昂坪 360 之旅

上一篇 / 下一篇 2006-10-11 22:24:57 / 天氣: 晴朗 / 心情: 高興 / 個人分類：生活

昂坪 360 之旅

　　十月八日星期日，我同兩個朋友一行三人到東涌撘新啟用既昂坪 360 纜車。當我地撘地鐵到左東涌之後，見到出閘處附近有個牌寫住「昂坪 360 xxxx票已經售罄」(exactly 唔記得 )，我地都嚇左一跳，咁遠水路黎東涌，唔係掛!? 原來我地誤會左，只係來回套票售罄；不過，我地緊張既心情無放鬆到，因為我地都好緊張試撘新纜車既感覺；當時排隊撘纜車既人都好多，但係過程都好順利，無劑迫既感覺。原來，當日既車費係以什麼「特別日子」計算，原來 $58 一張既單程票，當日為 $68 一張，為左撘新纜車，無所謂啦﹗

　　好﹗終於等到入閘啦﹗我自拍左一幅相，就係右邊既呢一幅﹗差不多上車既時候，先知道一架纜車可以坐十七個人，仲要有企位!? 幸好，我地架車只係上左九個人，所以如果同伴唔多既話，咁就要同其他有緣人一齊撘啦﹗

　　係纜車入面，感覺好舒服，涼風係上面既窗透入，非常之通爽，四周環境迷人景緻，與對面既纜車距離好近，基本上可以同對面車既人打招呼；其實，我心入面有 D 驚，因為實在太高，特別係上山既部分，當回頭向下望既時候...