千其唔好幫襯！元朗輕鐵站對出，即廣東省銀行大廈 98號旁

位於元朗大棠輕鐵站對出，即廣東省銀行大廈 98號旁！呢間有T-shirt 賣既舖頭，大家小心，千其唔好幫襯。

話說我尋日行過，見到 D T-SHIRT 都 OK 想問下幾錢，我見到個短頭髮既女人走出黎叉野收檔，我就行去問下佢幾錢件。

我：「唔該，我想問下 D T-SHIRT幾錢呀？」

呀姐當我透明，唔彩唔應。

我：「呀姨，我想問呢D T-SHIRT幾錢件呀？」

呀姐：「你要邊件先得架，件件都唔同，點知你問邊件呀？」

態度極度不滿，完全唔自在你果一百幾十，根本唔想做你生意。

係呢個時候，我只能夠講：「咁唔洗喇唔該。」我講完轉身就走。你都唔做我生意，我亦都唔會比錢買你D野！

跟住我聽到既，就係呢個精神失常既呀姐狂性大發咁鬧我：「都運吉既！問就要答你架拿，麻X煩，X%$#e^&*&(*543@@$。！」我只係聽到一把好響既女人聲係咁講粗口鬧。

我真係唔想同佢嘈，好明顯，佢係需要一個心理醫生，而唔係要錢，而我都忍左呢啖氣，我只係到諗，我同你嘈，咁我同你呢隻癲雞有咩分別？

所以我只係忍住呢口氣行去搭小巴返屋企就算。