我哋係寶琪, Eva同霞姨! 我哋三個弟子有幸跟隨蘇民峰師傅去學習風水玄學, 希望藉住呢個blog, 同大家分享蘇派風水嘅奧妙! 如果有睇"峰生水起精讀班", 可能會知道霞姨其實係男人唻架!

化桃花

上一篇 / 下一篇 2006-11-17 03:21:10 / 個人分類：風水小百科

瞓喺屋企嘅桃花位, 對單身人士有利桃花, 亦利人緣。已婚人士只要係從事成日接觸人嘅工作或者做生意嘅話, 亦有利人緣, 唔一定要化解。但係如果雙方都係做文職, 總之唔洗成日接觸人嘅話, 就容易變成桃花, 咁就要化解一下喇!

家中桃花位會因為大門方向唔同而喺屋中唔同位置:

大門向南 -- 桃花位喺西北

催桃花放八粒白色石頭, 化桃花放一杯水

大門向西南 -- 桃花位喺正東

催桃花放一杯水, 化桃花放紅色物件

大門向正西 -- 桃花位喺東北

催桃花放紅色物件, 化桃花放金屬發聲物件(如上鏈音樂盒、風鈴、舊鎖匙等, 得閒整響佢)

大門向西北 -- 桃花位喺正西

催桃花放八粒白色石頭, 化桃花放一杯水

大門向正北 -- 桃花位喺西南

催桃花放紅色物件, 化桃花放金屬發聲物件(如上鏈音樂盒、風鈴、舊鎖匙等, 得閒整響佢)

大門向東北 -- 桃花位喺正南

催桃花放四棵泥種綠色植物, 化桃花放八粒白色石頭

大門向正東 -- 桃花位喺東南

催桃花放一杯水, 化桃花放紅色物件

大門向東南 -- 桃花位喺正北

催桃花放金屬發聲物件(如上鏈音樂盒、風鈴、舊鎖匙等, 得閒整響佢), 化桃花放四棵泥種綠色植物

**蘇民峰師傅提供

引用刪除 fscollege_hk / 2007-05-17 00:37:37: langflyer,
其實桃花亦都係人緣, 只要心夠堅定, 就唔會影響夫妻關係, 否則化咗桃花, 連人緣都冇埋架!!
睡房油紅色, 你哋瞓唔瞓到覺都係問題啦, 咁刺激! 紅色屬火, 會影響脾氣, 脾氣暴躁當然容易嗌交啦!

引用刪除 langflyer / 2007-05-16 17:32:08: 大門向正東 -- 桃花位喺東南

你所講 - 瞓喺屋企嘅桃花位, 對已婚人士只要係從事成日接觸人嘅工作或者做生意嘅話, 亦有利人緣, 唔一定要化解。

但如果啱老公，我係做文職, 咁需唔需要化解？

我间房係油粉紫，有一面墙是红色，会唔会因为咁对老公疑神疑鬼，仲成日闹交。