2007.3.1
今日係公公的舊曆生日, 昨晚一家十九口已經去酒樓食飯慶祝了! 今早我,媽咪, 傑哥, 公公及婆婆再到茶樓飲茶慶祝。
一點多回到家, 媽咪幫忙收拾行李。 其實要攞番去廣州的野唔多, 只是幾本書及一些護膚品...其餘的都是幫媽咪拿番黎ge野! 三點四十五分, 離開屋企, 好唔捨得...同時都好唔捨得日日陪我一齊無聊的波波, 波波你又要好慘地得番自己一個啦, 等我一個星期吧, 一星期後我再返黎陪你玩!!!~ 送的去坐車的...都係媽咪, 不過唔同的係今日坐在車上見住向的揮手的媽咪, 竟然無覺得難過, 以前都是偷偷等車離開後再擦眼眶的眼淚, 或者今次同平時不同的係我知道下星期我又可以返香港啦, 而且仲係長期地...
晚上七點半, 真正地回到廣州宿舍, 打開門第一個感覺就係...唔係嘛,咁污糟? 我發覺呢平時在屋企因為有媽咪, 好多家務都唔晒著手去做, 反而唔覺得自己原來係有少許潔癖的, 哈哈... 返到房, 第一時間係打開窗, 之後就係開電腦啦! 不過唔知係唔係間房實在太污糟, 覺得混身唔舒服, 超驚有虱。於是乎就開始黎一個大掃除...掃地拖地, 收拾書台, 洗洗衣機, 再來就係換床單...忙完一大輪仲要洗厠所, 最後就緊係點一下香薰來一個殺菌消毒... 之後仲要洗衫, 終於忙完後就發覺舒服了好多, 不過仲有一樣野超礙眼的就係窗簾布啦, 好污糟! 本來係有諗過聽日先拆落黎洗的, 不過實在太唔舒服啦, 所以最後都係拆左落黎洗, 而家仲在洗衣機洗緊呢! 整個二月在屋企都未有一日好似今日咁做咁多家務的了, 嘻嘻...
一個月唔係宿舍d野竟然可以咁污糟, 連拖地後的水都係黑色的...太惡佈了! 至於我同房依然係未返的, 雖然話就話聽日註冊。所以今晚得我一個人在房, 整棟宿舍都好似好靜...係有少少後悔咁早返的, 不過無辦法啦, 在香港除左食同訓之外都真係無做過咩...體重當然只有增無減, 加上論文開題報告未寫, 實習報告未作...都係早d返黎攪掂佢, 順手來一個節食減減肥好了!
