定定啦，因為真係一眼睇晒！

等 到9:10 Check-in，工作態度 = 慢！！唔見得好nice，一早開工黑口黑面...算啦，你開工可能都係咁！於是，耐心等候。等左大半個鐘，check-in完成，但仲要再等，因為候機室 未ready喎！好彩5分鐘後就見候機室大門開啦，經安檢入到間超細既房。

起初我同老公就搵左個位坐吓，但一班外國人就走入去間得個房仔咁細既Duty free買野，雖然9成都係酒，不過，見一場黎到不如去行吓啦！入面買既好多都係煙、酒、化妝品，亦有唔小位要黎放糖果，不過，我地最後用 ISK$750(約HKD$45)買左3M既冷帽，平!!咁細間既duty free我地行完又行，計完又計，出黎既時候都仲未見有得上機。於是我地係呢個小小既候機室企定定等，10:30都仲未有人黎攪登機，佢地亦無職員係房入 面，有個幾次廣播，不過全部都係冰島文，乜都聽唔明，只可以睇到有幾班機既人落機經過。最後到左11:00，有人頂唔住問海關既人(因為佢地就坐係我地間 候機室既門口)，海關個幾個人就用唔咸唔淡既英文答：『天氣唔好，所以唔知幾時會飛，航空公司睇緊。』問佢個位剛好係阿婆，睇佢本身都唔係英文人，問完之 後都係唔明個海關講乜。過左10分鐘左右，有一個男人行出黎，佢個樣似英文人，唔似北歐人，佢就用非常之純正既英文講左海關人員既答案一次，大家先知班機 因乜事delay。於是，大家只好再等吓，不過，我就同老公係度擔心緊，而家都11:00啦，再遲落去，我地過到去幾點呀？仲有時間俾我地去玩咩？一陣呢 頭去個頭返咁點算？老公都話唔知，希望呢邊去既時候delay返個班都delay啦！因為現場一個航空公司既人都無，想問都問唔到。再去到11:30，同 一個英文人行出黎講話航空公司到而家都認為天氣唔好，佢地決定如果到12:00都未有好轉，就會取消今日既航班。於是開始有人要求出返去，因為間侯機室跟 本唔夠位，好多人都要企，已經企左成個幾鐘，好多人都頂唔住坐左係地下(包括我地)。我同老公就商量緊，如果真係取消，今日點算？我地真係取消左今日行程 呀？定轉第二日再去呢？轉既話有邊日可以呢？其他trip可唔可以改呢？係我地plan緊既時候已經12:00 ~~~ 取消！！買左免稅野既要放低，其他人要返出去改班次/退錢！於是，我同老公已經決定張行程改去4號，因為4號我地只有半day行程，睇吓可唔可以改今日下 午去玩左佢。第一時間去counter改時間，仲要攞cancel信claim保險。我地已經係第一個人攪，但都攪左成20分鐘至得，真係慢到嘔！
一改完行程我地就飛奔出去guesthouse攞返張騎馬ticket，點知原來張ticket一早係我地身上。於是，我地又飛奔過去BSI，希望叫RE counter幫我地改時間，點知佢地班人係到玩野，網上收錢就一齊，但counter就唔會幫非RE開既圍攪野。起初RE要我地自己去自費電話到打俾騎 馬間公司架，不過佢成部電話係枱面，又無人喎，我地咪叫佢地幫我地打啦！佢先至十分唔情原咁打去，個邊問我地點解要改，我地同佢講今日去 greenland cancel左，希望可以今日玩左騎馬先，個邊都算好人，見我地因為flight cancel都肯俾我地改，佢地即刻叫個司機黎接多2個人(真好彩)，而我地就用半個鐘既時間去食左個quick lunch！到食lunch既時候，我老公仲想問BSI既人幫我地去訂觀鯨圍，但RE班人就理得你死啦，俾個電話號碼你，然後叫你自己過去收費電話到 打，RE班人都唔肯做，仲話自己係代理！
去緊馬術學校既時候，我本來已經覺得『都好今日有一個行程，好過去city tour既！』點知老公仲好努力咁睇吓點可以去埋觀鯨，我同佢講『算啦！觀鯨又唔一定睇到既，咪當食小次西北風囉！』。去到馬術學校既時候，佢要我地填一 份類似生死狀既聲明，話我地已經知道騎馬本身有一定風險，而馬本身係動物，如果因自身對佢唔好而做成意外既，我地自己係要付責任等等...簽完之後就等教 練，就係呢個時候，我地發現好多俾遊客既書，入面有好多coupon，有幾張仲係報RE團既coupon，唉...真係俾貴左唔小錢呀！不過，我就係間馬 術學校既tour guide入面發現佢有個騎馬+觀鯨既tour，於是我老公即刻問佢我地可唔可以加錢join呢個tour，等一陣騎完馬可以去觀埋鯨。佢地問左一陣就話 OK，於是即刻加錢，就係咁我老公既心願就達成左，好鬼開心咁去騎馬！
入到去試帽、換鞋、帶手套...攪左成15~20分鐘，再出去馬房，嘩！好臭...但轉個頭見到班好可愛既冰島馬個鼻又好似失靈咁唔知臭啦！好開心咁出去影 相，同佢say Hi，又掃吓佢，佢又唔怕你一路係咁申個頭埋你到，同佢地一齊都幾好玩。其實我地玩既時候，教練已經開始安排左其他人去同佢地隻馬仔相識，教練第一件事當 然係問『你以前有無騎過馬啦！』雖然香港好多馬，但我地當然未騎過啦！騎上去...我隻腳太短啦，要麻煩教練幫我調吓個腳踏，仲教左我控制隻馬既基本步， 學起上黎都好簡單啫。於是我地就開開心心咁開始我地既行程啦！

開 始行既時候就無乜事，但當隻馬行快兩步，坐係上面既我都幾驚。佢一行快兩步我就要好用力咁蹬實個腳踏，如果唔係就好似就黎跌咁，唔係則左就係則右，初初好 好驚架，好用力咁蹬實，驚真係跌都幾傷架麻，又不停咁拉隻馬，等佢行番慢小小。不過，到中後段知道個方法就放膽俾隻馬行，而且佢地都幾聽話，你一拉佢，佢\ 就跟你指示做。係行程既中間，我地係一遍草地到落馬休息，原來係等職員檢查吓我地隻馬，睇吓有無野鬆左/唔安全。隻馬仔一停就不停咁食草，好似幾日無食野 咁！有個靚女職員同我講，因為馬馬們太喜歡綠草啦，而冰島一年得個幾個月有綠草食，所以佢地會增取時間不停咁食！而途中既影色都幾靚架，不過掛住騎馬仲邊有手影相呀！騎完落地，隻腳...輕左！不過...大髀位就好痛~~~



騎完馬，馬術學院車我地去碼頭，用voucher換左船飛就上。隻船就唔係好大，都擔人緊會唔會好拋，不過開船後就唔擔心啦！我地去個人天朗氣清，鬼咁好太陽，浪都唔多個啦！不過，風就好大，我地係開始都係甲板上面坐，中間去過一個島仔到睇Puffin，不過太遠Zoom盡都睇唔到乜野。於是，30分鐘後頂唔住咁大風啦，都係坐返入倉，直至船頭既講解員話到我地至返上去甲板。開始既時候，乜動靜都無，講解員就只係講今日天氣好，應該好大機會睇到架，不過...鯨魚係野生動物，所以唔一定睇到架！大家都係甲板行黎行去，雖然唔叫拋，不過都唔係容易行架，要扶住先至行到，而且風都好大，大家都唔多願意行去船頭。




都唔幾得等左幾耐，講解員話有發現，大家即刻去晒船頭！不過...200米外喎...大家都係得個望字，乜都睇唔到！直至船開到差唔多既地方，我地開始見到佢噴水，不過魚身都係唔見！佢話條鯨剛剛做左個『深潛』可能要等多5分鐘佢至會上黎，而且可能會『潛』好遠至出黎！於是，大家只有等啦，但好大風架！不過，鯨魚都無令我地失望，佢過左一陣真係上返黎，佢上水同下潛有一個規律：第一、二次佢只會升個頭上黎噴水，之後潛返入水，最多都只係睇到背鲯；第三次就會係噴完水之後作深潛，所以佢會用力小小上水，而且仲會露條尾出水。不過三次之後就會潛5分鐘以上，而且可能會游遠左，要再搵下佢去邊！我地睇左條鯨幾次上落，有次仲好近，雖然條鯨係少年，但都好開心！
據講解員指出，我地睇到既呢條係Humpback whale (座頭鯨)，不過佢係乜鯨都無乜所謂啦，因為睇到已經好開心架啦！

吹氣孔
背鯕
擺尾啦！
係碼頭返guesthouse既時候時，我地仲有時間去行個city tour!!


國會

你睇天鵝湖既鴨幾好feel！